Dagblaðið Vísir - DV - 11.05.2011, Side 8

8 | Fréttir 11. maí 2011 Miðvikudagur
Tryggvi Agnarsson lögmaður Sigurplastsmanna:
Fékk milljón rétt fyrir þrot
Lögmaðurinn Tryggvi Agnarsson,
sem vann fyrir þáverandi eigend­
ur iðnfyrirtækisins Sigurplasts, fékk
rúma milljón greidda frá fyrirtæk­
inu tæpri viku áður en Héraðsdóm­
ur Reykjavíkur setti fyrirtækið í þrot
í fyrrahaust. Greiðslan til Tryggva
var ein sú síðasta sem fór út úr fé­
laginu á meðan þáverandi eigend­
ur Sigurplasts, Sigurður L. Sævars­
son og Jón Snorri Snorrason, áttu
félagið. Greiðslan til Tryggva átti sér
stað þann 24. september 2010, sam­
kvæmt endurskoðendaskýrslu Ernst
og Young um starfsemi fyrirtækisins,
en héraðsdómur setti félagið í þrot
þann 30. september.
Líkt og DV hefur greint frá leikur
grunur á að margs konar lögbrot, allt
frá skattalagabrotum, skilasvikum,
umboðssvikum til fjárdráttar, hafi átt
sér stað í rekstri Sigurplasts frá því
árið 2007 og þar til fyrirtækið var tekið
til gjaldþrotaskipta síðastliðið haust.
Félagið skuldaði Arion banka þá um
1.100 milljónir króna. Eigendur Sigur­
plasts höfðu þá stofnað annað fyrir­
tæki sem þeir ráku samhliða því. Virð­
ast eigendurnir hafa látið nýja félagið,
Viðarsúlu, eiga í viðskiptum við Sigur­
plast sem voru sérstaklega óhagstæð
fyrir Sigurplast áður en þeir gáfu fyrir­
tækið upp til gjaldþrotaskipta í sept­
ember. Sigurplastsmálið hefur verið
sent til þriggja opinberra stofnana til
rannsóknar, lögreglustjórans á höfuð­
borgarsvæðinu, efnahagsbrotadeild­
ar ríkislögreglustjóra og skattrann­
sóknarstjóra.
Jón Snorri Snorrason hefur
stefnt DV vegna umfjöllunar blaðs­
ins um Sigurplastsmálið. Lögmaður
Jóns Snorra er áðurnefndur Tryggvi
Agnars son. ingi@dv.is
Þrír menn, Guðjón Jónsson, Hall­
ur Jónas Gunnarsson og Friðrik Atli
Sigfússon, hafa kært þá Hallgrím
Bogason og Daníel Þorsteinsson
til lögreglustjórans á höfuðborgar­
svæðinu fyrir meint brot gegn al­
mennum hegningarlögum vegna
fasteignaviðskipta í Belgrad í Serb­
íu. Þetta kemur fram í kæru frá lög­
manni þeirra, Katrínu Smára Ólafs­
dóttur, til lögreglunnar sem DV
hefur undir höndum. Kæran barst
til lögreglunnar í september síðast­
liðnum.
Lögreglustjórinn á höfuðborgar­
svæðinu áframsendi kæruna til
efnahagsbrotadeildar ríkislögreglu­
stjóra þar sem hún bíður meðferðar,
samkvæmt bréfi, sem DV hefur und­
ir höndum, frá settum saksóknara
Öldu Hrönn Jóhannsdóttur.
Leita réttar síns í Serbíu
Þremenningarnir telja að Hallgrím­
ur og Daníel hafi gerst sekir um brot
í viðskiptunum með fasteignina í
Belgrad, meðal annars fjárdrátt, um­
boðssvik, skjalafals og fjársvik, auk
meintra brota á lögum um einka­
hlutafélög, lögum um bókhald og
um ársreikninga.
