Bæjarins besta - 07.04.2011, Síða 6
6 FIMMTUDAGUR 7. APRÍL 2011
Útgefandi: Gúttó ehf., kt. 680501-2620, Sólgötu 9, 400 Ísafjörður, sími 456 4560, fax 456 4564. Ritstjóri: Sigurjón J. Sigurðsson, sími 892
5362, bb@bb.is. Blaðamenn: Thelma Hjaltadóttir, símar 456 4693 og 849 8699, thelma@bb.is. · Kristján Torfi Einarsson, sími 456 4560,
kte@bb.is · Ritstjóri netútgáfu bb.is: Sigurjón J. Sigurðsson. Ljósmyndari: Halldór Sveinbjörnsson, sími 894 6125, halldor@bb.is.
Ábyrgðarmenn: Sigurjón J. Sigurðsson og Halldór Sveinbjörnsson. Lausasöluverð er kr. 400 eintakið með vsk. Veittur er afsláttur
til elli- og örorkulífeyrisþega. Einnig sé greitt með greiðslukorti. Önnur útgáfa: Ferðablaðið Á ferð um Vestfirði. ISSN 1670 - 021X
Spurningin
Á ríkisstjórnin að
lækka opinberar
álögur á eldsneyti?
Alls svöruðu 604.
Já sögðu 541 eða 90%
Nei sögðu 53 eða 9%
Alveg sama sögðu 10 eða 1%
Netspurningin er birt viku-
lega á bb.is og þar geta
lesendur látið skoðun sína
í ljós. Niðurstöðurnar eru
síðan birtar hér.
Ritstjórnargrein
Þjóðgarðurinn Vestfirðir
Ef ætlunin er að gera Vestfirði að einum þjóðgarði og hafa íbúana
til sýnis túristum, sem harðgerðan ættbálk landsmanna sem öðrum
fremur lærði að lifa af því sem landið gaf og sótt var í hafið, sem hjarði
af öðrum betur farsóttir vegna einangrunar, tókst í gegnum aldir að
halda fénaði margs konar óáran, landshlutana sem fyrr á öldum var
sagður griðastaður ólánsmanna sem gerst höfðu fingralangir sér til
lífsbjargar eða með einum eða öðrum hætti gegnið á snið við vilja
þeirra sem deildu og drottnuðu sjálfteknu valdi, landshluta sem
lengst af var horft til varðandi sjósókn og útgerð allt fram eftir síð-
ustu öld, svo fátt eitt sé tínt til, já ef menn vilja gera Vestfirði að þjóð-
garði og síðustu hreinræktuðu íbúana að sýningargripum, eiga
menn bara að segja það umbúðalaust.
Hins vegar: Ef einhver alvara er á bak við fagurgala stjórnmála-
manna um að efla byggð á Vestfjörðum, byggja upp samfélag sem
stendur undir þeim kröfum sem nútíminn gerir kröfur til, hlýtur af-
staða heimamanna, öðru fremur, að ráða ferðinni þegar kemur að
nýtingu lands og gæða; þess fólks sem þarna býr og ætlar að búa.
Ástarjátning þingmannanna Marðar Árnasonar og Róberts Marshall
um að ,,fá svæði henti jafnvel fyrir þjóðgarð og landið á milli Þorska-
fjarðar og Vatnsfjarðar við norðanverðan Breiðafjörð, sem sjálfur
nýtur sérstakrar verndar ásamt eyjum, hólmum, skerjum og fjörum,“
svo vitnað sér til orðskrúðsins, er léttvæg móti hagsmunum fóks
sem berst við að halda lífi í byggð, sem verið hefur skjól ættmenna
þeirra kynslóum saman, en á nú á brattann að sækja.
