Dagblaðið Vísir - DV - 08.12.2010, Qupperneq 33

miðvikudagur 8. desember 2010 erlent 33
Julian Assange, stofnandi Wikileaks,
var handtekinn af lögreglunni í
Lundúnum á þriðjudagsmorgun, en
til grundvallar var handtökuskipun
frá Interpol. Í yfirlýsingu sem bresk
lögregluyfirvöld birtu í kjölfarið
sagði: „Sænsk yfirvöld saka hann um
ólöglega þvingun, kynferðislega mis-
notkun og nauðgun. Hinir meintu
glæpir munu allir hafa verið framdir
í ágúst 2010.“
Á mánudag greindi DV frá því
að lögfræðingur Assange, Mark
Stephens, teldi ásakanir á hendur
skjólstæðingi sínum vera lítið ann-
að en pólitískt útspil. Hann ítrekaði
það þó í fjölmiðlum á mánudag, að
bæði hann og Assange væru bún-
ir að reyna að ná sambandi við sak-
sóknara í Svíþjóð síðan í ágúst en
án árangurs. Að lokum hefði sak-
sóknarinn fellt niður málið í heild
en síðan hafi nýr saksóknari ver-
ið skipaður, líklega vegna tilstuðlan
ónefnds stjórnmálamanns. „Þetta er
mjög furðulegt. Saksóknarinn í Sví-
þjóð felldi niður málið í heild sinni,
þar sem engar sannanir lágu að
baki ásökununum. Síðan gerist það
nokkrum vikum síðar – eftir afskipti
sænsks stjórnmálamanns – að nýr
saksóknari er skipaður, en ekki einu
sinni í Stokkhólmi þar sem glæpirn-
ir áttu að hafa verið framdir, heldur
í Gautaborg. Þá var málið tekið upp
aftur og það hefur leitt til hinnar al-
þjóðlegu handtökuskipunar,“ sagði
lögmaðurinn við BBC.
Líklegt verður að teljast að hand-
takan komi í kjölfar þrýstings frá
Bandaríkjunum. Í síðustu viku lýsti
bandaríski ríkissaksóknarinn Eric
Holder því yfir að dómsmálaráðu-
neyti Bandaríkjanna væri að íhuga
að nýta sér svokölluð „Njósnalög“ frá
árinu 1917, til að réttlæta handtökur
á Assange og starfsfólki Wikileaks.
Samkvæmt lögunum telst opinber
birting á hernaðarlega mikilvægum
skjölum glæpsamlegt athæfi.
Julian Assange, stofnandi Wikileaks, var handtekinn í Lundúnum á þriðjudag:
Assange handtekinn
Wikileaks stofnar
starfsframa í hættu
Nemendur við Columbia-háskóla
í New York hafa verið varaðir við
því að ræða Wikileaks á samskipta-
vefnum Facebook, vilji þeir starfa
í bandarískri stjórnsýslu eftir að
námi lýkur. Í Columbia-háskóla er
að finna stofnunina SIPA (School of
International and Public Affairs) þar
sem nemendur stunda nám á fram-
haldsstigi í alþjóðasamskiptum og
opinberri stjórnsýslu. Er SIPA ein
virtasta stofnun sinnar tegundar í
Bandaríkjunum en þeir sem útskrif-
ast þaðan hljóta oftar en ekki stöður
í bandarískri stjórnsýslu í kjölfarið,
sérstaklega í utanríkisráðuneytinu.
Nú hefur starfsmaður utanríkis-
ráðuneytisins í Washington, sem
áður var nemandi í SIPA, varað nú-
verandi nemendur við því að birta
hlekki á Wikileaks af Facebook- eða
Twitter-síðum.
Setja starfsframa sinn í hættu
Starfsmaðurinn hafði samband við
skrifstofu starfsráðgjafar SIPA, sem
sendi í kjölfarið tölvupóst á alla nem-
endur við stofnunina. Í tölvupóstin-
um sagði: „Skjölin sem hafa birst á
undanförnum mánuðum á síðunni
Wikileaks eru ennþá skilgreind sem
trúnaðarskjöl. Mælt er með því að
þið [nemendur] birtið ekki hlekki á
þessa síðu, né heldur að þið ræðið
hana frekar á vettvangi eins og Face-
book eða Twitter. Þeir sem það gera
eiga á hættu að hæfni þeirra til að
fara með trúnaðarskjöl verði dregin í
efa, en sú hæfni er nauðsynleg þeim
sem starfa í bandarískri stjórnsýslu.“
Það var nemandi við SIPA, Iss-
andr El-Amrani, sem birti póstinn
í heild sinni á bloggsíðu sinni síð-
astliðinn fimmtudag. Sama dag
lagði öldungardeildarþingmaður-
inn Joseph Lieberman til frumvarp
til laga um að hverjir þeir sem birta
nöfn bandarískra sendifulltrúa úr
Wikileaks-skjölunum yrðu sóttir til
saka.
