Bæjarins besta - 25.09.2008, Side 6

FIMMTUDAGUR 25. SEPTEMBER 20086
Umburðarlyndi!
Ritstjórnargrein
Íshúsfélagið kaupir
rækjuvinnslu Bakka
Á þessum degi fyrir 10 árum
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564
Ritstjóri: Sigurjón J. Sigurðsson, sími 892 5362, bb@bb.is · Blaðamenn: Thelma Hjaltadóttir, símar 456 4693
og 849 8699, thelma@bb.is · Birgir Olgeirsson, símar 456 4560 og 867 7802, birgir@bb.is
· Ritstjóri netútgáfu bb.is: Sigurjón J. Sigurðsson · Ljósmyndari: Halldór Sveinbjörnsson, sími 894 6125,
halldor@bb.is. Ábyrgðarmenn: Sigurjón J. Sigurðsson og Halldór Sveinbjörnsson · Lausasöluverð er kr. 400
eintakið með vsk. Veittur er afsláttur til elli- og örorkulífeyrisþega. Einnig sé greitt með greiðslukorti. ·
Önnur útgáfa: Ferðablaðið Á ferð um Vestfirði. · ISSN 1670 - 021X
Íshúsfélag Ísfirðinga hf. er í þann veginn að ganga frá
kaupum á rækjuvinnslu Bakka í Hnífsdal af Þorbirni í
Grindavík. Björgvin Bjarnason framkvæmdastjóri félagsins
staðfesti þetta við blaðið. Íshúsfélagið og aðaleigandi þess
Gunnvör hf. á Ísafirði, eiga töluvert mikinn rækjukvóta, eða á
annað þúsund tonn. Ekki er enn ljóst hvenær félagið byrjar
rækjuvinnslu í Hnífsdal, en ætla má að það verði í allra síðasta
lagi um áramót en hugsanlega allmiklu fyrr.
Engin vinnsla hefur verið í rækjuvinnslunni um alllangt
skeið, en hún er mjög fullkomin og í góðu standi. Varðandi
kaupverðið fékkst hið hefðbundna svar, að það væri ekki gefið
upp.
„Við fáum verksmiðjuna á mjög góðu verði, að okkur
finnst“, segir Björgvin, en um þessar mundir er verðið á
rækjunni í öldudal og því ætti að vera hagstætt að kaupa.
,,Umburðarlyndi gagnvart skattsvikum kostar millj-
arða.“ Fyrirsögn greinar í Morgunblaðinu 28. f. m. hvar
vitnað er í skrif Kristínar Norðfjörð, skrifstofustjóra virðis-
aukaskattskrifstofu Skattstjórans í Reykjavík, sem birtist
fyrir nokkru í Tíund, fréttablaði ríkisskattstjóra. Í grein
Kristínar kemur fram að um 20% aðila á virðisaukaskrá
sæti áætlun skattayfirvalda þar sem þeir hirða ekki um (og
komast upp með) að skila ekki framtölum. Af skrifum
Kristínar má ráða að ríkissjóður verði af talsverðum
fjárhæðum sakir þessa slóðaskapar, jafnvel 5-6 milljörðum
króna árlega. BB eftirlætur lesendum sínum orðaval yfir
yfir þá háttu að ríkissjóði sé ekki staðin skil á innheimtufé
og ,,umburðarlyndi“ stjórnvalda, sem með þessu velta
þyngri byrðum yfir á aðra þegna þjóðfélagsins en þörf er
á ef allt væri með eðlilegum hætti. Svo mikið er víst að
umburðarlyndisins gætir ekki í garð eftirlaunaþega, sem
ríkisvaldið sér ástæðu til að tvískatta (að hluta) og krefjast
tekjuskatts af ávöxtun sparnaðar til elliáranna, svo dæmi
sé tekið.
Þótt hljóma kunni sem öfugmæli hefur umrótið og
óvissan sem skekið hefur peningamarkaðinn undanfarið
þó leitt það af sér að stjórnvöld hafa ákveðið að gerði
verði úttekt á peningastefnu okkar Íslendinga. Til verksins
verða kvaddir færustu sérfræðingar, útlendir og innlendir.
Ekki seinna vænna að taka til hendi. Þá hefur félagmálaráð-
herra boðað nýtt almannatryggingarkerfi; segir vonlaust
að lappa frekar en orðið er upp á gildandi kerfi, sem eng-
inn botnar hvorki upp né niður í, allra síst þeir sem njóta
eiga. Ætla verður að með þessu sé unnið þarft verk og
tímabært.