Kærendurnir og Hallgrímur og
Daníel áttu saman íslenskt eignar­
haldsfélag, SCS Holding, sem hélt
utan um eignarhlut þeirra í hluta­
félagi í Serbíu sem stofnað var utan
um fasteignakaup þeirra í Belgrad
árið 2007. Fasteignin sem félagið
keypti er 2.300 fermetrar og er í mið­
borg Belgrad. Banki leigir hluta fast­
eignarinnar um þessar mundir.
Auk þess að kæra þá Hallgrím
og Daníel til lögreglunnar hér á
landi hafa þeir leitað réttar síns fyr­
ir serbneskum dómstólum. Málið er
því til meðferðar í tveimur löndum.
Telja sig hafa verið rænda
Kærendurnir í málinu telja að Hall­
grímur og Daníel hafi hlunnfarið
sig með því færa eignarhlut þeirra í
serb neska eignarhaldsfélaginu Tekig
Invest AD yfir til annarra aðila með
meintum ólögmætum hætti. Í kær­
unni segir meðal annars um þetta
atriði: „Tveir þeirra, ofangreindir
Hallgrímur Bogason og Daníel Þor­
steinsson, hafa með ólögmætum
hætti tekið fjármuni og verðmæti
undan félaginu og aflað sér ólög­
mæts ávinnings með því að hafa
yfir fært annars 40,51% hlutafjár SCS
Holding í félaginu Tekig Invest, að
markaðsverðmæti 135.519 EUR í
hendur viðskiptafélaga þeirra ytra,
þ.e. yfir á félagið Yugit Company
D.O.O, Belgrad, og hins vegar að af­
henda Novo Djonovic 33,34% hluta­
fjár í félaginu, að andvirði u.þ.b. EUR
109.044,71. Ekkert endurgjald kom
fyrir eignarhlutinn til SCS Holding
eða lánardrottna þess.“
Í einföldu máli telja kærendurn­
ir því að þeir Daníel og Hallgrímur
hafi haft af þeim eignarhlut þeirra
í fasteigninni í Belgrad með ólög­
mætum hætti og vilja þeir að lög­
reglan á Íslandi rannsaki málið. Um
þetta segir í kærunni: „Þannig hafa
kærðu með ólögmætum hætti tekið
fjármuni og verðmæti frá félaginu
og ráðstafað til eigin þarfa og þar
með jafnframt brotið gegn samn­
ingum við lánardrottna félagsins
og þá sem lagt höfðu til fjármagn
til þess.“ Kaupin á fasteigninni voru
fjármögnuð að hluta til með eigin
fé fjárfestanna og að hluta til með
lánsfé frá fjármálafyrirtækjum og
öðrum fjárfestum.
Inntakið í kærunni er því að kær­
endurnir telja sig hafa lagt fram fé til
fjárfestingar sem síðan var höfð af
þeim án þess að þeir fengju nokkurt
endurgjald fyrir.
Ríkislögreglustjóri staðfestir
meðferðina
Í bréfi frá Öldu Hrönn til kærend­
anna kemur fram að hluti kæruefn­
ananna sé fyrndur þar sem meint
brot hafi átt sér stað sumarið 2008.
Jafnframt óskaði Alda Hrönn eftir
frekari upplýsingum um kæruefnin í
bréfinu sem sent var til kærendanna
á seinni hluta síðasta árs.
Embætti ríkislögreglustjóra stað­
festir að málið sé til meðferðar en
getur ekki gefið frekari upplýsingar
um stöðuna á rannsókninni: „Stað­
festi að málið er til meðferðar í efna­
hagsbrotadeild. Aðrar upplýsingar
er ekki hægt að gefa að svo stöddu,“
segir í svari frá embættinu.
Kæra lögð fram út af
viðskiptum í Serbíu
n Kæra tvo fyrrverandi viðskiptafélaga n Keyptu saman 2.300 fermetra fasteign í
miðborg Belgrad 2007 n Telja eignarhlutum í fasteigninni hafa verið stolið
„Þannig hafa kærðu
með ólögmætum
hætti tekið fjármuni og
verðmæti frá félaginu og
ráðstafað til eigin þarfa.
