Fréttir - Eyjafréttir - 24.04.2008, Blaðsíða 4
4
bilar / fimmtudagur 24. april 2008
MAGNÚS KRISTINSSON ÚTGERDARMAÐUR OG EIGANDI TOYOTA Á ÍSLANDI:
ÖRLÍTIL BÍLADELLA HEFUR
ALLTAF LODAD UID
- Á AUK ÞESS BÍLALEIGU, HJÓLBARDAFYRIRTÆKI, SELUR LYFTARA UG
GEYMfl í BÍLA OG PIZZUR ERU AUKABÚGREIN
„Já, ég hef alltaf verið með bíladellu og skipti
oft um bíla hér á árum áður," segir Magnús
Kristinsson, útgerðar- og athafnamaður um
fyrstu kynni sín af bílum. En eftir áratuga starf
í útgerð keypti hann Toyota á íslandi sem
hefur á þeim þremur árum síðan hann keypti
fyrirtækið haldið góðri markaðshlutdeild sem
er um 25%. Auk þess hefur hann keypt
fyrirtæki sem tengjast þjónustu við bíla. Má í
því sambandi nefna bílaleigu, hjólbarðaverk-
stæði auk þess sem hann sameinaði undir
einu þaki, verslunina Motormax þar sem fólk
á öllum aldri geturfundið sér leikfang við
hæfi, hvort sem er á tveimur hjólum eða
fjórum.
FYRSTI BÍLLINN VAR BJALLA
„Fljótlega fór það líka svo í þessu harki mínu
hér og uppi á landi að mér leið ekki vel fyrr
en ég átti orðið einn bíl í Eyjum og annan í
Reykjavík. Þannig að örlítil bíladella hefur
alltaf loðað við mig," hélt Magnús áfram.
Hvað tegund var fyrsti bílinn þinn?
„Það var Volkswagen bjalla."
Nýttist hún vel í kvennamálunum?
„Ja, ég held að ég hafi verið búinn að finna
minn ekta maka þegar þessi bíll kom til
sögunnar. Aftur á móti átti vinur minn Volvo
krippu og það varfyrsti bílinn sem ég bauð
henni Lóu minni upp í."
Magnús fylgdi svo hefðbundnum straumum
í bílum en þegar kom að því að kaupa bíl fyrir
útgerðina fór hann óhefðbundna leið.„Mér
fannst dýrt að þurfa að fá alltaf vörubíl fyrir
útgerðina í tíma og ótíma og úr varð að við
keyptum Ursustraktor með kerru. Það var
fyrsti útgerðarbíllinn og hann entist í nokkur
ár. Siðan kom fyrsti pikkuppinn en síðan hafa
pikkuppar þjónað okkur vel alveg fram á
þennan dag. Það er stæll yfir því að vera á
pikkupp, bæði til sjávar og sveita."
BRÚÐARBÍLLINN
Annars segist Magnús aldrei hafa verið með
dellu fyrir bílategundum en yfirleitt hafi verið
tveir bílar á heimilinu.„Við höfum átt sinn
hvorn bílinn við Lóa þannig að það hefur
alltaf fylgt MK að hafa bíla í kringum sig og
það fleiri en einn og fleiri en tvo."
Það vakti talsverða athygli þegar þú fyrir
nokkrum árum keyptir hefðbundinn enskan
leigubíl.„Það var gert í einhverju bríaríi. Ég
sagði einhvern tímann við strákana sem voru
að selja fyrir okkur fisk í Englandi að það væri
gaman að eiga einn svoleiðis. Örn okkar
Eyfjörð, Eyjapeyi fór að líta í kringum sig og
fann bíl sem ég flutti heim. Það var skrítinn
svipur á Guðbirni tollara þegar hann sá bílinn
sem hann þurfti að tolla. En hann var fljótur
að stimpla alla pappíra og tollarnir voru
heldur ekki miklir því bíllinn var 16 eða 17
ára. Ég seldi hann fyrir tveimur árum en svo
skemmtilega vildi til að Héðin Karl, sonur
okkar, kvæntist fljótlega eftir að bíllinn kom.
