Bæjarins besta - 06.11.2014, Blaðsíða 12

12 FIMMTUDAGUR 6. NÓVEMBER 2014
Tímaflakk stjórnmálamanna
Stakkur hefur ritað viku-
lega pistla í Bæjarins
besta í mörg ár. Skoð-
anir hans á mönnum
og málefnum hafa oft
verið umdeildar og vak-
ið umræður. Þær þurfa
alls ekki að fara saman
við skoðanir útgefenda
blaðsins. Þrátt fyrir það
bera ábyrgðarmenn
blaðsins ábyrgð á skrif-
um Stakks á meðan
hann notar dulnefni sitt.
Stakkur skrifar
Málmiðnaðarmenn
Slippurinn Akureyri ehf., óskar eftir að ráða
vélstjóra/vélvirkja, stálsmiði og rennismið til
framtíðarstarfa.
Upplýsingar í síma 460 2900. Umsóknir send-
ist á netfangið slipp@slipp.is.
Slippurinn Akureyri ehf., · DNG · Nausta-
tanga 2 · Akureyri. Sími 460 2900 · Fax
460 2901 · www.slipp.is · www.dng.is
Allt bleikt og kaffið líka
Október er bleikur mánuður
og þar með helgaður vitundar-
vakningu á brjóstakrabbameini.
Fjölmargir vinnustaðir nota tæki-
færið til að efla vinnuandann jafn-
framt því að vekja athygli á sjúk-
dómnum. „Í öllu gamninu er
nokkur alvara,“ segir Sturla Páll
Sturluson, tollvörður á Ísafirði
við BB. Starfsfólk í öllu Stjórn-
sýsluhúsinu var ákaflega bleikt á
fimmtudag í síðustu viku, bæði í
klæðnaði og á vinnustöðvum og
um miðjan dag voru veittar við-
urkenningar fyrir ýmis bleik af-
rek.
„Þetta er í þriðja skiptið sem
við höldum upp á bleika daginn
og það er alltaf verið að bæta
við,“ segir Sturla. „Við gerum
þetta til að fá upp stemmningu
og það eru allir í húsinu sem taka
þátt.“ Fjölmörg fyrirtæki og
stofnanir eru þarna til húsa, svo
sem skattstofan, sýsluskrifstofan,
Innheimtustofnun, Vátrygginga-
félagið, Íslandsbanki og bæjar-
skrifstofurnar. „Það eru veittar
viðurkenningar í ýmsum flokkum
og fimm manna dómnefnd sér
síðan um að velja sigurvegara.
Og viðurkenningar voru veittar
við hátíðlega athöfn hér uppi á
fjórðu hæð.“
„Bleikasta konan fékk viður-
kenningu og það var Braga Ósk
Bragadóttir, Hjörtur Sigurðsson
var bleikasti karlinn, bæjarskrif-
stofurnar bleikasti vinnustaður-
inn, Innheimtustofnun var með
bleikustu kaffistofuna, sýslu-
skrifstofan með bleikustu vinnu-
stöðina og Bryndís Ósk Jóns-
dóttir var í frumlegasta bleika
klæðnaðinum. Þetta er bara
skemmtilegt og það er alltaf verið
að bæta við skreytingum, og hér
er allt bleikt í dag, meira að segja
kaffið er bleikt,“ segir Sturla
hress að lokum.
– sfg@bb.is
Því miður eru stjórnmálamenn ekki í miklum metum meðal al-
mennings, sem hefur skrýtnar skoðanir á mörgu málefninu og mönn-
um yfirleitt. Eitt er víst í síbreytilegum heimi að sólin kemur upp á
morgnana og sest á kvöldin, svona yfirleitt. Við gang hennar hafa
menn miðað lengd dags og skil hans og næturinnar. Hefur það geng-
ið bara hreint prýðilega þó með örfáum undantekningum. Nú hafa
nokkrir alþingismenn tekið á sig rögg og vilja að þessi gamli háttur
verði látinn ráða klukkunni. Það hefur ekki verið gert um langt skeið.
Lengi var sá háttur hafður á að flýta klukkunni á sumrin og seinka
henni aftur að haustinu. Fyrir því munu hafa legið misgáfuleg rök,
einkum að með því móti nytu Íslendingar dagsbirtu lengur að sumr-
inu. Þá er að vísu bjart nánast allan sólarhringinn hvort eð er. Fyrir
nærri hálfri öld var klukkunni ekki seinkað aftur að haustinu og hefur
Ísland verið á Greenwich Mean Time, skammstafað GMT, frá 1968.
Sá tími er að vísu hinn gamli sumartími á Íslandi og tími á hádegisbaug
jarðar í London.
Fyrir nokkrum árum datt alþingismönnum í hug að flýta klukkunni
enn frekar á Íslandi og hafa sama tíma og á meginlandi Evrópu. Það
varð ekki að veruleika og létti mörgum við þá niðurstöðu. Sjálfsagt
hefur þessu góða fólki gengið gott eitt til, en ef fólk vill vakna um
miðjar nætur þá getur hver og einn gert það óháð þvi hvað klukkan
segir hverju sinni. Það er hluti af frelsi okkar hér á Íslandi að vakna
þegar við teljum það hæfa okkur og leggjast til svefns með sömu rök-
um, að við ráðum því einfaldlega sjálf. Forsendur að baki því að færa
klukkuna til þess tíma sem áður var kenndur við GMT, en er nú nefnd-
ur UTC sem stendur fyrir Coordinated Universal Time eða samræmdan
heimstíma, eru meðal annars heilsa fólks og sérstaklega að börn skuli
ekki rekin á fætur um miðjar nætur. En það er nú talið hafa slæm hrif
á geðheilsuna að klukka fylgi ekki gangi sólar. Kannski er þar að leita
skýringa á því hvernig stór hluti þjóðarinnar hagar sér.
Tímaflakk alþingismanna er nú í rétta átt og ber að fagna því. Þá er
einni spurningu ósvarað, þeirri hvort að tímaflakk verður aftur tekið
upp innan ársins. Árin 1917-1921 var klukkunni flýtt um eina klukku-
stund að sumrinu á grundvelli laga frá 1907, en hún var látin halda sér
óbreytt árin 1922 til 1938, en svo var aftur farið að flýta henni að sumr-
inu allt til þess tíma að flýtingin var látin halda sér árið 1968. Frá því
merka ári, sem heil kynslóð velur að kenna sig við, hefur verið eilíft
sumar á Íslandi, þótt þess hafi ekki séð stað í vetrarveðrum. Kannski
er best að vera ekki að þessu tímaflakki. Síðustu 36 árin hefur þjóðin
verið laus við það. En afar fróðlegt verður að sjá hver afdrif þessa nýj-
asta tímaflakks verða. Kannski sprettur upp kynslóð íhaldsamra við
afturförina í tímaflakkinu öfugt við það sem gerðist þegar hin rómaða
,,68“ kynslóð reis upp. Það er kannski betra að fara varlega í þessum
efnum.