Fréttir - Eyjafréttir - 24.04.2008, Blaðsíða 6
6
bilar / fimmtudagur 24. april 2008
ÖKUNÁM
í FIAR-
KENNSLU
Ekill, ökuskóli á Akureyri, hefur nokkra
sérstöðu meðal ökuskóla því hann er eini
ökuskólinn í landinu sem býður upp á
ökukennslu í fjarnámi auk hefðbund-
innar ökukennslu.
„Við bjóðum upp á ökukennslu á
bifreiðar, bifhjól og aukin ökuréttindi og
erum hefðbundinn ökuskóli fyrir bókleg
námskeið í hefðbundnum ökuskóla og í
fjarnámi á internetinu," sagði Grétar Ingi
Viðarsson, skólastjóri.
„Ekill er frumkvöðull í bóklegu ökunámi í
fjárnámi á fslandi og var fyrstur ökuskóla,
árið 2004, til að bjóða upp á bóklegt
námskeið í fjarnámi og það gerðum við í
samstarfi við Jónas Helgason mennta-
skólakennara og ökukennara á Akureyri."
Grétar Ingi segir að ökukennsla í fjarnámi
sé nýjung hér á landi en það sé þekkt í
Bandaríkjunum.„Ég held m.a.s. að Ekill sé
fyrsti ökuskólinn í Evrópu sem býður upp
á þennan möguleika. Það er enginn á
Norðurlöndum og ég hef enn ekki frétt
af skóla annars staðar í Evrópu sem
býður upp á fjarnám."
Grétar Ingi segir að þessu hafi verið vel
tekið en tími hafi farið í að berjast við
kerfið og fá öll tilskilin leyfi.„Ég skil ekki
af hverju menn eiga að tortryggja þetta
hjá okkur því fólk er í mun veigameira
námi en ökukennslu í fjarnámi og
gengur vel," sagði Grétar Ingi að lokum.
FÉKK UNGUR
BÍLADELLU
Darri í Bragganum, Gunnar Adólfsson, er
fæddur með bensín í blóðinu, en faðir
hans, Adolf Sigurjónsson, var vörubílstjóri.
Darri tók við Bragganum fyrir tæpum 20
árum. Bragginn er í dag réttinga- og
sprautuverkstæði auk þess sem Darri er
með umboð fyrir Bernhard hf. sem er
umboðsaðili fyrir Honda og Peugeot bíla
sem eru fyrirferðamiklir á götum
Vestmannaeyja.
„Ég tók að mér að selja Honda í Vestmanna-
eyjum haustið 1998 og Peugeot árið 2002
eða 2003 og eigum við ekki að segja að þetta
séu bestu bílar í heimi," sagir Darri og brosir.
Það var 1. nóvember árið 1987 sem Darri tók
við Bragganum og hefur verið nóg að gera
frá fyrsta degi. Er Darri ánægður með lífið
enda fer saman vinnan og áhugamálið.„Það
hefur aldrei fallið úr dagur hjá mér síðan ég
tók við. Mér líkar þetta vel," segir Darri þegar
hann er spurður um starfið.„Ég fékk ungur
bíladellu enda alinn upp í þessu. Fyrsti bíllinn
var Mustang 1970, sem ég eignaðist 1977.
Hann reyndist vel sem veiðitæki þegar hann
var í lagi. Viðhorfið breyttist og urðu bílar
samgöngutæki í mínum huga fyrir nokkrum
árum þó ég hafi áfram áhuga á þeim. Það
verð ég að hafa út af vinnunni."
En stóra dellan eru mótorhjól sem ekki
hefur dofnað með aldrinum.„Fyrsta hjólið
fékk ég í jólagjöf 1974 frá Sigurpáli frænda.
Það var Honda SS 50 og var þetta nýtt og
alveg frábært hjól. Dellan fyrir mótorhjólum
kviknaði á Boðaslóðinni þar sem ég ólst upp.
Nágrannarnir voru Biggi Jóns og Gylfi Úr,
báðir miklir mótorhjólakallar. Síðan hef ég
eiginlega átt hjól alla tíð. Núna eru sjö hjól á
heimilinu í minni eigu og barnanna. Meðal
þeirra er hjól eins og það sem ég eignaðist
fyrst. Sæþór sonur minn á fjögur hjól og
eigum við ekki að segja að hann hafi erft
delluna frá mömmu sinni."
