Fréttir - Eyjafréttir - 07.08.1986, Blaðsíða 8

Agnar Angantýsson, yfirlögregluþjónn:
„Þjóðhátíðin fór óvenjuvel fram“
Ein er sú stétt sem mikið mæðir á
Þjóðhátíð, en það eru lögreglumenn.
Þurfa þeir að sinna þeim mikla
fjölda sem hingað kemur og fólk
leitar til þeirra með vandræði sín.
Sumir hafa týnt eigum sínum og
aðrir jafnvel örlitlu af sjálfum sér
eins og gengur. Má segja að þeir
haldi um púlsinn á mannlífinu á
Þjóðhátíðinni.
Vegna þessa hafði blaðið samband
við Agnar Angantýsson yfirlögreglu-
þjón og innti hann frétta af Þjóðhá-
tíðinni.
Agnar sagði að þetta hefði verið
óvenju fjölmenn Þjóðhátíð. Sagðist
hann giska á milli 10 og 11 þúsund
manns hefðu verið í Dalnum þegar
mest var. Miðað við þennan mikla
fjölda hefði allt farið vel fram. Hefði
mjög gott veður allan tímann hjálpað
til. Óvenjulítið hefði verið tilkynnt
um þjófnaði úr tjöldum og hefði
munavarslan á svæðinu eflaust haft
sitt að segja.
Aðspurður um slys sagði hann að
alvarlegasti atburðurinn hefði orðið
þegar maður sem sat inni í hústjaldi
hefði fengið flösku í höfuðið og
höfuðkúpubrotnaði. Hefði flöskunni
verið kastað utan frá, af slíku afli að
gat kom á tjalddúkinn. Ekki náðist í
þann sem kastaði en málið er í
rannsókn. Annars hefðu slys verið
óverulcg.
Agnar sagði að þessi mikli fjöldi
hefði e.t.v. komið mönnum í opna
skjöldu og því hefðu ekki verið
reiknað með því í undirbúningi og
skipulagi fyrir hátíðina. Gæslan
hefði þurft að vera fjölmennari. Eins
hefðu þurft aðstöðu þar
sem fólk gæti sofið úr sér áfengis-
vímuna undir eftirliti gæslumanna.
Mætti t.d. vera með stórt tjald á
svæðinu til þess arna. Þyrfti að
hyggja að þessu fyrir næstu Þjóðhá-
tíð.
Þórarar athugið
Nú skulum við öll Ieggjast á
eitt og enda Þjóðhátíðina með
sömu reisn og hún var hafin, og
mæta öll í Dalinn um helgina til
að taka „draslið“ niður. Stefnt
verður svo að því að fara í
Þjóðhátíðarferðalagið aðra
helgi.
Flugvöllurinn:
Metfjöldi
lendinga
Um helgina voru lendingar og
fjöldi farþega um Vestmanneyjaflug-
völl, meiri en áður hefur verið.
Að sögn Jóhanns Guðmundssonar
flugvallarstjóra, voru lendingar s.l.
föstudag 172 og 177 á mánudaginn.
Er þetta mjög mikil aukning því að
sömu daga í fyrra, um Þjóðhátíðar-
helgina, voru 109 lendingar á föstu-
deginum og 108 á mánudeginum,
sem þá var met.
Jóhann sagði að á mánudeginum
hefðu farið héðan um 1500 farþegar
um völlinn sem væri að sjálfsögðu
einnig nýtt met.
Að lokum sagði Jóhann að á 5
dögum fram á mánudagskvöldi
hefðu verið 500 lendingar á vellinum.
Hefði umferðin stundum verið það
mikil að á meðan 7 vélar biðu lend-
ingar, hefðu 5 beðið fiugtaksheimild-
ar á braut. Sagði hann að miklu fargi
væri af mönnum létt að lokinni svona
törn og að allt hefði gengið slysalaust
fyrir sig. Það væri fyrir mestu.
FÖSTUDAG OPIÐ TIL KL. 19.00
LAUGARDAG 0PIÐ TIL KL. 9-12
IÞAÐ ER ENGIN SPURNINGI
KJÖTB0RÐIÐ 0KKAR ER í SÉRFL0KKI
-1. FLOKKS ÚRVINNSLA Á KJÖTI -
■ KJÖTB0RÐIÐ 0KKAR SLÆR ALLT ÚT ■
HVERGIMEIRA ÚRVALAF
Á VÖXTUM OG FERSKU GRÆNMETI
• Jóhann Guðmundsson.
Örtröð
• Mikil örtröð var á flugvellinum og við Herjólf og Smyril á mánudaginn. £
myndinni má sjá farþega bíða þess að ganga um borð í Smyril á mánudaginn.
Einn
sækir
um stöðu
bæjarritara
Um mánaðarmótin rann út frestur
til að sækja um stöðu bæjarritara og
starf félagsmálafulltrúa. Blaðið hafði
samband við Ragnar Óskarsson for-
seta bæjarstjórnar, og hann inntur
frétta um fjölda umsókna og hverjir
umsækjendurnir væru.
Ragnar sagði að einn hefði sótt um
stöðu bæjarritara og óskaði hann
nafnleyndar. Tveir hefðu sótt um
starf félagsmálafulltrúa o6 umiar
óskað nafnleyndar. Hefði sú ákvörð-
un verið tekin í bæjarráði að birta
hvorugt nafnið. Ragnar sagði að
menn ætluðu að gefa sér góðan tíma
til að skoða umsóknirnar. Væri því
óvíst hvort þær yrðu lagðar fram á
bæjarstjórnarfundi þann 14. þ.m.
ÍBV-ÍBK
á laugardag
Næsti leikur IBV í 1. deildinni
verður n.k. laugardag, en þá fá
Eyjamenn í heimsókn, eitt af efstu
liðunum í deildinni, Keflvíkinga.
I.eikurinn hefst kl. 14.00.
Staða ÍBV í deildinni er eins og
alþjóð veit, mjög döpur, og fall í 2.
deild virðist vera óumflyjanlegt.
Vonandi sýna samt stuðningsmenn
liðsins í verki að þeir styðji liðið í
gegnum súrt og sætt með því að
mæta á völlinn á laugardaginn.
Og þá er bara að vona að strákarn-
ir okkar hafi jafnað sig eftir þjóðhá-
tíðina og sýni á sér sparihliðarnar
gegn þessu sterka liði.
Gæðavara
á góða verði
SRAR