Vestfirðir - 10.10.2013, Page 12

10. október 201312
Sameining Tálknafjarðarhrepps og Vesturbyggðar:
Íbúar Tálknafjarðarhrepps taka
afstöðu á íbúaþingi í nóvember
Á fundi hreppsnefndar Tálkna-fjarðarhrepps 11. september sl. var tekið fyrir erindi frá
bæjarstjórn Vesturbyggðar þar sem
farið er fram á umræður um samein-
ingu sveitarfélaganna. Væntanlega
yrðu þá kosningar jafnhliða sveitar-
stjórnarkosningum í lok maímánaðar
á næsta ári. Í bókun um erindi Vest-
urbyggðar á hreppsnefndarfundinum
er vísað til erindis Vesturbyggðar en
þar er minnt á marvísleg samstarfs-
verkefni sem unnin eru hjá sveitarfé-
lögunum og hafa verið að þróast jafnt
og þétt gegnum tíðina. Síðan segir
m.a.: ,,Samstarfið við Vesturbyggð
hefur, eins og önnur samstarfsverkefni
sem Tálknafjarðarhreppur er þátttak-
andi í, gengið vel og ekki er óþekkt
að sveitarfélög eiga með sér samstarf
á sem breiðustum grunni, bæði til að
lágmarka kostnað, efla þjónustu og
til að geta tekið að sér stærri verkefni
íbúum til heilla. Samstarf er bæði hjá
stórum sveitarfélögum jafnt sem þeim
minni. Sveitarstjórn vill þó taka fram
að nálgun Vesturbyggðar á samein-
ingu sé í hæsta máta óeðlileg. Bæjarráð
Vesturbyggðar byrjar umræðuna með
bókun og ósk um sameiningu þegar
sveitarstjórn Tálknafjarðarhrepps er í
sumarfríi og kemur ekki til starfa með
formlegum hætti fyrr en 11. septem-
ber, nærri tveimur mánuðum eftir að
bókun bæjarráðs fer í umræðu. Bókun
bæjarráðs Vestubyggðar fer svo út til
fjölmiðla þar sem fulltrúar Vestur-
byggðar eru til viðtals og eru að tjá
sig um mál sem er jafn viðkvæmt og
raun ber vitni. Sveitarstjórn vill ekki
með þessu útiloka aukið samstarf og
jafnvel sameiningu. Því á væntanlegu
íbúaþingi sem haldið verður á Tálkna-
firði vegna vinnu við fjárhagsáætlun
mun þetta mál meðal annars bera á
góma og verða rætt.
Það er skýlaus vilji sveitarstjórnar
að sameining milli fyrst Patreksfjarðar,
Bíldudals, Barðastrandarhrepps,
Rauðasandshrepps og Tálknafjarðar
og síðar Vesturbyggðar og Tálkna-
fjarðararðarhrepps sem nú þegar
hefur verið hafnað í þrígang í kosn-
ingum, verði ekki þvinguð fram af
kjörnum fulltrúum, heldur skal krafan
koma frá íbúum á þeim vettvangi þar
sem íbúar tjá sig um málefni sveitarfé-
lagsins, s.s. á íbúaþingi.” Bókunin var
samþykkt samhljóða af hreppsnefnd
Tálknafjarðarhrepps.
Bjarnveig Guðbrandsdóttir, vara-
oddviti Tálknafjarðarhrepps segir að
ekkert gerist í þessu sameiningarmáli
fyrr en fyrir liggur viljayfirlýsing íbúa
Tálknafjarðarhrepps um málið, en
samhliða íbúaþingi, sem ráðgert er
að halda í nóvembermánuði nk., er
ráðgert að kosning fari fram um það
hvort kjósi eigi um sameiningu við
Vesturbyggð samhliða sveitarstjórnar-
kosningum í lok maímánaðar á næsta
ári. Engin samþykkt hefur verið gerð
í bæjarstjórn Vesturbyggðar eftir
að bókun sveitarstjórnar Tálkna-
fjarðarhrepps lá fyrir, og verður málið
ekki tekið fyrir fyrr en eftir íbúafund-
inn á Tálknafirði.