Darri var fljótur til svars þegar hann var
spurður hvað væri hans uppáhaldshjól.„Það
er Kawasaki Zl 900 árgerð 1973 sem ég er
búinn að eiga 23 eða 24 ár. Ég hefði helst
viljað geyma það inni í stofu en það hefur
ekki enn verið tekið í mál."
Darri segist fara upp á land í hjólatúra á
hverju ári en draumurinn er að fara í Evrópu-
túr.„Einn eftirminnilegasti túrinn var þegar
við Sæþórfórum hringinn í kringum landið.
Þá var hann 15 ára."
Darri er ákveðinn í að halda áfram að hjóla og
hann segir eitt af skylduverkefnunum þegar
hann kemur heim á kvöldin sé að kíkja á
hjólin.„Það er föst rútína í lífinu. Það er ekkert
planað í sumar en ætli maður fari ekki eina
eða tvær ferðir upp á land í góðra vina hópi,"
sagði Darri að lokum.
VERTU KIAR FYRIR SUMARIÐ!
BÓKLEGT BIFHJÓLANÁMSKEIÐ Á NETINU!
ÍS
ekillo
www.ekill.is * uppiýsíngar í síma 894 5985
Tiguan sportjeppinn frá Volkswagen.
Vinsælasti bíllinn hjá Heklu um
þessar mundir.
BREIDDIN
STYRKUR
HEKLU
-segir lón Trausti Ólafs-
son markaðsstjóri
Hekla hf. hefur án efa mestu breidd
landsins í bílum. Fyrirtækið selur nokkrar
vinsælustu bílategundir landsins, ódýra
og hagkvæma bíla, en jafnframt lúxus-
bíla fyrir þá sem það kjósa.
Jón Trausti Ólafsson, markaðsstjóri
Heklu, sagði í viðtali við Fréttir, að
undanfarna mánuði hafi mest verið spurt
um nýjan sportjeppa frá Volkswagen-
verksmiðjunum, sem nefnistTiguan.
Bíllinn hefði vakið mikla athygli, fengið
frábæra dóma, enda um að ræða mjög
vel búna bifreið, en jafnframt sparneytna
og á mjög góðu verði. Þá hafi annar
sportjeppi einnig verið vinsæll að undan-
förnu, nýr Outlander frá Mitsubishi-
verksmiðjunum í Japan, afar vel búinn.
Outlanderinn fæst einnig sjö manna.
Mest seldi bíllinn hjá Heklu í fyrra var
Skoda Octavia og var dísilútgáfan
vinsælust.Tékkar hafa náð mjög góðum
tökum á bílaframleiðslu sinni með hjálp
Þjóðverja og þykja Skodabílarnir nú vera
vönduð smíði í alla staði. Skodinn er nú
orðinn mest seldi bíllinn á íslandi í sínum
flokki og hefur ímynd hans breyst mjög í
hugum landsmanna.
Jón Trausti sagði að fólk spyrði nú í
auknum mæli eftir hagkvæmum bílum,
sem eyddu litlu eldsneyti og menguðu
lítið. Menn horfðu sem sagt í budduna,
en vildu gæta umhverfisins um leið.
Hekla hefur bryddað upp á þeirri
nýbreytni að bjóða Volkswagen-
eigendum upp á sparakstursnámskeið.
Fyrsta námskeiðið var um síðustu helgi
og varfullsetið. Fleiri námskeið eru á
döfinni.
Þrátt fyrir að landsmenn beini nú augum
sínum í rikari mæli að sparneytnum
bílum og hagkvæmum fyrir budduna, er
alltaf jöfn og góð eftirspurn eftir lúxus-
bílum Heklu. Þar eru Mitsubishi Pajero
jepparnir fremstir í flokki, en Audi Q-7
hefur líka verið mjög vinsæll hjá
viðskiptavinum fyrirtækisins.
JónTrausti Ólafsson, markaðsstjóri
Heklu, sagði að lokum að árið legðist vel
í Heklumenn. Styrkur fyrirtækisins lægi í
mikilli breidd af bílum og þar gætu
nánast allir fundið bíl við sitt hæfi.