Varð sá enski brúðabíllinn hans. Ég lánaði
hann svo í sex eða átta önnur brúðkaup og
ég veit ekki betur en að þau haldi ennþá,"
sagði Magnús en lagði enn og aftur áherslu á
að kaupin hefðu verið gerð í algjöru bríaríi.
VALINN ÚRTÍU MANNA HÓPI
Hvenær færð þú þá hugmynd að skella þér
í bílabransann?„Það var ekkert nýtt að ég
kæmi að öðru en sjávarútvegi. Vinnan hjá
Berg-Huginn hefuralltafveriðalveg 100%
vinna en henni til viðbótar hef ég alltaf komið
að mörgu öðru, verið í stjórnum félaga og
hagsmunasamtaka. Var í Útvegsbændafélagi
Vestmannaeyja og LIÚ og kosinn í nefndir og
ráð hér og þar. Það hefur alltaf fýlgt mér að
takast á við eitthvað fleira en ég er að gera frá
degi til dags. Ég var byrjaður að fjárfesta í
hinum ýmsu félögum upp úr 1990 og það er
upp úr 2004 að ég fer að velta fyrir mér
kaupum á Toyota. Ég var svo látinn vita að
þáverandi eigendur P Samúelsson, umboðs-
aðili Toyota á fslandi ætluðu ekki að eiga það
til eilífðarnóns. Þegar ákveðið er að félagið
færi í sölumeðferð var ég einn af tíu sem fékk
útboðsgögn. Þeim var fækkað niður í fimm
og loks var rætt við mig einan. Þetta var
langur ferill, oft hist og margir fundir haldnir.
Það var aldrei opinberað við hverja var rætt,
það eina sem var vitað að sá sem yrði fyrir
valinu yrði að fá samþykki Toyota í Brussel.
Þar höfðu menn ákveðnar hugmyndir um
hver mætti kaupa og hver ekki. Einu sinni lá
við að slitnaði upp úr viðræðum en þá vorum
við fjórir eftir. Samningamenn Toyota fóru út
til Brussel og lýstu stöðunni en þá bentu
þeirra æðstu menn á mig. Þeir komu aftur og
samningar náðust milli okkar."
GOTT FÓLK HJÁ TOYOTA
Þar með var ekki allt búið því Magnús þurfti
að sitja fyrir svörum fjögurra manna sveitar
fráToyota sem spurði hann spjörunum úr.
„Þetta fórfram í stórum sal, ég einn á móti
þeim fjórum og á endanum voru allir ánægðir
og þetta varð upphafið að mjög skemmtilegu
og gefandi samstarfi við þetta fólk."
Magnús naut þess að fyrir hjá Toyota var
Úlfar Steindórsson, forstjóri, sem margir
Eyjamenn þekkja.„Hann er með úrvals fólk
sér við hlið og það hefur gengið mjög vel hjá
honum að reka félagið. Þetta er gott félag og
þessi þrjú ár sem liðin eru frá því ég kom að
rekstrinum hafa komið mjög vel út."
MEIRI REKSTUR TENGDUR BÍLUM
Þú hefur síðan verið að bæta við í rekstri
tengdum bílum.„Ég sá strax að það er
auðvelt að bæta við og keypti fljótlega
Bílaleiguna Hertz af Flugleiðum. Það smell-
passar saman og þangað erum við að selja
um þúsund bíla á ári. Þegar við tökum bíla í
viðgerð leigjum við eigendunum bíla frá
Hertz á meðan sem gerir þetta enn hentugra.
Næsta dæmi sem passaði ekki síður var við
Sólning því það þarf tvo dekkjaganga undir
alla bíla. Síðan létum við Sólningu bæta við
sig Barðanum og allt hefur þetta gengið
mjög vel."
Og Magnús heldur áfram að telja upp og
nefnir Yamahaumboðið sem fylgdi með í
kaupunum áToyota.„Næsta skref var að ræða
við Kalla okkar Jóns sem spilaði handbolta
hér heima og var kjötiðnaðarmaður í
Kaupfélaginu. Hann rak þá Gísla Jónsson hf.
sem var með umboð fyrir Can-Am, vélsleða
og fjórhjól. Samningar tókust og stofnuðum
við þá Mótormax sem heldur utan um
Yamaha og Can_Am og hefur líka gengið
ágætlega . Hefur salan verið alveg ótrúleg."
