Dagblaðið Vísir - DV - 22.09.2009, Qupperneq 17
Íslendingalið á toppnum
Fjögur lið eru efst og jöfn í þýsku úrvalsdeildinni í handbolta eftir fyrstu þrjár um-
ferðirnar. Kiel, Lemgo, Flensburg og Hamburg hafa öll unnið fyrstu þrjá leiki sína
en öll nema síðastnefnda liðið hafa Íslendinga innanborðs. Kiel sem Alfreð Gísla-
son þjálfar lagði Dormagen um helgina, 34-22, þar sem Aron Pálmarsson komst
ekki á blað, Flensburg með Alexander Petersons innanborðs vann Dag Sigurðar-
son og félaga í Fuche Berlin, 27-24, og loks lagði Lemgo Düsseldorf, 26-21. Rhein-
Neckar Löwen, sem Guðjón Valur, Snorri Steinn og Ólafur Stefánsson, leika með hef-
ur aðeins unnið einn leik af fyrstu þremur.
Hollenska markamaskínan Ruud
van Nistelrooy kom inn á í sínum
fyrsta leik með Real Madrid í heila
níu mánuði í spænsku deildinni á
sunnudaginn en hann hefur verið
frá vegna alvarlegra meiðsla. End-
urkoman varð svo fullkomnuð þeg-
ar Nistelrooy skoraði sitt fyrsta mark
í langan tíma. Markið var einkar lag-
legt þar sem hann tók boltann með
sér eftir laglega sendingu inn fyrir og
kom boltanum á milli fóta markvarð-
arins.
En meiðslasögu Nistelrooy er ekki
lokið í bili. Eftir leikinn fór Hollend-
ingurinn að finna fyrir meiðslum í
læri og var það staðfest á heimasíðu
Real Madrid í gærkvöldi að hann yrði
frá vegna þeirra í sex vikur. Verður
það þó væntanlega dropi í hafið fyr-
ir Nistelrooy sem hefur eins og áður
segir verið frá síðustu níu mánuðina.
Mark Hollendingsins var eitt af fimm
sem Real Madrid skoraði í leiknum
en það lagði nýliða Xeres, 5-0, og er á
toppi spænsku deildarinnar.
Nistelrooy mun eiga fullt í fangi
með að koma sér í liðið þegar hann
kemur aftur en fyrir í framlínunni er
gulldrengurinn Raúl og Frakkinn Ka-
rim Benzema sem Real keypti á þrjá-
tíu milljónir punda frá Lyon í sumar.
Markatölfræði Nistelrooy er þó engu
lík, sama hvert er litið en fyrir Real
Madrid hefur hann skorað 46 mörk í
68 leikjum en hann var markahæst-
ur í deildinni á sínu fyrsta tímabili,
sem var jafnframt eina tímabilið sem
hann hélst heill hjá spænska félag-
inu. Það ár varð liðið meistari.
tomas@dv.is
Ruud van Nistelrooy lék í fyrsta skiptið í níu mánuði:
markið kostaði sex vikur
FH með stjörnu
að ári
FH varð á sunnudaginn Íslands-
meistari í knattspyrnu í fimmta
skiptið í sögu félagsins eftir 2-0 sigur
á Val í 21. umferð Pepsi-deildarinnar.
Hefur liðið tryggt sér titilinn annað
árið í röð þrátt fyrir að ein umferð sé
eftir af mótinu.
Árangur FH þýðir að á næsta ári má
félagið leika með eina stjörnu fyrir
ofan merki félagsins á búningum
þess en stjarnan táknar fimm
meistaratitla. KR og Valur hafa flestar
stjörnur, fjórar talsins, Fram og ÍA
þrjár og Víkingur eina.
Afar áhugavert er að horfa til þess
að FH hafði ekki unnið Íslandsbikar-
inn fyrir tímabilið 2004 þegar hann
kom fyrst í hús í Hafnafirðinum en
fimm titlar á sex árum hafa skilað
stjörnunni á búninginn. Tók það FH
því aðeins sex ár að raka saman í
eina stjörnu á meðan það tók Víking
til dæmis 71 ár, en Fossvogspiltar
unnu sinn fyrsta titil árið 1920 og
þann fimmta og síðasta árið 1991.
Briatore
Bannaður
Alþjóðaakstursíþróttasambandið,
FIA, dæmdi Renault-keppnisliðið í
Formúlu 1 í tveggja ára skilorðs-
bundið bann í gær fyrir að brjóta af
sér í Singapúr-keppninni í fyrra.
