Ægir - 01.08.2012, Qupperneq 21
21
S J Ó S Í L I
að talsvert varð vart við
makríl í Faxaflóa í sumar, en
hann á það til að éta sandsíla-
seiði.“
Lundinn að taka við sér?
Kristján segir að þótt varp
þeirra tegunda sjófugla sem
háðastir eru sandsíli hafi í
flestum tilfellum gengið illa á
sunnanverðu landinu vegna
sílaskorti séu aftur á móti ný-
legar vísbendingar um að
talsvert hafi komist upp af
lundapysjum í Vestmannaeyj-
um.
„Athuganir okkar á fæðu
lunda í lok júlí við Eyjar
sýndu að fuglarnir tóku aðal-
lega ljósátur og marflær en
einnig fannst lítilræði af sand-
síli og þorskfiskaseiðum.
Okkur virðist því sem að í
sumar hafi lundinn bjargað
sér á annarri fæðu en sandsíli
en það hefur honum ekki
tekist undanfarin ár.“
Nýlega fór fram athugun
til að kanna hvernig varp-
stofnar fimm algengra ís-
lenskra sjófuglategunda - fýls,
ritu, langvíu, stuttnefju og
álku - breyttust á tveim ára-
tugum eða frá tímabilinu
1983-1986 til 2005-2008. Öll-
um fimm tegundunum fækk-
aði frá miðjum níunda ára-
tugnum. Ritu og álku fækkaði
minnst, eða um 16% og 18%,
fýl og langvíu um 30% en
stuttnefju um 44%. „Slíka
fækkun vill maður einmitt
tengja minnkandi fæðufram-
boði.“
Súlan étur makríl
Kristján segir að svo virðist
sem helstu tegundir sjófugla
séu að spjara sig allvel á
norðanverðu landinu en
rannsóknir hafa sýnt að þar
er loðna uppistaða í fæðu
margra tegunda. Á landinu
sunnanverðu hefur skort aðra
fæðu en sandsíli fyrir margar
tegundir sjófugla.
„Ef sandsílið nær sér ekki
á strik kunna aðrar tegundir
að verða meira áberandi í
fæðu fugla. Afar erfitt er að
spá fyrir um hvaða tegundir
það gætu orðið. Þó er hugs-
anlegt að marflær og ljósátur
verði algengari fæða og ýms-
ar tegundir fiska eins og til
dæmis loðna, síld, kolmunni
og rauða sævesla. Sú breyting
hefur þegar orðið á fæðu
súlu að í stað þess að éta
sandsíli áður er nú makríll
mikilvæg fæða.“
Erum með fyrirliggjandi
allar stærðir og
gerðir af rafmótorum
Hólmaslóð 6 • 101 Reykjavík • Sími 551 5460
Fax 552 6282 • segull@segull.is • www.segull.is
• Rafverktakar
• Rafvélaverkstæði
• Raftækniþjónusta
Svo virðist sem fleiri lundapysjur hafi komist upp í Vestmannaeyjum en að undanförnu. Mynd: Kristján Lillendahl