Fréttir - Eyjafréttir - 11.05.2000, Page 20
Frcttir
Fimmtudagur 27. janúar 2000
Eyjamenn taka þátt
ísstöð í Grundarfirði
SKÁLAÐ í kampavíni fyrir undirskrift kaupsamnings. Magnús fjórði f.v., Páll sjötti frá hægriog
Guðmundur Jóhannsson
Á föstudaginn var skrifað undir
samning um byggingu ísstöðvar á
Grundarfirði. Undirskriftin fór
fram í húsnæði Teiknistofu Páls
Zóphaníassonar sem vann útboðs-
gögn og mun hann hafa eftirlit með
byggingunni. Eyjaís ehf. er einn af
stofnendum ísstöðvarinnar sem
tekin verður í notkun 1. september.
Magnús Kristinsson, stjómarfor-
maður Eyjaíss, er varformaður Snæíss
hf. sem byggir nýju stöðina. „Snæ-
fellingamir leituðu til okkar síðasta
haust og fóm þess á leit við okkur í
Eyjaís að við gerðumst stofnaðilar að
félagi sem reisti ísstöð í Gmndarfirði,"
segir Magnús um aðkomu Eyjamanna
að nýju ísstöðinni. „Við mættum
galvaskir á stofnfundinn og það var
þeirra að ákveða hvað stór okkur
hlutur yrði í félaginu. Niðurstaðan var
sú að við leggjum til 7 milljónir en
heildar hlutaféð er 40 milljónir
krónur."
Næsta skref var að leita tilboða í
smíðina og var Finnsam a/s í Noregi
með lægsta tilboðið og var því tekið.
„Það vill svo skemmtilega til að það
var einmitt Finnsam sem smíðaði
ísstöðina okkar fyrir 15 ámm og því
fannst okkur vel við hæfi að undirrita
kaupsamninginn í Vestmannaeyjum.
Norðmennimir vom hinir kátustu með
að fá þetta tækifæri til að koma til
Vestmannaeyja. ísstöðin í Gmndar-
firði verður helmingi minni en ísstöðin
okkar en útlit byggingarinnar verður
nánast alveg eins,“ sagði Magnús að
lokum.
FYRIR skömmu var slegið upp
balli fyrir yngstu kynslóðina á
Höfðanum.
Þar tróðu m.a. upp Selma
Júró Björnsdóttir og Andrea
Gylfadóttir sem er sú eina sem
gæti unnið Júró. Boðið upp á
atriði úr Ávaxtakörfunni þar
sem þær stöllur léku á sínum
tíma. Júróvisjón var ekki langt
undan og einnig heyrðust lög úr
Grease og Rocky Horror. Unga
fólkið var ánægt með framtakið
og fyllti Höfðann.
Verkfall sjómanna á flutningaskipum:
Hafði lítil áhrif í Eyjum
Sex daga verkfall undirmanna á
fragtskipum sem lauk um síðustu
helgi hafði lítil áhrif í Vest-
mannaeyjum.
Páll R. Pálsson, framkvæmda-
stjóri Fiskmarkaðs Vestmannaeyja,
fyrst hafi reynt á verkfallið á
fimmtudag og föstudag sem eru
hefðbundnir gámadagar í Eyjum.
„Það var ekki mikill afli í síðustu
viku þannig að við vorum ekki að fá
svo mikið meira inn á gólf hjá okkur
en venjulega. Reyndar fengum við
tegundir inn sem við erum ekki að
selja að öllu jöfnu,“ sagði Páll.
Verkfallið hafði engin áhrif á
siglingar Heijólfs.
JÓNA Sveinsdóttir, verðandi búfræðingur.
Vestmannaeyingurinn
Jóna Sveinsdóttir:
F
Utskrifast sem
búfræðingur frá
Hvanneyri
-Fer í dýralæknisnám í haust -
Hluti af lokaverkefninu var að skrifa
um nýlegar tilraunir til naut-
griparæktar í Vestmannaeyjum
Fremur sjaldgæft er að Vest-
mannaeyingar hasli sér völl á sviði
landbúnaðar, a.m.k. í seinni tíð og
þeir ekki margir frá Eyjum sem
farið hafa til framhaldsnáms á því
sviði.
En á morgun, föstudaginn 12. maí,
útskrifast frá Bændaskólanum á
Hvanneyri, sem búfræðingur, Vest-
mannaeyingurinn Jóna Sveinsdóttir.
Jóna er 24 ára, dóttir Sveins Sig-
urðssonar, bfistjóra og Ástu Olafs-
dóttur, og hefur lengi vel starfað í
Sparisjóðnum. Hún er að ljúka árs
námi í búfræði og stefnan er sett á
nám í dýralækningum næsta haust.
„Eg kem heim strax eftir útskriftina
og verð að vinna í Sparisjóðnum í
sumar en svo fer ég út í áfram-
haldandi nám í haust,“ segir Jóna.
Hún er ekki endanlega búin að
ákveða hvar hún hyggst fara í dýra-
læknisnám en það verður einhvers
staðar á Norðurlöndunum. Jóna
segir að sig hafi í mörg ár langað til
að verða dýralæknir. Möguleikar til
undirbúnings fyrir slíkt nám séu tak-
markaðir í Vestmannaeyjum og því
hafi hún ákveðið að fara til náms á
Hvanneyri og það hafi nýst henni
vel.
Við spurðum Jónu hvort hún
stefndi kannski að því að starfa sem
dýralæknir í Vestmannaeyjum að
námi loknu.
, J>að gæti alveg eins orðið, ég hefði
ekkert á móti því. Það á bara eftir að
koma í ljós.“
Eitt þeirra verkefna, sem Jóna þurfti
að skila í vetur, var að skrifa grein í
Bændablaðið. Hún ákvað að skrifa
um tilraunir tveggja „Fréttamanna"
til að koma á ný upp nautgriparækt í
Vestmannaeyjum. Sú grein mun
birtast í Bændablaðinu sem út kemur
í næstu viku.