Hafnarfjörður - Garðabær - 01.05.2015, Blaðsíða 6
1. Maí 2015
Hver eru þín helstu áhugamál?
Þau er í raun svo breytileg. En það
sem ég hef alltaf haldið mig við eru
skriftirnar, sem eru reyndar orðnar að
atvinnumennsku núna. Annars fylgist
ég vel með þjóðmálaumræðunni starfs
míns vegna. Það mætti kalla það áhuga-
mál. Eða óheilbrigðan áhuga á rugluðu
samfélagi. En það er líka af ákveðinni
atvinnumennsku sem ég fylgist vel með.
Hver er þinn helsti kostur?
Það er eitthvað einkennilegt við að
dæma eigin galla og kost. Held að
maður sé yfirleitt frekar blindur á sig
sjálfan almennt. Dálítið eins og að
reyna að finna stafsetningavillurnar í
eigin texta. Annars held ég að óþolin-
mæði sé minn helsti kostur og ókostur.
Ég vinn og leik mér hratt og örugglega
en stundum geri ég mistök vegna þess
að ég gef mér ekki nægan tíma til þess
að gaumgæfa það sem ég er að gera. Ég
er að vinna að því að betrumbæta mig.
En galli?
Sjá svar fyrir ofan
Hver er fallegasti staðurinn á Íslandi?
Fjallgarðurinn á Reykjanesi á fallegum
vetrardegi
En í Hafnarfirði?
Hellisgerði
Eftirlætis íþróttafélag?
Ég er gamall Haukari. Æfði handbolta í
einhverjar fimm mínútur hjá Haukum
og hef verið stuðningsmaður félags-
ins síðan. Annars bý ég við átakanlegt
áhugaleysi á íþróttum sem jaðrar við
að vera fötlun.
Hvað áttu marga „vini“ á Facebook?
Rétt yfir þúsund. 1028 ef við viljum
vera nákvæm.
Uppáhaldsmatur og drykkur?
Bjór á tyllidögum og rauðan kristal
plús þess á milli. Annars eru ítölsku
kjötbollurnar sem ég elda sjálfur í upp-
áhaldi hjá mér.
Uppáhaldstónlistarmaður eða tón-
listarstefna? / Uppáhaldslag/plata?
Ég á ekki endilega uppáhaldstónlistar-
menn en er mjög jaðarmiðaður þegar
kemur að tónlist. Þannig hlusta ég nær
eingöngu á raftónlist þessa dagana. Ef
ég ætti að nefna listamenn sem ég
er með í eyranu þá eru það SBRTK,
Romare, Darkside og Jai Paul. Af ís-
lensku efni elska ég Samaris, Prins
Póló og hef verið að uppgötva Shades
of Reykjavík sem er skemmtilegt sýn-
ishorn af úrkynjaðri æskuÍslands.
Hvaða bók, lag eða listaverk hefur
haft mest áhrif á þig og hvers vegna?
Þegar stórt er spurt. Það er í sjálfu
sér ekkert eitt. Þetta er meira eins og
hrærigrautur sem ég hef drukkið í mig.
En það skáld sem hefur einstakt lag á
að fanga hjarta mitt er Dostojevskí.
Ástæðan er ekki einföld. Hann hreyfir
við mér, sem er nokkuð sem ég krefst
þess að listamaður geri þegar ég nýt
listarinnar. Mér er í sjálfu sér sama
hvernig það er gert.
Hvert sækirðu afþreyingu?
Sjónvarp, útvarp, bók eða net?
Svarið er eiginlega allt saman. Hrein-
skilna svarið er netið.
Hvað vildirðu verða þegar þú yrðir
stór?
Brjálaður vísindamaður.
Hvert var fyrsta starfið, og hvað
hefurðu tekið þér fyrir hendur fram
að þessu?
Fyrsta vinnan var unglingavinnan í
Hafnarfirði. Þar lærði maður ýmislegt,
um gang lífsins og almennt vinnusið-
ferði. Kannski meira um að leggja sig
þegar enginn sá til manns. Síðan hef
ég starfað við garðyrkju, verkamanna-
vinnu, sem þjónn og starfsmaður I fé-
lagsmiðstöð. Einu sinni seldi ég meira
að það segja rósir í miðborg Reykja-
víkur. En ég entist ekki lengi í því.