Bannað að skoða Wikileaks
Bandaríska vefritið The Huffington
Post fjallaði um málið og fékk í kjöl-
farið upplýsingar frá upplýsingafull-
trúa utanríkisráðuneytis Bandaríkj-
anna um að viðvörunin til nemenda
SIPA fæli ekki í sér formlega stefnu-
breytingu af hálfu ráðuneytisins.
Þar væri starfsmönnum meinað
að skoða gögn á síðu Wikileaks, en
þar fyrir utan hefði ráðuneytið sem
slíkt ekki gefið önnur fyrirmæli. „Við
höfum gefið starfsmönnum við ut-
anríkisráðuneytið fyrirmæli um að
skoða ekki síðu Wikileaks eða hlaða
niður gögnum frá síðunni í gegnum
þriðja aðila. Gögnin sem þar eru
birt eru ennþá skilgreind sem trún-
aðargögn. Við fordæmum aðgerðir
Assange [stofnanda Wikileaks] en
við höfum engin fyrirmæli gefið til
annarra en starfsmanna ráðuneyt-
isins.“
Nemendur á framhaldsstigi við Col-
umbia-háskóla í New York hafa verið
varaðir við því að skoða gögn sem birt
eru á uppljóstrunarsíðunni Wikileaks.
Geri þeir það gætu þeir stofnað starfs-
frama sínum í hættu.
BJörn teitSSon
blaðamaður skrifar: bjorn@dv.is
Þeir sem það gera eiga á
hættu að hæfni þeirra
til að fara með trúnað-
arskjöl verði dregin í efa
en sú hæfni er nauðsyn-
leg þeim sem starfa í
bandarískri stjórnsýslu.
Columbia-háskóli í new York Enginn
háskóliíheiminumhefurtengslviðfleiri
nóbelsverðlaunahafaenColumbia.
Julian Assange
Verðurvæntanlega
framseldurtilSvíþjóðar.
stradivarius-fiðlu
stolið í kaffipásu
Óprúttnum þjófum tókst að stela
Stradivarius-fiðlu á lestarstöð í
Lundúnum, þegar Min-Jin Kym
fiðluleikari lagði hana frá sér á með-
an hún fékk sér kaffi. Kym var með
fiðluna á kaffihúsinu Prét-a-Mang-
er í svartri tösku, sem hún lagði frá
sér í nokkrar mínútur. Þjófarnir létu
til skarar skríða og komust undan
með fiðluna, sem er metin á um 216
milljónir íslenskra króna. Fiðlan sem
um ræðir var smíðuð árið 1696 og
er ein af 450 fiðlum sem smíðaðar
voru af ítalska hljóðfærasmiðnum
Antonio Stradivarius.
hákarlsárásir við
egyptaland minna
á Ókindina
Á sunnudag bárust fréttir af hákarls-
árás undan ströndum Egyptalands
sem leiddu til dauða sjötugrar þýskr-
ar konu sem var þar á ferðalagi.
Ströndinni sem um ræðir, Sharm
el-Sheikh, hafði verið lokað í síðustu
viku eftir þrjár hákarlsárásir með
stuttu millibili – þó enginn hafi látist
í þeim árásum. Í kjölfarið veiddust
tveir hákarlar sem taldir voru söku-
dólgarnir og ströndin því opnuð að
nýju. Minnir þessi atburðarás óneit-
anlega á kvikmynd Stevens Spiel-
bergs um Ókindina, en í henni var
strönd lokað og hún svo opnuð aftur
eftir að hákarl hafði verið veiddur
– en sá hákarl reyndist ekki sá rétti.
Skelfilegir atburðir fylgdu í kjölfarið í
smábænum Amity.
Brasilía viðurkennir
sjálfstæði Palestínu
Forseti Brasilíu, Inacio Luiz Lula
da Silva, mun láta það verða eitt af
sínum síðustu embættisverkum að
viðurkenna sjálfstæði ríkis Palestínu
á Vesturbakkanum og Gaza-strönd-
inni. Lula mun láta af embætti eftir
áramót en þá tekur við skjólstæðing-
ur hans, Dilma Rousseff. Ákvörðun
Lula hefur vakið upp hörð viðbrögð
Ísraelsmanna og Bandaríkjamanna,
sem saka Lula um að leggja stein
í götu friðarviðræðna á svæðinu.
Ísraelsmenn óttast nú að fleiri ríki í
Suður-Ameríku fylgi í fótspor Brasil-
íu, en talið er að yfirvöld í Perú muni
viðurkenna frjálst ríki Palestínu inn-
an skamms.