Vesturbæjarblaðið - 01.09.2008, Blaðsíða 18

KR leikur til úrslita í VISA-bik-
arkeppni karla gegn Fjölni laug-
ardaginn 4. október nk. kl. 16.00
á Laugardalsvellinum. KR á ekki
lengur möguleika á Íslandsmeist-
aratitlinum en getur tryggt sér 3.
sætið í deildinni og þar með sæti
í Evrópukeppni sumarið 2009.
KR-ingar urðu síðast Íslands-
meistarar árið 2003 en alls hafa
þeir orðið Íslandsmeistarar 24
sinnum, eða oftar en nokkurt ann-
að félag. Bikarmeistarar hafa KR-
ingar orðið 10 sinnum, síðast árið
1999 svo nú telja margir stuðn-
ingsmenn að kominn sé tími á að
koma með bikarmeistaratitilinn í
Frostaskjólið. Það væri vissulega
ánægjulegt ef KR ynni báða bikar-
meistaratitlana í ár, en konurnar
unnu nýlega Val í úrslitaleik. Síð-
ast lék KR til úrslita í bikarkeppn-
inni árið 2006, þá gegn Keflavík,
en tapaði 2-0.
KR vann sér rétt til að leika til
úrslita í VISA-bikarkeppninni með
sigri á KB 1-0, síðan vann KR Fram
2-0, Grindavík 3-2 og loks Breiða-
blik örugglega í vítaspyrnukeppni
eftir að staðan var jöfn 1-1 eftir
venjulegan leiktíma. Fjölnir vann
KFS 6-0, síðan ÍBV 2-1, Víking 1-0
og loks Fylki 4-3.
Laugardagurinn 4. október
hefur vestur í Frostaskjólinu með
upphitun og sýningarleik á gras-
vellinum þar sem gamlar kempur
sýna að þeir hafa engu gleymt,
eða nánast engu. Vörusala KR
verður í bullandi gangi, en þar
verða seldar ýmsar KR-vörur sem
gott væri að skreyta sig með á
leiknum gegn Fjölni á Laugardals-
velli, s.s. treflar og húfur. Hljóm-
sveitin ,,Fimm á Richter” mun
leika fyrir KR-inga og gesti af sinni
alkunnu snilld áður en farið verð-
ur á úrslitaleikinn. Fimm stræt-
isvagnar munu fara inn í Laugar-
dal fyrir leik og flytja KR-inga til
baka að leik loknum, vonandi sig-
urglaða. Forsala aðgöngumiða á
leikinn er þegar hafin, og gengur
mjög vel.
Haustfagnaður
Um kvöldið verður svo haust-
fagnaður KR í íþróttahúsinu. Þar
mun Sálin hans Jóns míns halda
uppi fjörinu langt fram á nótt.
Þar er upplagt tækifæri til að
ljúka og fagna góðu knattspyrnu-
sumrinu, kynnast öðrum KR-ing-
um og gestum þeirra enn betur
og um leið hefja körfuboltavertíð-
ina sem vonandi verður glæsileg í
vetur með þá Jón Arnór og Jakob
aftur í KR-liðinu.
18 Vesturbæjarblaðið SEPTEMBER 2008
KR getur tryggt sér 11. bikar-
meistaratitilinn með sigri á Fjölni
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
Lið KR sumarið 2008.