En, fleiri eru verkin að vinna. BB hefur margsinnis
vitnað til skrifa mætra manna um gildandi skattakerfi,
sem mismunar þegnunum með óþolandi hætti. Hvernig
væri að taka þar til hendi? Ekki bara að lyfta litla fingri til
sýndar heldur stokka spilin og gefa á ný. Því það gengur
ekki, eins og Rangar Önundarson hefur réttilega bent á
,,að siðleysinu sé gert hærra undir höfði skattalega en
vinnu og rekstri.“ Úr því skal ekki dregið að full nauðsyn
sé á úttekt á peningastefnunni og nýju bótakerfi almanna-
trygginga, en það er ekki síður þörf á algerri uppstokkun
á skattakerfinu.
Tilvitnaðri grein lýkur Kristínar Norðfjörð með þessum
orðum: ,,Á Íslandi hefur of lengi þrifist ákveðið umburð-
arlyndi gagnvart skattsvikum. Í siðmenntuðu þjóðfélagi
verður ekki við það unað að yfirvöld séu úrræðalaus
gagnvart áætluðum aðilum.“ Orð að sönnu. Er vandinn ef
til vill sá að við eigum ekki stjórnmálamenn sem hafa
kjark til að höggva á hnútinn? s.h.
Einu tilboðin langt yfir kostnaðaráætlun
Bæjarráð Bolungarvík hefur ákveðið að hafna báðum tilboðum sem
bárust í viðgerð á þaki íþróttamiðstöðvarinnar Árbæjar en þau voru
langt yfir kostnaðaráætlun. Tvö tilboð bárust í verkið. Spýtan ehf.
bauð 18.625.000 kr., sem er 320% af kostnaðaráætlun sem hljóðaði
upp á 5.811.300 kr. Vestfirskir verktakar buðu 10.473.300 kr. sem
nemur 180% kostnaðaráætlun. Á bæjarráðsfundi var bæjarstjóra falið
að ræða við tæknideild varðandi framkvæmd verksins.
Grjótgarðurinn verði hækkaður
Vegagerðin á Ísafirði segir að unnið sé að úrlausnum varðandi
varnargarðinn við Pollgötu á Ísafirði. Mjög stórstreymt var í
Skutulsfirði í síðustu viku og gengu öldurnar yfir varnargarðinn
við Pollgötu og á bifreiðum sem áttu þar leið um. Varnargarð-
urinn þykir úreltur og að sögn starfsmanna Vegagerðarinnar er
gert ráð fyrir að varnargarðurinn verði hækkaður til að koma í
veg fyrir að öldurnar lendi á veginum og umferð um Pollgötu.
Lagt hefur verið til að jafn-
réttisnefnd Ísafjarðarbæjar
verði skipuð, en í nýjum lög-
um sem kynnt voru á fundi
Jafnréttisstofu á Ísafirði á dög-
unum ber hverri stofnun sem
telur 25 starfsmenn eða fleiri
að setja sér stefnu eða áætlun
í jafnréttismálum sem er end-
urskoðuð á þriggja ára fresti.
Í lögum um jafna stöðu og
jafnan rétt karla og kvenna
segir: „Sveitarstjórnir skulu að
loknum sveitarstjórnarkosn-
ingum skipa jafnréttisnefndir
sem fjalla um jafna stöðu og
jafnan rétt kvenna og karla
innan viðkomandi sveitarfé-
lags. Skulu nefndirnar vera
ráðgefandi fyrir sveitarstjórnir
í málefnum er varða jafnrétti
kynjanna og fylgjast með og
hafa frumkvæði að aðgerðum
þar með talið sértækum að-
gerðum til að tryggja jafna
stöðu og jafnan rétt kvenna
og karla innan viðkomandi
sveitarfélags. […] Hver nefnd
skal annað hvert ár afhenda
Jafnréttisstofu skýrslu um
stöðu og þróun jafnréttismála
innan viðkomandi sveitarfé-
lags.“
Hlutverk Jafnréttisstofu er
að stuðla að því að markmið
laganna náist ásamt því að
hafa eftirlit með framkvæmd
þeirra og gera athugasemdir
þar sem úrbóta er þörf. Jafn-
réttisstofa hefur með nýjum
lögum meðal annars öðlast rétt
til að beita dagsektum, allt að
50.000 krónum á dag, sé
ákvæðum laganna ekki fylgt.
