Reykjavík - 27.04.2013, Blaðsíða 2

2 27. apríl 2013
Í grein sem Vilhjálmur Birgisson verkalýðsforingi á Akranesi ritar á vef Pressunar, pressan.is, segir hann að haft hafi verið samband við sig af ábyrgum aðila sem tjáði sér að Sjálfstæðismenn, Samfylking og Björt
framtíð séu nú þegar farin að ræða hugsanlegt ríkisstjórnarsamstarf. Við
þetta bætir hann svo: „Ef þessar heimildir eru réttar þá er það morgunljóst
að aðalbaráttumál stjórnar og trúnaðarráðs Verkalýðsfélags Akraness
undanfarin ár um afnám verðtryggingar og að forsendubrestur heimilanna
verði leiðréttur verður alls ekki að veruleika“.
Nú ætla ég alls ekki að leggja mat á hvort þetta sé raunin, þ.e. að menn
séu þegar byrjaðir í stjórnarmyndunarviðræðum áður en sjálfar kosn-
ingarnar eru um garð gengnar, en hitt er morgunljóst að ef svo er, þá er
baktjaldapólitíkin og óheiðarleikinn enn á fullu skriði í pólitíkinni.
Það er sjálfsagt draumur flestra frambjóðenda að komast í valdastöður.
Hafa áhrif, til þess er jú leikurinn gerður. Á hitt ber að minna að það er
Forseti Íslands sem stjórnskipulega hefur þarna mikið vald. Það er hans
að meta hver fær fyrstur stjórnarmyndunarumboð. Það hlýtur að vera
sérkennileg staða ef menn hafa raðað sér í blokkir áður en menn vita
hvað kemur upp úr kjörkössunum, áður en menn vita hver fær stjórnar-
myndunarumboðið. Það er í formlegum stjórnarmyndunarviðræðum þar
sem menn eiga að tala og þar á að koma fram hvort eða hvernig menn ná
saman um málefnalegar áherslur og þá fyrir opnum tjöldum.
Allt annað er einfaldlega valdafíkn þegar menn vinna bak við tjöldin, vinna
að því að ná völdum. Hafa menn ekkert lært? Eiga borgarar landsins ekki
skilið, eftir það sem á undan er gengið, þar sem Alþingi er gjörsamlega rúið
trausti, að heilindi og heilbrigði einkenni nú íslensk stjórnmál og stjórn-
armyndunarviðræður fái að fara fram þar sem heiðarleikinn er í öndvegi .
Eigum við kjósendur ekki skýra kröfu á að baktjaldamakkinu ljúki nú
með þessu nýja fólki sem setjast mun á Alþingi – ómengað af fortíðar-
vinnubrögðum sem hafa leitt þessa þjóð í gegnum mis miklar hörmungar
fyrir fólk og fyrirtæki.
Gleðilegt sumar og
góða helgi - kosningahelgi!
Sigurður Þ. Ragnarsson ritstjóri
Leiðari
Er baktjalda-
makkið byrjað?
Spurning vikunnar er: Alþingishúsið var reist á árunum 1880-1881.
Hvaðan voru steinarnir teknir sem húsið er byggt úr?
Hvað veistu um borgina þína? Svarið er að finna á síðu 14.
Reykjavík vikublað
16. Tbl. 4. áRganguR 2013
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang:
amundi@fotspor.is. framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54, 108 Reykjavík. Auglýsingasími 578
1190, netfang: auglysingar@fotspor.is. Ritstjórar: Hólmfríður Þórisdóttir, sími 699 0450, netfang:
holmfridur@vedurehf.is, Sigurður Þ Ragnarsson netfang: sigurdur@vedurehf.is, Ljósmyndari: Þórir Snær
Sigurðarson, sími 615 2049. Blaðamenn: Linda Hrönn Þórisdóttir, Þórir Snær Sigurðarson. Veffang:
fotspor.is, Umbrot: Prentsnið, Prentun: Ísafoldarprentsmiðja, 47.500 eintök. dreifing:
Fríblaðinu er dreiFt í 47.500 e intökum
í allar íbúðir í reykjavík
Sífellt fleiri fermast borgaralegri fermingu:
Fjöldinn nítjánfaldast frá árinu 1990
11 fermdust árið 1990 en 208 í ár
Sex athafnir borgaralegrar fermingar eru fyrirhugaðar hjá Siðmennt á
þessu ári sem haft hefur veg og vanda
að slíkum athöfnum. Tvær athafnir
voru um þar síðustu helgi, fyrir og eftir
hádegi og fermdust alls 126 börn skv.
upplýsingum á heimasíðu Siðmenntar,
sidmennt.is. Athafnirnar tvær fóru
fram í Háskólabíói. Um liðna helgi
voru tvær athafnir í Salnum í Kópa-
vogi, þann 12. maí verður ein athöfn í
Hofi á Akureyri og 22. júní í Hallorms-
staðaskógi. Alls eru 208 fermingarbörn
skráð til borgaralegrar fermingar í ár.
Frá árinu 1989 hefur Siðmennt
staðið fyrir borgaralegum fermingum.
Íslenska orðið ferming er þýðing á
latneska orðinu confirmare sem merkir
m.a. að styðja og styrkja. Ungmenni
sem fermast borgaralega eru einmitt
studd í því að vera heilsteyptir og
ábyrgir borgarar í lýðræðislegu sam-
félagi en megintilgangur borgaralegrar
fermingar er að efla heilbrigð og farsæl
viðhorf unglinga til lífsins og kenna
þeim að bera virðingu fyrir manninum,
menningu hans og umhverfi eins og
segir á vefsíðu Siðmenntar.