Ekki vantar sérfræðinöfnin á allar þær stofnanir, nefndir og ráð,
sem lagst hafa gegn vilja íbúa Vesturbyggðar um vegagerð á sunn-
anverðum Vestfjörðum. Rök þeirra eru mörg hver ekki ný af nál-
inni. (Hver man ekki eftir spám um helför alls fuglalífs í Gilsfirði
við þverun fjarðarins?) En þegar gripið er til andmæla við samgöngu-
bætur á þeim forsendum að þær ,,þjóni fyrst og fremst þeim sem
vilja komast hratt á milli staða“ og að með öðrum hætti – minni
leyfilegum hraða – megi drag úr öryggisþáttum, fer hrollur um fólk
sem enn býr við vegaslóða sem markaðir voru í landslagið fyrir
hálfri öld (Dynjandisheiði) eða eru aðeins færir torfærubílum. Og
þegar á þrykk er látið út ganga að íbúar Vesturbyggðar geti vel sætt
við minni gæði í vegagerð ,,þar sem nú er komið bundið slitlag alla
leið til Ísafjarðar,“ (101- Strandir – Ísafjörður) er mælirinn yfirfullur.
Sé ætlunin að Vestfirðir verði einn allsherjar þjóðgarður er eins
gott að Vestfirðingar taki sjálfir frumkvæðið, segi sig frá lögum við
samfélagið innan hringvegarins, grafi skurð um eiðið milli Bitrufjarð-
ar og Gilsfjarðar og slái eign sinni á miðin fyrir utan nýja eyríkið.
– s.h.
Helgarveðrið
Horfur á föstudag: Útlit
fyrir ákveðna sunnan- og
suðvestanátt. Vætusamt
einkum S- og V-lands og
milt í veðri. Horfur á
laugardag: Útlit fyrir
ákveðna sunnan- og
suðvestanátt. Vætusamt
einkum S- og V-lands og
milt í veðri. Horfur á
sunnudag: Áframhald-
andi SV-átt með ofan-
komu, einkum vestantil á
landinu og kólnar.
Fjölmenni á opnu húsi
Talið er að á milli 250-300 manns
hafi sótt opið hús hjá stofnunum
og fyrirtækjum í Vestrahúsinu á
Ísafirði á föstudag. „Þetta gekk
rosalega vel og mikil ánægja var
bæði hjá gestum og sérstaklega
hjá fólkinu í húsinu. Vinsælast
var að kíkja til Kerecis þar fólki
bauðst að búa til krem sem sló
alveg í gegn. Einnig var mjög
vinsælt að fara til Hafró þar sem
sýndur var kafbátur. Margir fóru
líka í Neðri málstofu, eins og við
köllum hana, en þar buðu stofn-
anir upp krækling og fleira góð-
gæti úr sjónum. Fólk dreifðist
svo um allt húsið og allir fengu
fullt af fólki í heimsókn,“ segir
Albertína Friðbjörg Elíasdóttir,
einn af skipuleggjendum opna
hússins. Markmiðið með opna
húsinu var að gefa gestum og
gangandi tækifæri til að kynnast
þeirri fjölbreyttu starfsemi sem
fram fer í húsinu.
„Við héldum síðast opið hús í
nóvember 2008 í tilefni af opnun
nýjustu álmunnar í nóvember
2008 en á þeim tíma var verið að
opna Snjóflóðasetrið. Mér finnst
alltaf að það sé alltaf opið hús
þar sem húsið er alltaf öllum
aðgengilegt en það reyndist vel
þess virði að standa fyrir þessum
viðburði þar sem mikill munur
er að fyrir fólk ð hafa tilefni til að
koma eins og sýndi sig þarna,“
segir Peter Weiss forstöðumaður
Háskólasetursins.
„Við erum ofsalega glöð með
viðtökurnar og vonumst til að
opið hús verði reglulegur við-
burður hjá okkur í framtíðinni.
Við viljum líka hvetja áhugasama
til að kíkja í heimsókn til okkar
hvenær sem þá langar til,“ segir
Albertína.
– thelma@bb.is
Margt var að skoða á opna húsinu.
Vinsælt var að framleiða til sín eigin krem.