Bæjarins besta - 25.09.2008, Page 13

FIMMTUDAGUR 25. SEPTEMBER 2008 13
Nýr GSM sendir hefur verið
settur upp á Flateyri til að bæta
GSM sambandið á staðnum.
„Fyrr á árinu var settur upp
sendibúnaður við Holt í Ön-
undarfirði, sem átti að þjóna
Flateyri en þar sem ekki fékkst
leyfi til að setja búnaðinn
nægilega hátt í mastrið á
staðnum dugði hann ekki til.
Við höfum þess vegna bætt
við sendi svo Flateyringar geti
notið bestu mögulegu þjónust-
unnar“, segir Hrannar Péturs-
son forstöðumaður almanna-
tengsla Vodafone.
Uppsetning sendisins er lið-
ur í uppbyggingu GSM sam-
bands um allt land. Hópur
manna á vegum Vodafone er
að störfum í Dalasýslu við
undirbúning uppsetningar á
fjölmörgum sendum þar sem
lýkur væntanlega innan 6-8
vikna, sem er um tveimur
mánuðum á undan áætlun. Á
sama tíma verða að líkindum
gangsettir sendar í austur- og
vestur Barðastrandasýslu. Að
sögn Hrannars verður að því
lokun öll sú leið vestur komin
í GSM samband.
– thelma@bb.is
Talið er að fjölmargir arnarungar hafi komist á legg í ár að sögn Böðvars Þórissonar, líffræðings hjá Náttúrustofu
Vestfjarða. Grétar Sigurðsson á Ísafirði átti leið um Vatnsfjörð á Barðaströnd í síðustu viku og náði þá þessari góðu
mynd af erni sem spókaði sig í blíðunni rétt hjá þjóðveginum. „Örninn heldur sig mjög mikið á þessu svæði, þ.e. við
Breiðafjörðinn. Árið hefur verið hið þokkalegasta hjá erninum og vonumst við til að það sjáist oftar til hans,“ segir
Böðvar. Örninn hefur verið alfriðaður í nær heila öld. Erfiðlega hefur gengið hjá honum að dafna þrátt fyrir að langur
tími liðinn frá því hann var friðaður. Eru það því gleðitíðindi að örninn skuli sjást oftar á Vestfjörðum. – birgir@bb.is
Örn við þjóðveginn í Vatnsfirði
Örninn spókaði sig í blíðunni í Vatnsfirði. Ljósmynd: Grétar Sigurðsson.
Bætt GSM
samband á
Flateyri