Fréttir - Eyjafréttir - 24.04.2008, Blaðsíða 2
2
bilar / fímmtudagur 24. april 2008
MOSKINN HÉLT EKKI VATNI
- Gísli Valtýsson rifjar upp einstakan bíl
Ég átti einu sinni einstakan bíl. Hann var af
gerðinni Moskwitz station, árgerð 1962, skær-
gulur að lit. Það var alltaf mjög sérkennileg
lykt í bílnum, sama hvað maður úðaði
ilmefnum eða þvoði hann að innan. Alltaf var
þessi sterka lykt, sem kölluð var Rússalyktin.
Fyrir mér var þessi bíll gott vinnutæki; ég
keypti hann gamlan og notaði til að flytja efni
í húsið mitt, sem ég var að byggja. En sumir
keyptu þessa tegund af því að hún kom frá
"fyrirmyndarríkinu". Og ónefndur Jón, sem
trúði á alræði öreigans og stjórnarfarið í
Sovétríkjunum, vildi enga aðra bíltegund en
Moskwitz. Svo rammt hvað að velþóknun
hans á þessari tegund að hann sagðist fara í
fjórða gír upp Kambana og bíllinn heldi hraða
eins og ekkert væri. Og svo væri annar kostur
við þessa tegund, að hún bilaði nánast aldrei.
Annað en þessir kapitalistabílar, sem væru
ekkert annað en svik auðvaldsins, og t.d. væri
miklu þykkara stál í Moskwits en þessum
blikkdósum að vestan. Ég gat nú reyndar ekki
kvartað yfir mínum Moskwitz. Bíllinn var
ekkert mikið að bila. Það var þó ein bilun sem
hrjáði hann og varð að lokum afdrifarík. í
rigningum vildi hann leka, hélt illa vatni.
Sérstaklega var það bagalegt, að vatn lak inn
með húddinu og niður með vinnukonunum á
framrúðunni. Hann fór því oft ekki í gang í
slíku veðri, af völdum rakans. Sjálfur var ég
búinn að reyna að komast fyrir vandamálið
en ekki tekist. Það varð því úr að ég fékk Birgi
Antonsson, rafvirkja, til að laga bílinn. Birgir
bjó í Stakkagerði, húsi sem nú er horfið af
sjónarsviðinu, en stóð við Ráðhúströð, beint
á móti Alþýðuhúsinu. Birgir bað mig að skilja
bílinn eftirfyrir utan heimilið sitt í Stakka-
gerði. Hann tæki hann síðan með sér þegar
hann færi í vinnu eftir hádegið og gerði við
bílinn. Þennan dag var grenjandi rigning og
eitthvað hafði bíllinn verið að stríða mér um
morguninn.
Þegar Birgir ætlaði að fara á Moskwitzinum
eftir hádegið, var enginn bíll fyrir utan hjá
honum. Eitthvað fannst Birgi þetta skrítið og
fór að litast um. Jú, niður við lögreglustöðina
sem þá var við Hilmisgötuna, var bíllinn, og
stóð með framendan fast að húsinu. Birgirtók
því strauið niður að lögreglustöð. Á leiðinni
mætti hann kunningja sínum, sem sagði
skrítna sögu. Kunninginn sagðist hafa verið
að ganga upp tröppurnar á Stakkagerðistúni,
þegar bíll kemur akanda niður þær. Sagðist
hann hafa verið fljótur að forða sér burtu,
enda hafi bíllinn stefnt á hann. En það sem
honum fannst furðulegast var að það var
enginn bílstjóri í bílnum, - hann var
mannlaus. Og þannig ók hann niður
tröppurnar og síðan út á grasið og niður að
lögreglustöð, þar sem bíllinn stöðvaðist á
suðurhlið lögreglustöðvarinnar. Sagðist
kunninginn hafa farið að bílnum, til að
grennslast nánar um hvort virklega enginn
maður hefði verið í bílnum, - einhver sem
hefði ekið honum. En það var enginn
í bílnum.
Eftir að Birgir hafði kannað málið, var
niðurstaðan sú, að rigningin hafði lekið niður
með vinnukonunum á framrúðunni, -
á startarann, sem var þar beint fyrir neðan,
valdið útleiðslu í honum og ræst vélina og
þar sem bíllinn var í gír og ekki í hand-
bremsu, ók hann sjálfur af stað undan
hallanum niður að lögreglustöðinni og komst
svo ekki lengra. Að bíllinn skyldi komast á
fjórum hjólum alla þessa leið og það mestalla
leiðina niðurtröppur, er mjög sérstakt - og að
enginn skyldi verða fyrir bílnum var auðvitað
mikil guðsmildi. En úr því svona vel fór, þá
var ekki annað hægt en að hafa dálítið
gaman af öllu saman. Þegar ég sagði
ónefndum Jóni þessa sögu, vildi hann ekki
trúa skýringunni um rigninguna, heldur hafi
bílnum trúlega verið ýtt niður
Stakkagerðistúnið, af einhverjum auð-
valdssinna, sem vildi koma óorði á þessa
tegund.
FLEIRI SPYRIfl UM
MENGUN EN flDUR
- segir Bjarni Freyr á sölu- og markaðssviði Toyota
Arnar Richardsson, umboðsmaður Toyota í
Vestmannaeyjum.
UmboðsmaðurToyotaumboðsins í
Vestmannaeyjum er Arnar Richardsson og
rekur hann jafnframt þjónustuverkstæði fyrir
Toyotaeigendur að Skildingavegi 8.