Skipuðu þar þeir Pat Symonds og
framkvæmdastjórinn Flavio Briatore
ökumanninum Nelson Piquet að
keyra á vegg til þess að hjálpa
Fernando Alonso að vinna keppnina,
sem og hann gerði. Briatore fékk
ótímabundið bann frá Formúlu 1 og
má ekki á neinn hátt tengjast
íþróttinni. Hann er umboðsmaður
Fernandos Alonso og Marks Webber
auk nokkurra annarra ökumanna en
nú má hann ekki hafa nein afskipti af
þeim né nokkrum keppnisliðum í
öðrum akstursíþróttum á vegum FIA.
UMSjÓN: TÓMAS þÓR þÓRðARSoN, tomas@dv.is
sport 22. september 2009 þriðjudagur 17
Aftur meiddur Ruud van Nistelrooy
verður frá í sex vikur. myNd AFP
Mark gamla Manchester United-
leikmannsins Quintons Fortune fyr-
ir Doncaster Rovers á 84. mínútu
tryggði liðinu jafntefli gegn Ipswich
í ensku Championship-deildinni
um helgina. Það var fjórða jafntefli
Ipswich á tímabilinu undir stjórn
Roys Keane sem var ráðinn í vor eft-
ir brotthvarf frá Sunderland. Aftur á
móti hefur Ipswich ekki enn unnið
leik undir stjórn Keanes á tímabilinu
og situr í næstneðsta sæti næstefstu
deildar þegar átta leikir eru búnir.
Þessi „árangur“ Keanes hefur líka
komið honum í metabækur Ipswich.
Þó fyrir rangar ástæður. Byrjun liðs-
ins á tímabilinu er sú versta í 50 ár
eða síðan Bobby Robson stýrði Ips-
wich árið 1969. Bobby Robson snéri
þó hlutunum við enda var hann lengi
hjá félaginu. Gerði það á bikarmeist-
ara árið 1980 og Evrópumeistara bik-
arhafa árið eftir. Fyrir það stendur
stytta af honum fyrir utan heimavöll-
inn, Portman Road.
Vonbrigði fyrir eigandann
Ipswich lék síðast í efstu deild árið
2002 þegar Hermann Hreiðarsson
féll með liðinu en síðan þá hefur það
tvívegis verið nálægt því að komast
aftur upp á meðal þeirra bestu. Fé-
lagið hefur þó verið hrjáð af peninga-
leysi og miklum skuldum en fyrir
tveimur árum kom viðskiptajöfur og
heimastrákur að nafni Marcus Evans
inn í dæmið. Hann keypt upp 87,5
prósenta hlut í félaginu, gerði upp
allar skuldi og setti stefnuna á sæti í
úrvalsdeild.
Ipswich endaði í níunda sæti í
fyrra og þegar það var ljóst að ekk-
ert umspil væri um að ræða rak Ev-
ans, sem er bæði eigandi og stjórn-
arformaður liðsins, þjálfarann og
réð Roy Keane. Keane byrjaði mjög
vel og vann síðustu tvo leiki síðasta
tímabils. Hélt Evans því fram í öllum
miðlum að hann væri búinn að finna
manninn sem myndi koma liðinu
aftur upp í úrvalsdeildina.
Hann gaf því Keane nær laus-
an tauminn í leikmannakaupum og
horfði Keane beint til Sunderland.
Keypti þaðan Grant Leadbitter og
Carlos Edward, menn með reynslu
af úrvalsdeild. Þá keypti hann einn-
ig margreyndan mann úr næstefstu
deild, Tamas Priskin frá Watford, fékk
á láni Liam Rosenior frá Reading og
keypti ungan strák frá Manchester
United, Lee Martin.
„Tímabilið hefur vissulega ekki
byrjað eins og við vonuðumst til.
Það sjá allir. En Keane gerði krafta-
verk við Sunderland-liðið þegar það
var komið upp að vegg fyrir þremur
árum í næstefstu deild. Það endaði
með að komast upp og er þar enn.
Það er það sem ég vil fyrir þetta fé-
lag og því á Keane allt mitt traust. En
þetta eru vissulega vonbrigði fyrir
mig og það sem ég er búinn að leggja
í þetta enn sem komið er,“ segir eig-
andinn, Marcus Evans.
TÓmAS ÞÓR ÞÓRÐARSON
blaðamaður skrifar: tomas@dv.is
Það gengur hvorki né rekur hjá Roy sem knattspyrnustjóra Ipswich í næstefstu deild á
Englandi. Tveir góðir sigrar í lok síðasta tímabils þegar hann tók við fyllti stuðnings-
menn mikilli bjartsýni. Ipswich hefur ekki unnið leik í fyrstu átta umferðunum.
Sigurvegari Roy Keane þekkir ekkert annað en að vinna. En það vantar eitthvað í
blönduna eins og staðan er núna. myNd GeTTy ImAGeS
keane
án sigurs
Roy Keane Hefur ekki
unnið leik á tímabilinu
með Ipswich þrátt fyrir
mikla fjármuni.