Dagblaðið Vísir - DV - 11.05.2011, Side 16

16 | Erlent 11. maí 2011 Miðvikudagur
Mississippi-fljót flæðir yfir bakka sína.
Krókódílar úti um allt
„Það voru krókódílar úti um allt,“
sagði Ashley Nevels, sem býr í bæn-
um Vicksburg í Mississppi-fylki í
Bandaríkjunum. Yfirvöld í Missis-
sippi hafa varað íbúa við óboðnum
gestum, en þeir munu vera í formi
krókódíla og fjölmargra tegunda eitr-
aðra snáka.
Um þessar mundir flæðir Missis-
sippi-fljót yfir bakka sína í svo mikl-
um mæli að jafnvel er búist við að
met frá árinu 1937 verði slegið – en
fljótið hefur aldrei síðan þá verið jafn
vatnsmikið. Búist er við að vatns-
flaumurinn í fljótinu nái hámarki í
kringum 20. maí næstkomandi.
Þetta þýðir að hvers kyns kvik-
indi sem halda alla jafna til við
bakka fljótsins skolast með vatninu
upp að flóðvarnargörðum sem er
oftar en ekki að finna í þéttbýli. Við
Mississippi-fljót eru bæði lengstu og
stærstu flóðvarnargarðar í heimi en
þeir eru rúmlega 5.000 kílómetrar að
lengd. Hleðsla þeirra hófst á 18. öld
þegar franskir innflytjendur einsettu
sér að vernda borgina New Orleans.
Ricky Flint er yfirmaður Dýralífs-
stofnunar Mississippi-fylkis. Hann
segir að fólk geti búist við því að sjá
krókódíla í miklum mæli, þar sem
þeir leita nú að þurrlendi til að sleikja
sólina. „Fljótið flæðir út um allt og
yfir mikið þurrlendi,“ sagði Flint. Í
Mississippi eru á milli 32 til 38 þús-
und krókódílar, sem þýðir að þeir
sem búa nálægt ósum fljótsins þurfa
að vera sérstaklega á varðbergi.
Ashley Nevels fór einmitt með
fjölskyldu sinni og vinum upp að
flóðvarnargörðunum, en þau ætl-
uðu að virða flóðið fyrir sér og sjá hve
mikið fljótið hefði vaxið. „Það voru
örugglega um 50 krókódílar sem lágu
annaðhvort upp við bakkann á flóð-
varnargörðunum eða voru á röltinu
í kringum þá. Við vorum mjög ótta-
slegin,“ sagði Nevels, en hún mun
væntanlega einnig þurfa að vara sig
á eitruðum snákum – en slíkir snák-
ar eru algengir víða við Mississippi-
fljótið. bjorn@dv.is
Allt að 600 manns eru taldir af, eft-
ir að skip yfirfullt af flóttamönn-
um sökk undan ströndum Líbíu um
síðustu helgi. Fréttir af slysinu fóru
fyrst að berast eftir helgi, en það var
Flóttamannastofnun Sameinuðu
þjóðanna sem greindi frá þessu.
Það voru farþegar á öðru skipi
sem sögðu frá skipskaðanum, en
síðara skipið lagði úr höfn frá Trí-
pólí, höfuðborg Líbíu, skömmu á
eftir skipinu sem sökk. Farþegarnir
sáu skipið bókstaflega liðast í sund-
ur, en um borð voru að minnsta kosti
600 flóttamenn. Þegar seinna skipið
sigldi fram hjá slysstað mátti sjá lík
fljóta í sjónum og ennþá hafa ekki
borist fregnir af því að nokkur hafi
komist lífs af. Flóttamannastofn-
un SÞ greindi hins vegar frá því að
16 líkum hefði þegar skolað á land
við strönd Líbíu, þar af tveggja ung-
barna.
Aðkallandi vandamál
Allt frá því að átök brutust út í Túnis í
janúar, og síðan í Líbíu, hafa þúsund-
ir flóttamanna freistað þess að sigla
yfir til meginlands Evrópu til að flýja
lífshættuleg átök. Vandamálið er ein-
mitt þessi mikli fjöldi flóttamanna,
sem verður þess valdandi að skipin
sem sigla með þá eru oftar en ekki yf-
irfull – og aðstæður því lífshættuleg-
ar. „Það er ómögulegt að segja til um
fjölda þeirra skipa og báta sem hafa
lagt leið sína til Evrópu og enn síður
fjölda þeirra sem komust á áfanga-
stað. Um örlög fjölda skipa munum
við aldrei vita,“ sagði Jemini Pandya í
viðtali við AP-fréttaveituna, en hann
starfar fyrir IOM – alþjóðleg samtök
flóttamanna.