Á markaðs- og sölusviðiToyota fengust þær
upplýsingar, að sala hjá umboðinu á síðasta
ári hafi gengið vonum framar og Toyota á
Islandi verið það bílaumboð sem flestar
bifreiðar seldi á árinu. Alls seldust um 4.400
nýir bílar og hafði Toyota um 24% markaðs-
hlutdeild í lok ársins. Vinsælustu tegundirnar
voru Yaris, Land Cruiser, Hilux og Avensis, en
auk þess var mjög góð sala í öllum öðrum
bílumToyota.
Bjarni Freyr á sölu- og markaðssviði
Toyota var spurður hvort hann greindi
sérstakan smekk hjá Vestmannaeyingum í
bílamálum. Hann svaraði:
-Eyjamenn virðast hafa mjög góðan smekk á
bílum ef miðað er við þær viðtökur sem
Toyota hefurfengið í Eyjum síðustu tvö ár.
Eyjamenn eru jafnframt hagsýnir og virðast
vita hvað þeir vilja, þegar þeir setjast niður og
íhuga bílakaup.
Eftir hvaða bílum er mest spurn þessa
dagana?
-Það er mikil spurn eftir góðum og vönd-
uðum bílum, sem standast nútímakröfur um
eldsneytiseyðslu, endursöluverð og áreiðan-
leika. Fólk leggur mikið upp úr því að bíllinn
henti persónulegum þörfum hvers og eins og
sé jafnframt fallegur á að líta. Einnig virðist
fólk sem áður leggja ríka áherslu á að vera í
viðskiptum hjá þeim sem veitir bestu
þjónustuna.
Hugsa menn mikið um sparneytni eða
mengun þessa dagana?
- Viðskiptavinir huga ávallt að því hversu
mikið bílarnir eyða af eldsneyti, auk þess sem
við sjáum fleiri spyrja um útblástursmengun
og markmið framleiðandans hvað þann þátt
varðar.Toyota afhendir leiðbeiningar um
vistakstur með öllum bílum og því ættu
viðskiptavinir okkar að vera vel í stakk búnir
að spara eldsneyti og vernda umhverfið
í leiðinni.
Hvernig metið þið horfurnar í bílasölu
á næstunni?
-Hjá Toyota eru horfurnar góðar og við horf-
um björtum augum til sumarsins sem er
framundan, sagði Bjarni Freyrað lokum.
♦
HlðLBARÐASTOFAN
HÁSTEINSVEGI 23
S. 481-1523
Hyundai Getz er vinsæll smábíll.
BÍLAEIGNIN
í EYJUM
LÍKLEGA
HEIMSMET
- segir Hörður Pálsson,
umboðsmaður BfiL
Umboðsfyrirtæki B&L í Vestmannaeyjum
er Bíla- og vélaverkstæði Harðar og
Matta að Básum 3 og sér fýrirtækið
einnig um þjónustu við bíleigendur. B&L,
eða Bifreiðar og landbúnaðarvélar, hafa
um langt árabil verið með stærstu
bílaumboðum landsins, en sögu þess má
rekja allt aftur til þess tíma að bílar, svo
sem Rússajeppar og Lödur, voru fluttir
inn til landsins frá Sovétríkjunum í
vöruskiptum fýrir íslenska síld og
ullarvörur. Síðan hefur mikið vatn runnið
til sjávar. B&L hefur vaxið mikið og hefur
nú umboð fyrir vinsælar bílategundir,
meðal annars nokkur þekktustu lúxus-
merkin í bílabransanum. Fréttir lögðu
nokkrar spurningar fyrir annan eiganda
fyrirtækisins Harðar og Matta, Hörð
Pálsson.
Hvernig var salan hjá ykkur á síðasta
ári?
-Salan í nýjum bílum var mjög góð,
líklegast metsala.
Hvaða tegundir voru vinsælastar?
-Hyundai og Renault fólksbílar eru vin-
sælastir hjá okkur, en svo hefur sala í
dýrari bílum, svo sem BMW og Range
Rover, verið ævintýralega mikil í ekki
stærra landi en Islandi. Þá er Renault
atvinnubifreiðadeildin hjá B&L með yfir-
burðamarkaðshlutdeild í minni og
meðalstórum sendibílum.
Hafa Eyjamenn sérstakan bílasmekk?
-Já, það finnst mér. Jeppar eru orðnir í
meirihluta hér í Vestmannaeyjum, sem er
mjög sérstakt. Svo er bílaeign hér líklega
heimsmet. Það eru yfir 2.200 bílar skráðir
f Eyjum, og íbúarnir rúmlega fjögur
þúsund.
Eftir hvers konar bílum er mest spurt
þessa dagana?
-Þessa dagana er aðallega spurt um litla
og eyðslugranna bíla.
Hugsa menn mikið um sparneytni og
mengun í sambandi við bílakaup?
- Já, það er mikið pælt í því og enn-
fremur þeirri ótrúlegu skattpíningu sem
er á dísilolíu, sem þó er umhverfisvænni
en bensínið. Að auki eyða dísilbílar 20-
30% minna eldsneyti en bensínbílar.
Hvernig metur þú horfurnar í bílasölu
á næstunni?
-Árið 2008 verður að líkindum sam-
dráttarár í bílasölu og menn hafa búið
sig undir það.