Vestfirðir - 11.01.2013, Qupperneq 4

4 11 janúar 2013
Vestfirðir – Ljósmyndabók:
Fróðleg og skemmtileg bók sem allir
unnendur Vestfjarða ættu að eiga
Bókin Vestfirðir — Ljósmynda-bók, kom út skömmu fyrir síðustu jól. Bókin inniheldur
rúmlega hundrað ljósmyndir frá fimm-
tíu Vestfirðingum. Hér er um einstaka
ljósmyndabók að ræða sem lýsir vel
landslagi, mannlífi og dýralífi á Vest-
fjörðum. Bókin sem hefur verið slétt ár
í vinnslu er fyrst og fremst hugarsmíð
Flateyringsins Eyþórs Jóvinssonar í
Vestfirsku versluninni. Bókin byggist
á því að safnað var saman 50 Vest-
firðingum í eina bók, þar sem hver og
einn fékk eina opnu fyrir sínar myndir
af Vestfjörðum, þ.e. Vestfirðingar að
mynda Vestfirði.
Ljósmyndararnir eru jafnt áhuga- og
atvinnumenn, þeir sem eru að stíga sín
fyrstu skref í ljósmyndun og aðrir sem
hafa myndað í yfir hálfa öld. Allt frá 15
ára stelpu til karla á besta aldri. Fyrir
vikið er bókin einstaklega fjölbreytt,
myndefni margvíslegt og víðsvegar af
Vestfjörðum. Það er mjög athyglisvert
að sjá hversu stóran sess hafið skipar
í í náttúru og menningu Vestfjarðar.
Hafið kemur fyrir í 43 af 50 opnum
bókarinnar og í bókinni má finna níu
báta en ekki einn einasta bíl. Útgáfa
bókarinnar er styrkt myndarlega af
Menningarráði Vestfjarða.
VestFIRÐIR
1. tBL. 2. ÁRGANGUR 2013
Útefandi: Fórspor ehf., Suðurlandsbraut 54, 108 Reykjavík. Ábyrgðarmaður: Ámundi
Ámundason, auglýsingastjóri: Ámundi Ámundason sími 824-2466, netfang
amundi@fotspor.is. auglýsingar: Sími: 578-1190 & netfang: auglysingar@fotspor.
is. ritstjóri: Geir A. Guðssteinsson, sími: 898-5933 & netfang: geirgudsteinsson@
simnet.is. Prentun: Ísafoldarprentsmiðja, 3.000 eintök. dreifing: Íslandspóstur.
FRÍBLAÐINU VESTFIRÐIR ER DREIFT Í 3.000 EINTÖKUM
Á ÖLL HEIMILI OG FYRIRTÆKI Á VESTFJÖRÐUM
Hvað boðar nýárs blessuð sól segir í nýárssálmi sr. Matthíasar Jochum-ssonar. Gott væri að hún boðaði einingu meðal þjóðarinnar, einingu meðal þeirra sem sitja á Alþingi og í bæjarstjórnum víðs vegar
um landið, enda veitir ekki af að skapa tiltrú almennings á þeim og þeirra
störfum sem þar eiga sæti. Því fyrr sem kjörnir fulltrúar átta sig á því að þetta
argaþras sem víða á sér stað er ekki til fagnaðar, og ekki að skapi flestra þeirra
sem kusu þá til þessara starfa, því betra. Í áramótaræðu forseta Íslands var
margt sagt sem voru orð í tíma töluð. Forseti sagði að vissulega hefur margt
tekist vel á liðnum árum og okkur miðar í átt til endurreisnar, jafnvel betur
en öðrum þjóðum. Samt mætti samstaðan vera meiri, átökum oftar stillt í
hóf því sundrung er sjaldan til farsældar, veikir jafnt þjóðir sem fjölskyldur.
Í kjölfar bankahrunsins var þörfin á nýjum samfélagssáttmála sett á dagskrá
og áréttað að hann skyldi binda í stjórnskipun. Ýtt var úr vör við upphaf nú-
verandi kjörtímabils með tvö meginmarkmið að leiðarljósi: Ný stjórnarskrá
skyldi byggð á sáttmála þjóðarinnar. Og hún ætti að vera einföld og skýr.
Góðar hugmyndir birtust svo í tillögum stjórnlagaráðs og njóta margar víðtæks
stuðnings. Ný ákvæði um rétt þjóðarinnar til að krefjast atkvæðagreiðslu um
hin stærstu mál, ótvíræð þjóðareign á auðlindum, aukið sjálfstæði dómstóla
og víðtækari mannréttindi – allt er þetta og margt annað til bóta.
Í haust var haldin ráðstefna í Edinborgarhúsinu á Ísafirði um framtíð sjáv-
arbyggða á Vestfjörðum, þar sem fjallað var um stöðu Vestfjarða og framtíð.
