Ægir - 01.08.2012, Síða 18

Sjávarútvegsnám
heillar fleiri en áður
S J Á V A R Ú T V E G U R
Fisktækniskólinn í Grindavík er nú orðinn framhaldsskóli.
Aðsókn að námi sem tengist
ýmsum greinum sjávarútvegs
hefur aukist mjög og virðist
sem áhugi hafi glæðst til mik-
illa muna meðal landsmanna
að sækja sér menntun á
þessu sviði. Áhugi fyrir slíku
námi er nokkuð sveiflukennd-
ur, en að jafnaði er hann
mestur þegar vel gengur í
sjávarúvegi líka og um þessar
mundir.
Fleiri sækja í
sjávarútvegsfræði
Hreiðar Þór Valtýsson lektor
við auðlindadeild Háskólans
á Akureyri segir að nemend-
um í sjávarútvegsfræði hafi
fjölgað talsvert á síðustu ár-
um eftir mikla lægð í fjölda
innritaðra nemenda fá árun-
um 2005 til 2007.
Eftir það hafi nemendum
hins vegar fjölgað stöðugt
þannig að nú eru 65 nem-
endur að læra sjávarútvegs-
fræði við Háskólann á Akur-
eyri, 34 nemendur á 1. ári, 18
á 2. ári og 13 á síðasta ári.
„Það er erfitt að segja til
um af hverju þessi fjölgun
hefur orðið nú undanfarin ár,
líklega eru þar á ferðinni
nokkrir samverkandi þættir,“
segir Hreiðar Þór og nefnir
m.a. að á árunum 2007 til
2010 hafi fengist góður styrk-
ur frá LÍÚ og Menntamála-
ráðuneytinu til að kanna for-
sendur námsins, hvernig út-
skrifuðum nemendum reiddi
af, hvernig þeir reyndust í
starfi og hver áhuginn væri
hjá ungdómnum á sjávarút-
vegi.
Fjölbreytt nám
„Við settum einnig trukk í
kynningarstarf, sérstaklega
með heimsóknum í fram-
haldsskóla og það hefur ef-
laust skilað sínu. Það eru líka
aðrir þættir sem spila inn í.
Sjávarútvegur og allar hinar
fjölmörgu hliðargreinar hans
ganga mjög vel um þessar
mundir og laða ef til vill að.
Við höfum einnig orðið vör
við að þegar lægð er í efna-
hagslífinu þá virðist fjölga í
náminu hjá okkur,“ segir
Hreiðar Þór.
Hann nefnir að lauflétt
könnun meðal núverandi
nemenda hafi einnig sýnt að
útskrifaðir sjávarútvegsfræð-
ingar eru duglegir að kynna
námið og eru allnokkrir af
núverandi nemendum í nám-
inu vegna hvatningar frá
þeim útskrifuðu.
Hreiðar Þór segir að nám í
sjávarútvegsfræðum sé mjög
fjölbreytt, en lögð er áhersla
á að sjávarútvegur er í raun
ferli frá því fiskur er dreginn
úr sjó þar til afurð lendir á
diski neytanda einhvers stað-
ar úti í heimi. Greinar sem
kenndar eru í sjávarútvegs-
fræðum séu því allt frá því að
kenna um eðli hafstraum-
anna, þ.e. um búsvæði fisks-
ins yfir í markaðsfræði. „Þetta
er því sérstök blanda af raun-
vísindagreinum og viðskipta-
fræðigreinum,“ segir hann.
Erum að ná toppnum
Aðsókn að Skipstjórnarskól-
anum sem starfræktur er inn-
an Tækniskólans hefur aldrei
verið meiri en nú í haust, en
undanfarin ár hefur aðsókn
farið mjög vaxandi. Vilbergur
Magni Óskarsson, skjólastjóri,
segir að um 95 nemendur
stundi nám við Skipstjórnar-
skólann í vetur, þ.e. í dag-
námi og ívíð fleiri í dreifnámi.
Skólinn geti vart tekið við
fleiri en um 100 nemendur
þannig að toppnum verði
senn náð. Vilbergur segir að
menn hafi tekið eftir því að
aðsókn að náminu hafi farið
að aukast strax eftir kreppu.
Aðsókn að skólanum hafi alla
tíð verið sveiflukennd og far-
ið eftir því hvernig áraði í
þjóðfélaginu, þegar vel gengi
í sjávarútvegi væri aðsókn
meiri og minni þegar harnaði
á dalnum.
Skólastjóri Fisktækniskólans segir greinilegan áhuga hjá ungu fólki á sjávarútveginum og að greinin geti vænst þess að sjá
áhrif þessa áhuga á komandi árum þegar þetta fólk skili sér úr námi á vinnumarkaðinn.
18