Talið er að allt að 10 þúsund
manns hafi þrátt fyrir allt komist
til ítölsku eyjunnar Lampedusa og
þaðan til meginlands Evrópu. Flest-
ir flóttamannanna eru taldir vera frá
Sómalíu – en þeir hafa margir hverj-
ir nýtt sér óeirðaástandið í Líbíu til
að komast inn í landið og því næst
freista gæfunnar við hafnir Norður-
Afríku.
Bandamenn aðhafast ekkert
Þrátt fyrir ýmsar yfirlýsingar
bandamanna, sem reyna opin-
berlega að aðstoða uppreisnar-
menn í Líbíu, virðast þeir ekki láta
sig flóttamannavandann varða. Í
stað þess að aðstoða flóttamenn-
ina hafa stjórnvöld í aðildarríkj-
um ESB, þá sérstaklega á Ítalíu og
í Frakklandi, brugðist ókvæða við
flóttamannastraumnum. Á sam-
eiginlegum fundi Nicolas Sark-
ozy, forseta Frakklands, og Silvios
Berlusconi, forsætisráðherra Ít-
alíu, í síðasta mánuði voru jafn-
vel boðaðar breytingar á Schen-
gen-fyrirkomulaginu, þar sem þeir
starfsbræður vildu taka aftur upp
landamæraeftirlit innan ESB á
meðan flóttamannavandinn væri
þetta alvarlegur.
n Allt að 600 eru taldir af eftir alvarlegasta skipskaða undan strönd Líbíu frá því átök hóf-
ust n Alvarlegur flóttamannavandi og aðstæður í skipum lífshættulegar„Um örlög fjölda
skipa munum við
aldrei vita.
Björn Teitsson
blaðamaður skrifar bjorn@dv.is
Fjölda saknað
eFtir skipskaða
Yfirfullt flóttamannaskip
Þetta skip komst alla leið til ítölsku
eyjunnar Lampedusa. Það á alls ekki
við um öll skipin sem þangað stefna.
Krókódílar
sleikja sólina
Íbúar nálægt
Mississippifljóti
verða að hafa
varann á.
Bruni-Sarkozy
líklega ófrísk
Fjölmiðlar í Frakklandi gera því
skóna að forsetafrúin, söngkonan
og fyrrverandi ofurfyrirsætan Carla
Bruni-Sarkozy sé ófrísk. Bruni-Sar-
kozy átti að vera viðstödd frumsýn-
ingu á nýjustu kvikmynd Woody Al-
len á kvikmyndahátíðinni í Cannes,
sem nú stendur sem hæst. Bruni-
Sarkozy fer einmitt með lítið hlut-
verk í myndinni. Hún lýsti því hins
vegar yfir að hún gæti ekki verið við-
stödd vegna „persónulegra mála“. Í
viðtali við útvarpsstöðina RTL var
hún spurð hreint út hvort hún væri
ófrísk eður ei, en jafnvel er búist við
að hún gangi með tvíbura. „Það er
persónuleg spurning. Þitt hlutverk
er að spyrja hennar, mitt er að svara
henni ekki,“ sagði Bruni-Sarkozy við
útvarpsmanninn.
Scarface
handtekinn
Lögregluyfirvöld á Ítalíu handtóku
í Napólí á þriðjudaginn Feliciano
Mallardo, sem er talinn einn voldug-
asti leiðtogi ítölsku mafíunnar. Lög-
reglan gerði einnig upptækar eignir
Mallardos, meðal annars peninga á
bankareikningum og í reiðufé, sem
eru metnar á jafnvirði tæplega 100
milljarða íslenskra króna. Athygli
vekur að gælunafn Mallardos ku
vera „o sfregiato“ sem myndi þýð-
ast á ensku sem „scarface“. Margir
muna eftir Al Pacino í samnefndri
kvikmynd, þar sem hann lék kúb-
verska glæpaforingjann Tony Mont-
ana. Nú er hinn ósvikni Scarface í
það minnsta á bak við lás og slá.
Rómarbúar flýja
jarðskjálfta
Löngum hefur verið sagt að allar
leiðir liggi til Rómar, en það á ekki
við í dag – miðvikudaginn 11.
maí. Þvert á móti ætlar fjórði hver
Rómarbúi að yfirgefa borgina, að
minnsta kosti í dag, vegna ótta við
risajarðskjálfta. Það var ítalski jarð-
skjálftafræðingurinn Raffaele Bend-
ani sem spáði fyrir um risaskjálft-
ann, en það gerði hann reyndar árið
1915. Hann lést í hárri elli árið 1979,
en náði þó að spá fyrir um nokkra
skjálfta á langri ævi. Óttinn við
skjálftann hefur magnast með skila-
boðum á samskiptasíðunum Twitter
og Facebook, en nútíma jarðskjálfta-
fræðingar efast stórlega um að
skjálfti muni ríða yfir í Rómarborg
í dag.