Akureyri - 11.12.2014, Blaðsíða 10

10 46. tölublað 4. árgangur 11. desember 2014
LEIÐRÉTTING
Sú leiða misritun varð í Akureyri Vikublaði í síðustu viku að nemi við Mennta-
skólann á Akureyri sem skrifaði minni kvenna á árshátíð skólans með þeim
feminíska hætti að fréttnæmt þótti, var sagður nemi við Verkmenntaskól-
ann á Akureyri. Akureyri Vikublað biður hlutaðeigandi og þá einkum MA-
-nemandann sjálfan, Arnald Starra Stefánsson, velvirðingar á mistökunum.
-ritstjóri
Ungskáld Akureyrar undir
áhrifum frá Ara Eldjárn
Tilkynnt var um nýtt ungskáld
Akureyrar sl. fimmtudag á Amts-
bókasafninu. Blásið var til verð-
launasamkeppni 16-25 ára fólks
í ár eins og í fyrra. Að verkefninu
„Ung skáld á Akureyri“ standa
Amtsbókasafnið, Akureyrarstofa,
Ungmenna-Húsið, Háskólinn á Ak-
ureyri MA og VMA með stuðningi
Menningarráðs Eyþings.
Verðaun voru veitt með liti til
best ritaða texta. Markmiðið er að
veita ritlist ungs fólks meiri athygli,
hvetja þau til að skapa og búa þar
með til vettvang til að koma verk-
um sínum á framfæri.
Aldís Embla Björnsdóttir varð
hlutskörpust í keppninni. Fyr-
ir smásögu sína „Einræðisherra“
hlaut hún 50.000 krónur í verðlaun.
Önnur verðlaun 30.000 kr. hlaut
Kristófer Alex Guðmundsson fyr-
ir ljóðabálk sinn „Brútháll“ og
þriðju verðlaun 20.000 kr. Birna
Pétursdóttir fyrir leikþáttinn „Bó-
hemíudrottningin“. Öll þrjú fengu
þau ritverkið „Jónas Hallgríms-
son – Ævimynd“ eftir Böðvar Guð-
mundsson að gjöf frá Menningar-
félagi Hrauns í Öxnadal. Það var
Brynhildur Þórarinsdóttir, rithöf-
undur og dósent við Háskólann á
Akureyri, sem afhenti verðlaunin
fyrir hönd dómnefndar.
Í umsögn dómnefndar um verk-
ið sem fékk fyrstu verðlaun segir:
„Einræðisherra er forvitnileg
og vel stíluð smásaga – eða ör-
saga. Sjónarhornið er skemmtilegt
og sögumaður óvenjulegur – enda
ekki oft sem smábörn á fyrsta ári
láta móðan mása. En merkilegt
nokk er þessi ungi sögumaður trú-
verðugur. Það kannast margir við
þetta eigingjarna, stjórnsama eða
hreinlega freka barn sem þarna
fær rödd. Hnyttinn endirinn varp-
ar hins vegar nýju ljósi á krílið – og
sýnir að hér er á ferð lunkinn höf-
undur.“
Fram hefur komið í fjölmiðlum
að Aldís Embla var undir áhrifum
frá upppistandi þegar hún skrif-
aði texta sinn. Ari Eldjárn fjallaði
á dögunum með hnyttnum hætti í
Ríkissjónvarpinu um líf ungbarns.
Er tengingin þeim sem les söguna
og ber saman við uppistandið aug-
ljós.
2. verðlaun - Brútháll eftir
Kristófer Alex Guðmundsson
„Ljóðabálkurinn Brútháll er
bæði hressandi og athyglisverð-
ur. Að efni og formi er þetta forn-
kvæði enda er sjálfur Óðinn í að-
alhlutverki. Í klaufaskap sínum
hefur hann týnt lyklunum að Val-
höll og auðvitað endar leit hans
með sögulegum bardaga. Stíll og
málfar eru með fornu lagi en höf-
undur tekur sig mátulega alvar-
lega eins og sjá má á hendingum á
borð við ,,Lyklarnir þínir liggja á
borðstofuborðinu.” Höfundur hefur
ágætt vald á tungumálinu og glottir
skelmislega til fortíðarinnar.“
3. verðlaun - Bóhemíudrottn-
ingin eftir Birnu Pétursdóttur
„Bóhemíudrottningin er stuttur
leikþáttur, einræða, ef til vill hluti
af stærri heild. Á sviðinu stendur
ung, fátækleg stúlka frá Bóhemíu
sem gefur okkur innsýn í líf sitt
og örlög. Ræða hennar er lipurlega
skrifuð og leikræn framsetningin
veldur því að hún stendur ljóslif-
andi fyrir hugskotsjónum lesanda,
með svipbrigðum og látbragði.
Höfundi tekst að skapa trúverðuga
persónu, töffara sem auðvelt er að
hafa samkennd með.“
Verkin verða birt á heimasíðu
Amtsbókasafnsins á Akureyri,
www.amtsbok.is en alls sendu
nokkrir tugir ungmenna verk sín
inn.a
S: 571-9331 - akureyri@boggmisetrid.is - www.boggmisetrid.is
Hefur
þú
Prófað ?
OPIÐ ALLA DAGA FRÁ
12:00 - 22:00
AUSTURSÍÐA 2 - 602 AKUREYRI
Aldís Embla var undir áhrifum frá upppistandi þegar hún skrifaði texta sinn. Völundur
Dalvíkingar horfa
björtum augum fram
Fjárhagsáætlun Dalvíkurbyggðar
2015 – 2018 hefur verið samþykkt
samhljóða með 7 atkvæðum.
Útsvarsprósenta verður óbreytt
milli ára, skatttekjur Dalvíkurbyggð-
ar hækka um tæpar 50 milljónir króna
milli áranna 2014 og 2015 og gert er
ráð fyrir 9 m.kr hækkun á framlög-
um frá Jöfnunarsjóði. Heildartekjur
Dalvíkurbyggðar eru þannig áætl-
aðar um 1,8 milljarður sem er um 65
m.kr hækkun tekna samstæðunnar á
milli ára.
Helstu niðurstöðutölur fjár-
hagsáætlunar Dalvíkurbyggðar
árið 2015 við seinni umræðu eru
þær að aðalsjóður er rekinn með
hagnaði upp á rúmar 9 m.kr. og
A-hlutinn er rekinn með hagnaði
upp á 30 m.kr. A- og B- hluti saman
verða reknir með tæplega 70 m.kr
hagnaði árið 2015 ef áætlun geng-
ur eftir. Bæði A- og B-hluti verða
reknir með hagnaði árin 2016 –
2018.
Veltufé frá rekstri er áætlað árið
2015 um 263 m.kr., veltufjárhlut-
fall verður 1,12 og eiginfjárhlutfall
verður 0,58.
Helstu framkvæmdir næstu
ára eru viðbygging við leikskólann
Krílakot, viðhald og endurbætur
á sundlaug Íþróttamiðstöðvar og
gatnagerðaframkvæmdir.
Skuldahlutfall Dalvíkurbyggð-
ar mun því lækka úr rúmum 87%
árið 2014 í 85% árið 2015. Ef áætl-
anir a