Skessuhorn - 05.09.2007, Side 15
15 MIÐVIKUDAGUR 5. SEPTEMBER
Séð niður að Andakílsárvirkjun,
starfsmenn Orkuveitunnar ræða málin í
lagnaskurðinum.
Úttekt á
afréttar
girðingum
Byggðaráð Borgarbyggðar hefur
falið dreifbýlisfulltrúum sveitar
félagsins í samráði við formenn
afréttanefnda að gera úttekt á
afréttargirðingum í sveitarfélaginu.
Sigurjón Jóhanns son, annar
dreifbýlisfulltrúi Borgar byggðar,
sagði í samtali við Skessuhorn að
úttektin hefði enn ekki farið fram.
„Að mínu viti felst úttekt í því að
fara með girðingum og athuga með
ástand þeirra og slíkt er mikið verk.
Á sumum stöðum er einnig erfitt
að komast að, vegna þess hvernig
landið liggur. En við vitum hvar eru
engar girðingar en aðrar þarf sem
sagt að skoða.“ Aðspurður sagði
Sigurjón ekki vita hvort af þessu yrði
í haust. „Nú eru göngur og réttir að
hefjast og fólk til sveita upptekið af
haustverkunum, þannig að ég veit
ekki hvort nokkur tími gefst til að
skoða þessi girðingamál núna,“ sagði
Sigurjón.
bgk
Allan Fall til
Skallagríms
Körfuknattleiksdeild Skalla
gríms hefur samið við 26 ára gamlan
leikstjórnanda frá Frakklandi,
Allan Fall um að leika með
úrvalsdeildarliðinu í vetur. Fall er
182 cm og 77 kg. Hann hefur leikið
nokkuð víða, m.a. í Frakklandi, á
Spáni, í Bandaríkjunum og Belgíu
en hann spilaði síðast með belgíska
annarrardeildarliðinu BS Calfontaine.
Fall var með 11,4 stig að meðaltali
í leik í fyrra, 5,6 stoðsendingar og
3,1 frákast. Það er mikill fengur
fyrir Skallagrím að fá þennan
leikstjórnanda til liðsins og mun án efa
hjálpa liðinu á komandi leiktíð. Með
komu Falls verður leikmannahópur
Skallagríms fullmótaður en deildin
hefst fimmtudaginn 11. október.
hög
Andakílsárfoss nýtur sín sem aldrei fyrr
Óvenju mikið hefur verið í
Andakílsárfossi undanfarið. Ekki fer
mikið fyrir þeim fossi dagsdaglega
eða síðan áin var virkjuð rétt eftir
stríð. Þennan nýfundna vatnsflaum
má að hluta til útskýra með nokkru
vatnsveðri sem hefur gengið yfir
undanfarna daga, en haldbetri
skýring er sú að nú er unnið að
endurnýjun annarrar tveggja æða
Andakílsárvirkjunar og hefur vatni
því verið hleypt á ánna og slökkt á
virkjuninni á meðan.
Gamla þrýstivatnspípan var
komin nokkuð til ára sinna,
en hún var byggð 1947 og er
járnspengd trélögn svipuð að
byggingu og síldartunnur frá sama
tíma. Skessuhorn greindi nýlega
frá því að olíuflutningabíll frá
Olíudreifingu festist ofan á þessari
æð í lok ágúst svo að leki kom að
lögninni. Tankbíllinn var þá að fylla
á tæki sem voru við undirbúning
upptektar þessarar sömu lagnar,
svo skaðinn reyndist minni en við
fyrstu sýn virtist. Borgarverk ehf.
sér um framkvæmd lagnaskiptanna
og gengur framkvæmdin vel.
Að sögn Eiríks Hjálmarssonar,
upplýsingafulltrúa Orkuveitu
Reykjavíkur er stefnt að því að
nýja lögnin verði tekin í notkun
í þessum mánuði. Undanfarnar
tvær vikur hefur verið slökkt
á vélum Andakílsárvirkjunar
vegna framkvæmdanna og er sá
tími notaður til árlegs viðhalds á
vélakosti virkjunarinnar. Af þeim
sökum hefur öllu vatni verið veitt
í Andakílsá og er þetta því upplagt
tækifæri til þess að virða fyrir sér
Andakílsárfoss sem sjaldan fær
að njóta sín, en víst mætti telja að
einhverjir myndu mótmæla í dag ef
til stæði að virkja slíkan foss.
Þó skal nefna fyrir þá sem hafa
hug á að líta á fossinn að betra er
að koma að honum vestanmegin
frá, því jarðrask er nokkuð af
framkvæmdinni og sennilega er
það ekki vinsælt eða æskilegt að
fólk sé að klöngrast yfir skurð þann
sem lögnin nýja á að fara í. Hægt
er að komast að fossinum með
því að ganga yfir hitaveitubrúna
rétt fyrir neðan virkjunina eða frá
Hreppslaug.
hög
Andakílsárfoss.
Starfsmenn Borgarverks ehf. eru komnir vel á veg með undirvinnu fyrir lögnina.