Á ráðstefnuna mættu margir af helstu sérfræðingum landsins um málið,
a.m.k. að því að talið er, og ráðstefnan reyndist býsna fjölsótt og leiddi að
vissu marki til til upplýstrar umræðu um stöðu og framtíð svæðisins. Sjáv-
arútvegur er ein af lykilatvinnugreinum Vestfjarða, atvinnugreinin byggir
á sjávarauðlindinni og er framtíð svæðisins samofin því hvernig til tekst að
ná sem mestum verðmætum úr auðlindinni með sjálfbærum hætti. Staða
atvinnulífs og viðvarandi fólksflótti á Vestfjörðum eru áhyggjuefni sem íbúar,
sveitarstjórnarmenn, ríkisvald og atvinnulíf þurfa að hugsa um með lausna-
miðuðum hætti. Markmið skipuleggjenda ráðstefnunnar var að ráðstefnan
sjálf gæti verið mikilvægt innlegg í upplýstri og faglegri umræðu um framtíð
sjávarbyggða á Vestfjörðum og verður gefið út ráðstefnurit með greinum
byggt á erindum fyrirlesara sem voru fjölmargir og mjög áhugaverðir flestir
hverjir. Það vekur hins vegar athygli að fjórum mánuðum síðar hefur þetta
rit ekki séð dagsins ljós, en vonandi stendur það til bóta., kannski liggur alls
ekkert á þrátt fyrir allt?
Er til betri leið til að hefja nýja árið en með árangursríkri markmiðasetn-
ingu? Eitt af einkennum þeirra sem að ná lengra er að þeir setja sér sjálfum
og fyrirtækjum sínum eða fyrirtækjum sem þeir vinna hjá skýr markmið. Á
markvissan hátt eru skoðaðar leiðir til að nálgast megi markmiðin þannig að
þau raunverulega náist og farið er yfir góð ráð til að takast á við þær hindranir
sem birtast hverju sinni, sem auðvitað birtast alltaf öðru hverju. Með því að
gefa sér tíma eru viðkomandi betur færir um að ná markmiðum sínum, hvort
sem að það er í starfi eða einkalífinu.
Blaðið VESTFIRÐIR óskar lesendum sínum gleðilegs og farsæls árs!
Geir A. Guðsteinsson ritstjóri
Verkefni hins nýja
árs og framtíð
vestfirskra byggða
Leiðari
Afleiðing ofsaveðursins á Vestfjörðum um hátíðarnar:
Afhendingaröryggi raf-
orku á Vestfjörðum fjarri
því að vera ásættanlegt
Út er komin ársskrýsla starfs-hóps um afhendingaröryggi raforku á Vestfjörðum. Skýr-
slan var kynnt af á fundi ríkisstjórnar-
innar 21. desember sl. að hálfu Stein-
gríms J Sigfússonar atvinnuvega- og
nýsköpunarráðherra. Starfshópurinn
var settur á laggirnar samkvæmt sam-
þykkt ríkisstjórnarfundar á Ísafirði
þann 5. apríl 2011. Hlutverk hópsins er
að fylgja eftir markmiðum stjórnvalda
um aukið afhendingaröryggi raforku
á Vestfjörðum. Mikilvægt er að þessi
skýrsla komi nú fram inn í umræðu um
þá stöðu sem kom upp í óveðrinu í lok
síðasta árs. Stjórn Fjórðungssambands
Vestfirðinga hefur kallað eftir umræðu
þetta alvarlega mál og falast eftir eftir
viðbrögðum stjórnvalda um aðgerðir
til lengri og skemmri tíma litið. Krist-
ján Hálfdánarson orkubússtjóri var
kallaður suður á fund umhverfis- og
samgöngunefndar Alþingis um stöðu
mála og hvað sé til úrbóta.
Veðurofsinn sem gekk yfir Vest-
firði um hátíðarnar afhjúpaði alvar-
lega veikleika í raforku, samgöngu- og
fjarskiptamálum Vestfirðinga og krefst
skýringa. Hindra þarf með öllum
ráðum að sagan endurtaki sig.
Tekið skal undir þau orð Ólínar
Þorvarðardóttur þingmanns að það
gangi ekki öllu lengur að allar leiðir
til og frá höfuðstað Vestfjarða séu lok-
aðar dögum saman vegna snjóþyngsla
og snjóflóðahættu. Súðavíkurhlíðin er
snjóflóðakista sem lokast iðulega þegar
ofankoma verður meiri en í meðallagi
– en þessi vegur er helsta samgöngu-
æðin milli Ísafjarðar og umheimsins
yfir vetrarmánuðina. Þetta sýnir að
jarðgöng milli Engidals og Álftafjarðar
verða að komast á framkvæmdastig hið
fyrsta, og inn á samgönguáætlun strax í
framhaldi af Dýrafjarðargöngum.
Fjarskipti fóru úr skorðum, varaafl-
stöðvar Orkubús Vestfjarða voru bil-
aðar á versta tíma, rétt eins og eftirliti,
viðhaldi og álagsprófun hafi alls ekki
verið sinnt þrátt fyrir að starfsmönnum
OV hafi mátt ljóst vera af veðurspám
í hvað gæti stefnt. Það vekur undrun,
svo ekki sé tekið dýpra í árinni, að ekki
skyldu strax gefnar út tilkynningar í
gegnum almannavarnir um það hvað
væri í gangi í rafmagnsleysinu. Fólk sat
í köldum og dimmum húsum tímunum
saman í öryggisleysi án þess að vita
nokkuð.Vestfirðingar eiga einfaldlega
betra skilið.
Séð heim að Fremri Breiðadal í Önundarfirði um hátíðarnar.
Forsíða bókarinnar flytur lesandann m.a. nær
villtu dýralífi Vestfirðingafjórðungs.