Fámennustu sveitarfélög-
in borga mest
Stærðarhagkvæmni í rekstri sveitar-
félaga kemur glögglega í ljós þegar
framlög þeirra til mennta-, menn-
ingar og æskulýðsmála eru reiknuð
eftir íbúafjölda. Fámennustu sveitar-
félögin verja mun hærri fjárhæðum
á hvern íbúa til þessara mála en þau
fjölmennari. Formaður Sambands
íslenskra sveitarfélaga, Halldór Hall-
dórsson, ræddi þessi mál m.a. á fjár-
málaráðstefnu sveitarfélaganna sem
fram fór í síðustu viku, og sagðist
vilja skoða sameiningu sveitarfélaga,
fyrst og fremst minni sveitarfélaga,
svo einfaldara verði fyrir þau að taka
við stærri verkefnum. Fyrir nokkrum
árum var í gildi reglugerð sem sagði
að íbúafjöldi sveitarfélags yrði að vera
að lágmarki 500 íbúar, en síðar var
það fellt niður, þ.e. ekkert lágmark
er í gildi í dag. Halldór nefndi m.a.
að ýmsir teldu að lágmarksíbúafjöldi
sveitarfélags yrði að vera 8.000 manns
til þess að til þess m.a. að auka þjón-
ustuna við íbúana. Rétt er að taka fram
að blaðið VESTFIRÐIR er alls ekki
að taka afstöðu til sameiningamála á
Vestfjörðum, aðeins að vekja athygli
á þeirri umræðu sem fram hefur far-
ið um sameiningarmál sveitarfélaga
almennt á fjármálaráðstefnu sveitar-
félaga og eftir að henni lauk.
tálknafjörður.
Sveitarstjórn vill ekki
með þessu útiloka aukið
samstarf og jafnvel sam-
einingu. Því á væntanlegu
íbúaþingi sem haldið
verður á Tálknafirði vegna
vinnu við fjárhagsáætlun
mun þetta mál meðal
annars bera á góma og
verða rætt.
Fosshótel Vestfirðir á Patreksfirði:
Hefur verið vítamínssprauta
fyrir ferðaþjónustu á
sunnanverðum Vestfjörðum
Nýtt og glæsilegt hótel var opnað á Patreksfirði í sum-arbyrjun. Framkvæmdir
hafa staðið yfir frá því sumarið 2012,
en gamla frystihúsið og sláturhúsið á
Geirseyri fær algjörlega nýtt hlutverk
eftir þessa yfirhalningu. Gamla slát-
urhúsið hafði staðið autt um árabil,
og var til lítis yndislauka og jafnvel
Patreksfirðingum til ama. Fosshótel
Vestfirðir er 3ja stjörnu hótel með
veitingastað og bar og veitir 20 manns
vinnu, svo það er verulega atvinnu-
skapandi á staðnum. Á hótelinu verða
40 herbergi með baðherbergi. Öll
herbergi, bar og morgunverðarsalur
verða reyklaus svæði. Patreksfjörður
er einn af vinsælustu áfangastöðum á
Vestfjörðum. Landslagið er stórbrotið
á Vestfjörðum, dýralífið einstakt og
ósnert náttúra nánast hvert sem litið er.
Í Vesturbyggð eru miklar andstæður
og þar má m.a. heimsækja Látrabjarg,
Rauðasand og fossinn Dynjanda. Pat-
reksfirðingar hafa svo sannarlega tekið
þessu nýja hóteli fagnandi og nýtt sér
frábæra veitingaþjónustuna.
Ritstjóri VESTFJARÐA getur stað-
fest að það er svo sannarlega engin
svikinn af því að njóa þjónustu hótels-
ins. Í veitingasalnum hljómar hljóðlát
íslensk tónlist svo gestir geta vel talað
saman. Herbergin eru fin og raunar
ótrúlegt að hvernig hægt hefur verið
að breyta gömlu sláturhúsi með svona
afgerandi hætti. Hótelið er ennfremur
mjög áberandi í götumyndinni og er
opið allt árið, nokkuð sem ekki var
hægt að treysta á áður fyrr hjá þeim
aðilum sem hafa boðið gistingu á Pat-
reksfirði. Fosshótel ásamt kirkjunni á
staðnum gæti auðveldlega orðið svo-
lítið ,,andlit” staðarins í framtíðinni
rétt eins og frystihúsið var áður, en
með nokkuð öðrum hætti.
Hvað dregur ferðamenn til Patreks-
fjarðar? Fyrst og fremst góð og örugg
gisting, en síðan er það umhverfið,
náttúran, hafið og þessi kyrrð sem
svo gott er að njóta að kvöldlagi þegar
gengið er um staðinn.
Starfsmennirnir Loftur Hilmar Loftsson veitingastjóri ásamt tveimur
starfsmönnum hótelsins fyrir fram aðalinngang þess.