Iðnaðarmál - 01.03.1970, Blaðsíða 20
inn kostnað til þess að skapa sýning-
arvörum sínum glæsilega umgerð.
Vafalítið er þó, að ékki væri lagt í
slíkan kostnað, ef það borgaði sig
ekki margfaldlega. Mér var tjáð, að
sýningarsvæði einstakra fyrirtæ'kja
hafi kostað nokkrar milljónir ísl.
króna. Slíkt skapar virðingu, en
reikna verður þá með, að varan sjálf
sé í samræmi við hina dýru og fallegu
umgerð.
Sýningarsvæði Dana var stærst að
flatarmáli og vöxtum, enda er það
ekki óeðlilegt, þar sem þeir flytja ár-
lega út húsgögn í stærra mæli en öll
hin Norðurlöndin samanlagt. Danir
eru, sem kunnugt er, slyngir sölu-
menn, og hafa húsgögn þeirra farið
sigurför um allan heim.
Þeir hafa gert mikið átak í skipu-
lagsmálum húsgagnaiðnaðarins.
Gæðaprófun og gæðamerking er
framkvæmd af opinherri stofnun,
stórbætt hefur verið sölukerfi ein-
stakra fyrirtækja og ennfremur stofn-
uð sölufyrirtæki, sem annast sölu og
dreifingu á húsgögnum frá ákveðn-
um verksmiðjum og verkstæðum á
heimamarkaði og til útflutnings.
Þetta hefur gefið þeim aukna sölu-
möguleika og sparað minni fyrir-
tækjum dýrt og flókið sölukerfi. I
Danmörku munu finnast 15 slík
fyrirtæki, og á bak við hvert þeirra
eru á að gizka 3—7 verksmiðjur.
Það, sem vakti sérstaka athygli
mína á þessari stóru kaupstefnu, var
sýning Norðmanna, sem var í „For-
um“. Einkum og sér í lagi leyndu sér
ekki gæði vörunnar ásamt mjög
þokkalegu formi. Hjá þeim hafa hin
síðari ár orðið örar framfarir í út-
liti húsgagnanna. Duglegt fólk og á-
hugasamt hefur tekið sig saman og
hannað húsgögn, sem seljast um all-
an heim og vékja aðdáun. Mig lang-
ar til að nefna mjög vönduð hús-
gögn frá fyrirtækinu Dokka-möbler,
54
IÐNAÐARMAL