Ef þú værir ekki á fullu í ritstörfum
og blaðamennsku, hvað tækirðu þér
fyrir hendur?
Ég veit það ekki, ef ég á að vera alveg
hreinskilinn. Líklega myndi ég bara
mæla göturnar í miðbænum og reyna
viðhalda einhverju jafnvægi í hjarta
mínu.
Hvert var fyrsta „breikið“ þitt í rit-
listinni?
Sennilega er þessi útgáfa fyrsta
raunverulega tækifærið. En ég hef
verið iðinn að taka þátt í smásagna-
samkeppnum og gengið ágætlega þar.
Hvað sýslarðu annað en það og blaða-
mennsku?
Ég sinni fjölskyldunni og vinum. Svo
reyni ég að hreyfa mig eitthvað þess
á milli.
Áttu þér fyrirmynd í leik eða starfi?
Nei.
Varstu lengi að skrifa bókina?
Nei, meðgöngutíminn var í raun um
ár. Ég skrifaði hana samt á skemmri
tíma. Líklega á rúmu hálfu ári, sem
þykir ekki mikill tími fyrir skáldverk.
Hvernig gengur að vera rithöfundur
og vera líka á fullu við önnur störf?
Það er erfitt. Maður þarf að skipuleggja
tímann vel og beita sig töluverðum
aga. Það tók mig nokkurn tíma að ná
þeim áfanga að setjast niður og skrifa
við allar mögulegar aðstæður (þegar
börnin eru hlaupandi allt í kring með
tilheyrandi hávaða og svo framvegis),
en þegar það kom, þá hefur mér gengið
nokkuð vel að skrifa. Það vantar alla-
vega ekki hugmyndirnar.
Hvað er að þínu mati mikilvægast
fyrir Hafnarfjörðinn?
Að hann verði áfram fjölskylduvænn og
áherslan verði áfram á fjölskyldufólk.
Það er það sem hefur gert Hafnarfjörð
einstakan að mínu mati. Þar má finna
ótrúlega öflugt iþrótta- og tómstundar-
starf. Líka öflugan tónlistarskóla sem
hefur getið af sér kröftuga tónlistarsenu
í bænum. Þetta er hryggjastykki bæj-
arins.
Að því sögðu, hvað mætti gera betur
í Hafnarfirðinum?
Það mætti huga betur að skipuags-
málunum.
Hvaða stundir í lífinu eru gleðileg-
astar?
Þessar óvæntu.
Hvað er svo framundan hjá þér?
Vinna, samvera með fjölskyldunni
og vonandi ljóðahandrit sem ég er að
vinna að. Og kannski önnur skáldsaga
í náinni framtíð.
Lífsmottó:
Ég hef engar sérstakar lífsreglur. Það
sem hefur skilað mér mestu í gegnum
tíðina er eljan og dugnaðurinn og
sækja það fast sem maður vill án þess
að gefast upp. Í fáum orðum:
Vertu hress, ekkert stress og borðaðu
kex!
6
Valur Grettisson:
Æfði handbolta í fimm mínútur
Á lambakjötið
Kryddin frá okkur
eru ómissandi
í eldhúsið hjá ykkur
Lambakrydd úr 1001 nótt
Villijurtir
Lamb Islandia
Grískt lambakrydd
Valur Grettisson, blaðamaður og rithöfundur er Hafnfirðingur í húð og
hár. Hann hefur nýlega sent frá sér skáldsöguna „Gott fólk“ sem þó á sér
fyrirmyndir í raunverulegum atburðum. Hann hefur starfað við blaða-
mennsku um langt skeið og gerir enn. Valur er fjölskyldumaður, á tvo syni,
Ólaf Gretti og Illuga með konu sinni Hönnu Ruth Ólafsdóttur. Stærstu
sigarar hans eru að hafa komið fjölskyldunni á laggirnar, eins og hann
segir sjálfur. En í starfi nefnir hann afhjúpunina um Breiðuvíkurmálin
og svo skáldsagan nýja. Valur Grettisson er í yfirheyrslunni að þessu sinni.
Valur Grettisson heldur á eintökum af nýrri bók sinni.