Kjördagur er í dag:
Kjósendur á kjörskrár-
stofni í Reykjavík 90.773
-konur á kjörskrá fleiri en karlar
Alls eru 90.773 kjósendur á kjör-skrárstofni í Reykjavík fyrir komandi kosningar. Í Reykja-
víkurkjördæmi suður eru á kjörskrá
45.204 og er það fjölgun um 3,3% frá
kosningunum í apríl 2009 eða 1.457
einstaklinga. Í Reykjavíkurkjördæmi
norður eru 45.569 á kjörskrá sem er
aukning um 4,1% frá síðustu kosn-
ingum eða um 1.802 einstaklinga.
Konur eru nokkuð fleiri en karlar
meðal kjósenda í Reykjavík. Í Reykja-
víkurkjördæmi suður eru konur ríf-
lega þúsund fleiri eða 23.132 en karlar
22.072. Munar þar 1060 einstaklingum
á milli kynja Í Reykjavíkurkjördæmi
norður eru konurnar 23.052 talsins en
karlarnir 22.517. Munar þar minna á
milli kynjanna eða 535 einstaklingum.
Kosið verður á þrettán stöðum. Í
Reykjavíkurkjördæmi suður verður
kosið í Hagaskóla, Hlíðaskóla, Breiða-
gerðisskóla, Ölduselsskóla, Íþróttamið-
stöðinni Austurbergi, Árbæjarskóla og
Ingunnarskóla. Í Reykjavíkurkjördæmi
norður verður kosið í Ráðhúsinu,
Laugardalshöllinni, Íþróttamiðstöð-
inni Grafarvogi, Vættaskóla Borgum,
Ingunnarskóla og Klébergsskóla Kjal-
arnesi. Kjósendur geta kannað hvar
þeir eru á kjörskrá með því að fletta
upp í skránni á vefnum www.kosn-
ing.is.
Þjóðskrá Íslands sér um gerð kjör-
skrárstofna við kosningar til Alþingis
en á kjörskrárstofni eru allir íslenskir
ríkisborgarar sem skráðir voru með
lögheimili í ákveðnu sveitarfélagi sam-
kvæmt íbúaskrá þjóðskrár fimm vikum
fyrir kjördag. Kjósendur á landinu öllu
eru 237.957 sem er um 4,4% fjölgun frá
alþingiskosningunum 25. apríl 2009
eða sem nemur 10.114.
List án landamæra:
Systur sýna ljósmyndir í Þjóðminjasafninu
Þrjátíu ljósmyndir eru til sýnis á sýn-ingunni Systralist sem nú stendur
yfir í Þjóðminjasafninu en sýningin
er hluti af menningarhátíðinni List
án landamæra. Á hátíðinni eru ýmsir
menningarlegir atburðir sem eiga það
sameiginlegt að vera haldnir af fötluðu
fólki. Systurnar María, Guðrún Hulda
og Sigríður Sigurjónsdætur, áhugaljós-
myndarar, hönnuðu sýninguna.
„Við sáum á netinu að það var aug-
lýst eftir listviðburðum og spurðum
þau hjá List án landamæra hvort við
mættum vera með. Og svo hélt þetta
áfram.“ segir Guðrún Hulda og bætir
við að myndirnar séu mjög fjölbreyttar.
„Þær eru teknar heima hjá okkur, í
Reykjavík og hér og þar.“ Systurnar eru
frá Hvolsvelli en Guðrún og Sigríður
eru báðar fluttar í bæinn. María býr
hins vegar enn um sinn í sveitasælunni.
Það vekur athygli blaðamanns hve
birta og litir myndanna er flott og
dettur því í hug að spyrja systurnar
hvort þær hafi eytt miklum
tíma í eftirvinnslu. Þær eru
fljótar að svara. „Engum.
Myndirnar eru nákvæm-
lega eins og þær koma úr
vélunum.“
Á Fésbókarsíðu sýn-
ingarinnar kemur fram
að um sölusýningu sé að
ræða. „Fólk getur pantað hjá
okkur myndir sem því líst
vel á á sýningunni.“ segir
María og heldur áfram:
„Það er bæklingur inni á
sýningunni með símanúmerum og
netföngunum okkar ef það vill panta
þær.“
„Vinsælasta myndin er þessi hér.“
bætir Guðrún við og bendir á skemmti-
lega mynd af kind sem stendur við
girðingu með tvö lömb við hlið sér.
Það er eins og þau hafi stillt sér upp
fyrir myndatökuna. „Það voru tveir ef
ekki þrír búnir að panta þessa mynd
fyrstu tvo dagana.“ segir Guðrún.
Systurnar eru bjartsýnar og von-
ast til að framhald verði á.
„Okkur langar svolítið til
að sýna þetta á Hvolsvelli
í sumar með ljósmynda-
klúbbnum okkar. segir
Sigríður og Guðrún bætir
við: „Þar verða myndir sem
eru metri sinnum metri að
stærð, þannig að þær verða
mjög stórar.“
Systralist í Þjóðminjasafn-
inu verður opin til 2. maí og
er aðgangur ókeypis á sýn-
inguna. ÞSS
Þær Sigríður, Guðrún Hulda og María Sigurjónsdætur standa fyrir sýningunni
og hvetja þá sem leið eiga á staðinn til að skrifa í gestabókina um leið og
þeir koma. Þess má geta að María bjó gestabókina til sérstaklega fyrir
sýninguna. Mynd: Þórir Snær
Þetta er ein af þeim fjölmörgu myndum sem til sýnis eru
á Systralist.
Frá athöfninni í Háskólabíói um þar síðustu helgi.
Suðvesturkjördæmi er stærsta einstaka kjördæmið. Heimild: Innanríkisráðuneytið