Ingi Freyr Vilhjálmsson
fréttastjóri skrifar ingi@dv.is
Hjá ríkislögreglustjóra Kæra þremenn-
inganna bíður meðferðar hjá embætti
ríkislögreglustjóra.
Byggt í upphafi síðustu aldar Fasteignin
í Belgrad stendur við götuna Krajl Petar og er
gegnt höfuðstöðvum seðlabankans í Serbíu.
Hér sést byggingin á mynd sem tekin var vorið
2007. Húsið var byggt í upphafi síðustu aldar.
Fékk pening frá Sigurplasti Lögmaðurinn Tryggvi Agnarsson fékk milljón frá Sigur-
plasti rétt áður en félagið var gefið upp til gjaldþrotaskipta. Sigurplastsmálið er nú til rann-
sóknar hjá þremur aðilum vegna gruns um að meint lögbrot hafi verið framin í rekstrinum.
Sjóvá skilaði
hagnaði
Tryggingafélagið Sjóvá sem var í
söluferli í fyrra skilaði 811 milljóna
króna hagnaði. Þetta kemur fram
í tilkynningu sem fyrirtækið sendi
frá sér á þriðjudag. Búið er að sam­
þykkja tilboð fjárfestingarhóps í
51,4 prósent af hlutafé félagsins en
kaupin bíða samþykktar Fjármála­
eftirlitsins. Seljandi var eignasafn
Seðlabankans en kaupandi er verð­
bréfasjóðurinn SF 1, sem er í rekstri
Stefnis verðbréfasjóðs, sem er í eigu
Arion banka.
Eftir því sem fram kemur í til­
kynningunni voru heildartekjur
félagsins á árinu 12,3 milljarðar og
þar af iðgjöld um 10,9 milljarðar.
Arðsemi eigin fjár var rúm 6,8 pró­
sent á tímabilinu.
Stjórn Sjóvá telur afkomuna
vera viðunandi miðað við aðstæð­
ur. Stjórnin segir að félagið standi
traustum fótum og að horfur í
rekstrinum séu góðar.
Eiga 1.965 milljarða:
Lífeyrissjóðir
stórir lánar-
drottnar
Lífeyrissjóðirnir eru beint og óbeint
lánardrottnar tæplega tveggja þriðju
hluta verðtryggðra skulda íslenskra
heimila. Þetta kemur fram í Morgun­
korni Greiningar Íslandsbanka.
Verðtryggð skuldabréf með íbúða­
veði nema tæplega 750 milljörðum
króna í bókum lífeyrissjóðanna, en
erlendar eignir þeirra nema 483
milljörðum króna.
Eignir lífeyrissjóða voru ríflega
fimm prósent meiri að raungildi í
lok fyrsta ársfjórðungs en á sama
tíma í fyrra.
Hrein eign til greiðslu lífeyris
nam alls 1.965 milljörðum króna í
lok mars, en vísað er í nýbirtar tölur
frá Seðlabankanum. Hafði eignin
hækkað um ríflega 16 milljarða
króna í mánuðinum, en frá sama
mánuði í fyrra jókst hrein eign sjóð­
anna um 137 milljarða króna.
Tveir þriðju hlutar aukningar­
innar í mars voru í formi aukinnar
íbúðabréfaeignar og virðist aukning­
in aðallega til komin vegna hækk­
unar vísitölu neysluverðs og kaupa
lífeyrissjóðanna á íbúðabréfum. Þá
jókst eign sjóðanna í ríkisbréfum um
tæpa þrjá milljarða króna og hluta­
bréfaeign um 2,6 milljarða króna í
marsmánuði. Hlutabréfaeignin hef­
ur raunar tvöfaldast síðastliðna tólf
mánuði og nam alls ríflega 62 millj­
örðum króna í marslok. Eignin er þó
vart svipur hjá sjón frá því sem var
fyrir hrun, þegar slíkar eignir náðu
hámarki í tæplega 307 milljörðum
króna um mitt ár 2007.