Starfsmenn Jafnréttisstofu
hafa þó lagt áherslu á að þeir
vilji fyrst og fremst vinna með
fólki og aðstoða við að koma
málum í réttan farveg.
Mannauðsstjóri Ísafjarðar-
bæjar hefur lagt til að jafnrétt-
isnefnd verði skipuð til að stuðla
að því að þessum málaflokki
sé vel sinnt í sveitarfélaginu,
lögum framfylgt og uppfyllt
séu ákvæði í starfsmanna-
stefnu Ísafjarðarbæjar um
jafnan rétt karla og kvenna.
Við skipan í nefndina verði fylgt
ákvæði laganna um þátttöku í
nefndum, ráðum og stjórnum
á vegum ríkis og sveitarfélaga
og þess gætt hlutfall kynjanna
verði sem jafnast og ekki minna
en 40% ef um fleiri en þrjá
fulltrúa er að ræða. Bæjarráð
hefur vísað erindinu til um-
sagnar félagsmálanefndar.
Vilja stofna nefnd til að
tryggja jafnan rétt kynjanna
Brýn þörf er fyrir a.m.k. 52
hjúkrunarrými í Ísafjarðarbæ.
Þetta kemur fram í umsögn
þjónustuhóps aldraðra vegna
umsóknar um byggingu hjúkr-
unarheimilis á Ísafirði. „Bæj-
aryfirvöld í Ísafjarðarbæ hafa
um langan tíma verið mjög
óánægð með stöðu og þróun
mála í úrræðum fyrir aldraða
þegar litið er til aðkomu
stjórnvalda. Ber þar helst að
líta til baráttu sveitarfélagsins
frá árinu 1993 fyrir aukinni
kostnaðarhlutdeild ríkisins í
rekstri þjónustudeildar á Hlíf.
Baráttu sem engin skilaði“,
segir í umsögninni. Þar kemur
fram að þjónustudeildin hafi
verið rekin frá upphafi með
miklum kostnaði fyrir Ísa-
fjarðarbæ svo skiptir tugum
milljóna ár hvert.
Þegar ljóst var að ekkert
framlag myndi fást frá ríkinu
vegna þjónustudeildarinnar
var tekin sú ákvörðun 2007
að loka deildinni með því að
taka ekki inn nýtt heimilisfólk.
„Bæjaryfirvöld vilja horfa til
framtíðar með þarfir eldri
borgara sveitarfélagsins í huga
og horfa þá til þess að 450
manns eru 67 ára eða eldri
eða 11,3% af heildarmann-
fjölda í Ísafjarðarbæ. Hlutfall
sem hefur farið vaxandi um
hríð og bendir allt til að muni
aukast enn frekar. Því er það
eindreginn vilji bæjaryfirvalda
í Ísafjarðarbæ að byggt verði
nýtt hjúkrunarheimili í Ísa-
fjarðarbæ án þess að það hafi
áhrif á þá þjónustu sem fyrir er.
Samkvæmt umsögninni er
brýn þörf sé fyrir 33 rými á
Ísafirði, 10 á Flateyri og 9 á
Þingeyri eða alls 52 hjúkrun-
arrými. „Þjónustuhópur legg-
ur áherslu á mikla þörf fyrir
úrræði til handa þeim íbúum
Ísafjarðarbæjar sem minnsta
getu hafa til þess að bera hönd
yfir höfuð sér og gera kröfu
um mannsæmandi úrræði
sjálfum sér til handa. Því vill
þjónustuhópur ganga til verka
svo fljótt sem auðið er og hefja
þegar undirbúning að bygg-
ingu hjúkrunarheimilis á Ísa-
firði, þar sem þörfin er greini-
lega mest. Að auki vill þjón-
ustuhópur leggja áherslu á að
þjónustuíbúðum á Tjörn verði
breytt í hjúkrunarheimili“,
segir í umsögninni.
Bæjarráð tók umsögn þjón-
ustuhópsins fyrir á fundi í gær
og vísaði henni til nefndar um
byggingu hjúkrunarheimilis
til umfjöllunar. Bæjarráð fól
einnig Sigurði Péturssyni og
Svanlaugu Guðnadóttur að
fara á fund ráðherra með
kröfur Ísafjarðarbæjar vegna
byggingar hjúkrunarheimilis.
Brýn þörf fyrir 52 hjúkrunarrými
Hlíf, þjónustuíbúðir aldraða á Ísafirði.