Fréttabréf Siglfirðingafélagsins í Reykjavík og nágrenni - okt. 2012, Blaðsíða 9

9
Árgangur 1932
hittist á Siglufirði
Fremsta röð frá vinstri: Gunnar Skarphéðinsson, Svavar Færseth, Vilborg Jónsdóttir, Sigríður Samúelsdóttir, Guðný Friðriksdóttir, Guðrún
Bentína Frímannsdóttir, Erna Karlsdóttir, Sólborg Júlíusdóttir. Miðröð frá vinstri: Sigurlína Eiríksdóttir, Inga Helgadóttir, Björg Arnþórsdóttir,
Kristjana H. Guðmundsdóttir, Ólafur G. Einarsson, Svala Einarsdóttir, Tómas Einarsson. Aftasta röð frá vinstri: Hreinn Magnússon, Jón
Hallsson, Ari Rögnvaldsson, Jón Helgason, Henning Á. Bjarnason, Hörður Óskarsson, Einar Björnsson.
Undirrituð brá sér í Sjálandshverfið í Garðabæ og spjallaði
við Ólaf G. Einarsson, úr árgangi 1932.
Árgangur ´32 frá Siglufirði nýtur þess heiðurs að vera
fæddur á vígsluári Siglufjarðarkirkju og á því stórafmæli
sömu ár og kirkjan.
Þau endurnýjuðu gömul vinabönd og samskipti
á fimmtugsafmælinu, árið 1982, og komu þá norður
40 saman í rútu ásamt prestinum sem fermdi þau, sr.
Óskari J. Þorlákssyni og Elísabetu Árnadóttur konu hans.
Safnaðarheimilið var vígt þetta ár en í því húsnæði höfðu
þau setið við nám áratugum fyrr. Af þessu tilefni afhenti
árgangurinn málverk af sr. Óskari.
Árgangurinn hefur hist á fimm ára fresti frá fimmtugs-
afmælinu og gert sér margt til gamans. Kristjana H.
Guðmundsdóttir, Gógó, er sú sem duglegust er að kalla
hópinn saman.
Í ár fagna þau og kirkjan 80 ára afmæli. Til afmælis
Siglufjarðarkirkju mættu 22 úr árganginum, en alls voru
þau 73 talsins á fermingarárinu, 29 eru látin. Á Siglufirði
búa 7 úr hópnum.
Dagskrá árgangsins hófst laugardaginn 1. september
og þann dag var fetað um gamlar slóðir í bænum, farið
á Síldarminjasafnið, í Gamla slippinn, Ljóðasetrið,
Þjóðlagasetrið, Skógræktina, Héðinsfjörð og í myndatöku.
Um kvöldið var fagnaður í Allanum, hátíðarmatur og
dagskrá að hætti árgangsins. Veislustjóri var Ólafur (Óli)
G., Kristjana (Gógó) setti hátíðina, Hörður (Höddi Óskars)
hélt afmælisræðu, Gunnar (Gunni Skarp) skyggndist inn í
fortíðina með myndum frá liðnum tíma, Jón (Jonni Halls)
ljóðskáld árgangs ´32 flutti frumsamin ljóð og Henning Á
Bjarnason o.fl. fluttu minningar frá liðinni öld.
Forsöngvari í fjöldasöng var Jonni Halls og gítarleikari
Nonni Helga.
Árgangurinn mætti svo ásamt mökum til hátíðarmessu í
kirkjunni sunnudaginn 2. september. Kaffiveitingar voru á
eftir í Safnaðarheimilinu.
Ég þakka Ólafi fyrir spjallið og sendi árgangi 1932 og
Siglufjarðarkirkju góðar afmæliskveðjur.
Jóna Möller