Enn eitt félagið erTMH-lyftarar sem selur
Toyota lyftara.„Það er orðið nokkuð stórt
fyrirtæki hjá okkur og erum við komnir með
umboð fyrir fleiri tegundir af lyfturum. Það er
mikið um geyma í kringum lyftarana. Við
keyptum Skorra hf. sem var mjög öflugt í
geymainnflutningi og erfélagið rekið undir
TMH-lyfturum. Þetta hefur svona leitt hvað af
öðru einfaldlega af því það passar svo vel
saman hjá mér.
Frávik frá þessu eru Domino pizzur þar sem
Magnús hafði verið hluthafi í mörg ár en í
byrjun síðasta árs eignaðist hann fyrirtækið
að fullu.„Það er svo lítið annars eðlis en hefur
gengið glimrandi vel."
GÓÐ SALA í UPPHAFI ÁRS
Þá má ekki gleyma flaggskipiToyota, Lexus
bílunum.„Þeir gera miklar kröfur um
þjónustu. Lexusbíla verður að sýna í
sérstökum sal. Hann verður að vera eftir
þeirra höfði, með ákveðinni sætaskipan til að
þú getir slappað af og Lexusbíla verður að
afhenda inni. Það má alls ekki gerast úti við.
Það verður líka að stjana við kúnnann, bjóða
upp á sérstakt Lexusgolfmót á hverju ári og
Lexuustónleika þar sem Garðar Cortes tróð
upp síðast. Þetta er krafa frá Japan."
Ekki lét Magnús staðar numið hér því hann
keypti fyrirtæki í Danmörku sem selurToyota.
„Ég keypti fyrirtæki sem heitir Krossgard-
Jensen a/s sem er með fjórar útsölur í norður
Kaupmannahöfn. Þetta gerðist í júlí í fyrra og
varla komin reynsla á þennan rekstur ennþá.
Við réðum íslenskan framkvæmdastjóra,
EggertTryggvason, sem hefur staðið sig mjög
vel. Annars er ekki hægt að bera saman
bílasölu hér og í Danmörku. Megum við
þakka fyrir okkar tollalöggjöf því í Danmörku
er ekki gert ráð fýrir að hinn almenni borgari
geti átt almennilegan bíl. Auk þess er mikil
hefð fyrir evrópskum bílum í Danmörku."
Magnús horfir bærilega björtum
augum til framtíðarinnar þrátt fyrir að víða
gefi á bátinn. Sem dæmi nefnir hann að þeir
hafi selt um 200 Land Crusier jeppa, sem er
flaggskipToyota, það sem af er ári.„Við erum
búnir að selja um þúsund bíla á fyrstu
mánuðum ársins. Það er alveg viðunandi en
hvað svo gerist veit ég ekki. Vonandi verður
árið gjöfult."
VILL VERA SÝNILEGUR í EYJUM
Að lokum barst talið að Toyotasýningunni í
Eyjum um helgina. Magnús sagðist strax hafa
sagt við sína menn hjá Toyota að hann vildi
verða sýnilegur í Eyjum.„Ég vil að fólkið hér
sjái hvað ég er að gera og þetta er þriðja
sýningin okkar hér. Við leggjum mikið upp úr
þessu og erum að reynum aðToyotavæða
Eyjarnar að einhverju leyti. Það verður hægt
að prufukeyra bíla alla vikuna en formleg sýn-
ing verður svo um helgina. Það verður frítt í
sund og fleira og í fyrra sagði bæjarstjórinn
við mig hvort ekki ætti að setja sýninguna inn
á viðburðaskrá Vestmannaeyja með
Þjóðhátíðinni og öðrum mótum sem hér eru.
Við erum líka aðalstyrktaraðilar meistara-
flokkanna í fótbolta og handbolta hjá ÍBV,
þannig aðToyota er orðið vel sýnilegt í
Vestmannaeyjum," sagði Magnús að lokum.