Bæjarins besta - 25.09.2008, Síða 7

FIMMTUDAGUR 25. SEPTEMBER 2008 7
Aldrei hefur veiðst eins
mikið af laxi í Langadalsá í
Djúpi og núna í sumar.
Veiðitímanum lauk eftir
hádegi á sunnudag og voru
þá komnir á land 369 laxar
og 17 bleikjur, að sögn
Kristjáns Steindórssonar á
Kirkjubóli í Langadal, en
til samanburðar veiddust
233 laxar í ánni í fyrra. Gríð-
arlegir vatnavextir hafa
verið í ánni að undanförnu.
„Ég hef trú á því að veiðin
hefði komist í 400 laxa ef
veðrið og vatnavextirnir
hefðu ekki verið svona.
Raunar finnst mér merkilegt
að síðasta þriggja daga hollið
sem endaði í gær fékk níu
laxa, meirihlutann af því smá-
laxa. Það voru tvö holl á undan
sem fengu ekkert“, segir Kristján.
Nú þegar stangveiði í Langa-
dalsá er lokið er eftir að draga
á og taka fisk vegna eldis.
„Þeir voru að reyna í morgun
en ég held að þeir hafi gefist
upp. Það er búið að vera svo
svakalegt vatn í ánni að það er
ekkert venjulegt. Ég hef aldrei
vitað svona nema þá í jaka-
burði á vetrum. Það hefur
grafist svo mikið frá brúnni
hérna fram frá að það er
ekki fært yfir hana. Það var
haft aðeins lægra hérna
megin við brúna svo að
vatnið kæmist þar yfir ef
brúin sjálf tæki það ekki.
Núna hefur grafist svo mik-
ið frá brúnni að það eru tveir
metrar upp á hana. Flaum-
urinn hreinsaði þetta allt
saman í burtu en það er allt
í lagi með brúna sjálfa.
Núna er heldur farið að
sjatna í ánni. Þetta var mest
aðfaranótt fimmtudagsins
þegar veðrið var verst“, seg-
ir Kristján Steindórsson.
Metveiði í Langadalsá
Hæstiréttur hefur staðfest
dóm Héraðsdóms Vestfjarða
vegna deilu eigenda jarðanna
Kleifa og Borgar í Skötufirði
um landamerki milli jarðanna
á svæði sem nefnt er Eyjar.
Héraðsdómur Vestfjarða úr-
skurðaði fyrir tæpu ári að hluti
svæðisins kæmi í hlut eigenda
Kleifa en hinn hlutinn væri í
eigu eigenda Borgar.
Í dómsorði segir að skilyrði
hefðarlaga um huglæga af-
stöðu þess sem hefðarland á
grundvelli laganna þurfi að
vera fullnægt með þeim hætti
að sá sem á hefðarland má
ekki búa yfir þeirri vitneskju
að annar aðili geri sambæri-
legt tilkall til sama svæðis.
Gögn málsins þóttu veita
óræka vísbendingu um að frá
fornu fari hafi verið óljóst með
eignarhald á Eyjunum. Málinu
var vísað til Hæstaréttar sem
kvað upp á dögunum að dóm-
ur héraðsdóms skyldi vera
óraskaður.
„Landamerki jarðanna Kleifa
og Borgar í Skötufirði skulu
vera þessi: Að austanverðu
ræður Kleifárós merkjum frá
sjó og fram að Borgará, en
þaðan ræður Borgará merkj-
um alla leið fram að Mjódd“,
segir í dómnum.
Staðfestir dóm Hér-
aðsdóms Vestfjarða
Atvinnuátakssamningi
sagt upp af báðum aðilum
Bæjarstjórn Ísafjarðarbæjar
hefur sagt upp atvinnuátaks-
samningi við ráðgjafafyrir-
tækið Alsýn á Ísafirði frá og
með fimmtudeginum 18. sept-
ember. Á bæjarstjórnarfundi
var greint frá því að niðurstaða
endurskoðunar atvinnumála-
nefndar á samningnum var sú
að nefndin lagði til uppsögn á
honum Niðurstaða atvinnu-
málanefndar er sú að markmið
um fjölgun starfa hafi ekki
gengið eftir. Þrátt fyrir við-
ræður um breytingu á samn-
ingnum hafi borið of mikið á
milli aðila til að samningar
gætu náðst. Uppsögn samn-
ingsins var samþykkt af hálfu
bæjarstjórnar með fimm at-
kvæðum gegn fjórum.
Forsaga málsins er sú að í
nóvember í fyrra gerði Ísa-
fjarðarbær samning við Alsýn
um að fyrirtækið stjórnaði at-
vinnuátaki í Ísafjarðarbæ.
Verkefnið gekk út á að halda
námskeið um stofnun fyrir-
tækja og rekstur og gera það
aðgengilegra að stofna fyrir-
tæki og afla hlutafjár. Mark-
miðið var að skapa 50 ný störf
á tveimur árum. Þegar níu
mánuðir voru liðnir af samn-
ingstímanum núna þann 17.
ágúst fór í gang endurskoð-
unarferli á vegum atvinnu-
málanefndar. Í frétt sem birtist
á bb.is sagðist Halldór Hall-
dórsson, bæjarstjóri Ísafjarð-
arbæjar, vera afar óánægður
með framkvæmdina á samn-
ingnum.
Þá vekur það athygli að
sama dag ákvað stjórn Alsýnar
að segja upp samningnum.
„Við kærum okkur ekkert um
að vinna samkvæmt þessum
samningi á meðan vinnubrögð
bæjaryfirvalda eru eins og þau
eru í dag. Treysti bæjaryfir-
völd sér til að vinna að verk-
efninu á faglegan hátt, af ein-
hug og af sönnum vilja þá
erum við tilbúin til áframhald-
andi viðræðna, þar sem við
erum jú búin að leggja mikla
orku í verkefnið nú þegar“,
segir Einar Á. Hrafnsson,
stjórnarformaður Alsýnar.
Tónar í gler Dagnýjar
Dagný ásamt börnum sínum fyrir
framan eitt verka hennar.
Dagný Þrastardóttir, gler-
listamaður á Ísafirði, opnaði
listasýninguna „Tónar og
gler“ í Bryggjusal Edinborg-
arhússins á Ísafirði á föstu-
dag. Sýningin er sjöunda
einkasýning Dagnýjar en
hún hefur einnig sýnt á
stærri sýningum með öðrum
listamönnum. „Ég hef unnið
glerlist síðan 1996 en að
þessari sýningu hef ég unnið
síðan í apríl. Það var alltaf
stefnan að opna hana á 60
ára afmæli Tónlistarskóla
Ísafjarðar og ekki skemmdi
fyrir að afmælisdaginn minn
bar upp á opnunardegi sýn-
ingarinnar,“ segir Dagný.
Á sýningunni notaðist Dagný
við lög vestfirska tónlistar-
manna.
„Verkin eru þannig upp-
byggð að ég nota nótur úr
vestfirskum lögum og geri
glerlist úr þeim t.d. lög eins
og „Vals fyrir Ásgeir“ eftir
Villa Valla, „Húsið og ég“
eftir Helga Björns og „Á
sprengisandi“ eftir Sigvalda
Kaldalóns og fjölmörg önn-
ur lög. Mig langar að gera
aðra sýningu með svipað
„konsept“ í framtíðinni, ég
get ekki haldið áfram með
þessa sýningu því verkin eru
uppseld,“ segir Dagný.
Fjölmargir gestir virtu sýninguna fyrir sér. Gunnlaugur Jónasson þurfti ekki
sýningarskrá til að sjá hvaða tónsmíðar voru á verkum Dagnýjar. Honum nægði
að syngja nóturnar á verkunum til að finna út hvaða lag þau höfðu að geyma.
Meðal aukning ferðamanna
á Vestfjörðum hefur verið um
8% á ári undanfarin fimm ár
en á milli áranna 2006 og 2007
varð 13,7% aukning. Þetta
kemur fram í skýrslu um stöðu
ferðamála á Vestfjörðum sem
Atvinnuþróunarfélag Vest-
fjarða hefur tekið saman.
Mesta aukningin er á erlend-
um ferðamönnum og er bilið
milli innlendra og erlendra
ferðamanna stöðugt að minnka
og ef tekið er mið af þróuninni
undanfarin ár þá verða erlend-
ir ferðamenn á Vestfjörðum
orðnir í meirihluta árið 2010.
Þá kemur einnig fram að á
milli áranna 2006 og 2007
voru það einungis 3 landsvæði
sem juku markaðhlutdeild
sína í gistinóttum en það voru
höfuðborgarsvæðið, Vestur-
land og Vestfirðir. Þrátt fyrir
þessa aukningu var markaðs-
hlutdeild Vestfjarða einungis 3%.
Skýrslan er unnin upp úr
tölum frá Hagstofu Ísland og
gefur skýra mynd af þróuninni
undanfarin ár. Í skýrslunni er
farið yfir þróunina á landinu
öllu, Vestfirðir skoðaðir í
heildina og bornir saman við
þróunina á landsvísu og svo
er hvert svæði fyrir sig á Vest-
fjörðum skoðað ítarlega.
Ferðamönnum fjölg-
ar á Vestfjörðum
Hrafnseyri er einn þeirra staða sem dregur ferðamenn til Vestfjarða.