Dagblaðið Vísir - DV - 25.06.2012, Blaðsíða 25

E
nn einu sinni sést
hvað Englendingar
eru aftarlega á mer­
inni knattspyrnu­
lega,“ segir Ólaf­
ur Kristjánsson, þjálfari
Breiðabliks, aðspurður um
það sem upp úr stendur á
Evrópumótinu í knattspyrnu
það sem af er því móti. Fátt
hefur komið honum sér­
staklega á óvart nema hvað
enska landsliðið sé í stand­
andi vandræðum og þá taldi
Ólafur, eins og flestir, að
Hollendingar yrðu brattari
en raunin hefur verið.
Mótið skemmtilegt
„Mér finnst enginn leikur
enn sem komið er hafa ver­
ið leiðinlegur þó það verði
að segjast að leikir Grikkj­
anna hafa ekki verið mikið
til útflutnings. Á móti kem­
ur að landslið eins og Rúss­
land, Úkraína, Frakkland,
Tékkland og jafnvel Dan­
mörk hafa komið sterk til
leiks jafnvel þó Rússarnir
hafi klúðrað sínum málum
og séu úr leik. Allir leikirnir
hafa verið tiltölulega frískir
og fjörugir og það segir ým­
islegt að Rússar, sem spil­
uðu frískan bolta fyrstu leiki
sína, eru úr leik þrátt fyrir
mjög ferska og skemmtilega
byrjun. Keppnin það sem
af er er ekki síðri en síðustu
Evrópumót sem hafa ver­
ið í skemmtilegri kantinum.
Persónulega finnst mér þau
mót yfirleitt skemmtilegri en
heimsmeistaramótin.“
Daprir og daprari
Enska landsliðið er í litlu
uppáhaldi hjá Ólafi sem seg­
ir það ekki nýtt að lið þeirra
sé í bullandi vandræðum á
stórmótum. „En þeir leika
leiðinlegan bolta aftan úr
fornöld og virðast ekki kom­
ast á næsta stig eins og Frakk­
ar hafa til dæmis gert síðan á
HM 2010. Það tala flestir um
ensku deildina sem þá allra
bestu í heimi en það er vand­
séð ef mið er tekið af lands­
liði þeirra. Þeir voru bara
heppnir gegn Svíum og hefði
Walcott til dæmis hitt bolt­
ann sem rataði í netið er
vandséð að þeir hefðu unnið
þann leik.“
Hollendingar eru ann­
að lið sem ekki hefur stað­
ið undir væntingum að mati
Ólafs og er hann vart einn
um þá skoðun. Lið þeirra
virðist heillum horfið en
það samanstendur af tiltölu­
lega sama hópi knattspyrnu­
manna og á HM 2010. „Ég
hélt í barnslegri einfeldni
minni að þeir yrðu betri en
raunin hefur verið enda með
vel skipað lið. Þeir eru hins
vegar með leikmenn inn­
anborðs sem skemma fyr­
ir liðinu í heild og það hefur
haft mikil og slæm áhrif.“
Nýstirnin vantar
Oftar en ekki hefur það ver­
ið raunin á Evrópumótum
að einn eða fleiri lítt þekktir
leikmenn koma sérstaklega
sterkir inn og vekja athygli
stórliða strax í fyrstu leikjum
EM. Ef frá eru taldir nokkrir
frambærilegir hefur ekk­
ert nýstirni beinlínis skinið
skært það sem af er og und­
ir það tekur Ólafur. „Auð­
vitað hafa nokkrir leikmenn
vakið sérstaka athygli. Rúss­
inn Dzagoev kemur strax
upp í hugann en hann var
þó nokkuð þekktur fyrir og
kemur kannski lítt á óvart.
Annar sem mér finnst hafa
staðið sig afar vel er pólski
fyrirliðinn Blaszczykowski
en hann er vitaskuld enginn
nýliði heldur. Varnarmað­
urinn þýski Hummels hef­
ur líka verið frábær en hann
sömuleiðis er ekki alveg
óþekktur.
Sport 25Mánudagur 25. júní 2012
Ítalía í undanúrslit eftir vítakeppni
n Englendingar úr leik og Ítalir mæta Þjóðverjum
Þ
að verður ítalska
landsliðið sem fær
það verkefni að mæta
Þjóðverjum í undan­
úrslitum Evrópukeppninnar
í knattspyrnu eftir 4­2 sigur
á Englendingum eftir víta­
spyrnukeppni.
Var þessi síðasti leikur í
átta liða úrslitum fyrsti leik­
urinn í allri keppninni sem
endaði markalaus eftir hefð­
bundinn leiktíma. Dugði
heldur ekki framlenging til
jafnvel þó Ítalir væru með
boltann 65 prósent tímans
og ógnuðu marki enskra 20
sinnum á móti fjórum skipt­
um hinum megin.
Vítaspyrnukeppni þurfti
til að knýja fram úrslit og þar
höfðu Ítalir betur eftir að As­
hley Young og Ashley Cole
klúðruðu sínum vítum. Voru
Ítalir vel að sigrinum komnir
enda réðu þeir leiknum nán­
ast allan tímann og áttu mun
fleiri sóknir en Englendingar
þó flestar þeirra væru hættu­
litlar.
Mótherji Ítala verður
þýska landsliðið sem margir
spá sigri á mótinu en veð­
bankar telja líkurnar litlar á
að Ítalir eigi mikla möguleika
að sigra þá þýsku sem hafa
farið létt í gegnum leiki sína
til þessa. Hinn undanúrslita­
leikurinn verður milli Spán­
ar og Portúgal og telja veð­
bankar sömuleiðis að þar
fari Spánn áfram. Er sá leik­
ur forvitnilegur fyrir margra
hluta sakir. Ekki aðeins er
grimmur rígur milli þessara
ríkja á Íberíuskaganum held­
ur leika þrjár helstu stjörn­
ur Portúgal, Pepe, Coentrao
og Ronaldo, með Real Mad­
rid, sterkasta félagsliði Spán­
ar, og eru um leið samherj­
ar Casillas, Ramos, Xabi
Alonso, Arbeloa og Albiol
sem leika með spænska
landsliðinu.
Leikur Spánar og Portú­
gal fer fram á miðvikudaginn
kemur en leikur Þjóðverja og
Ítala degi síðar. Úrslitaleik­
urinn á EM 2012 fer svo fram
á sunnudaginn kemur.
albert@dv.is
Úrslit
EM 2012
Ítalía – England Vítaspyrnuk. 4–2
0–1 Balotelli, 1–1 Gerrard, 2–1 Rooney, 2–2
Pirlo, 2–3 Nocerino, 2–4 Diamanti
Spánn – Frakkland 2–0
1–0 Xabi Alonso (19.), 2–0 Xabi Alonso (90.)
Þýskaland–Grikkland 4–2
1–0 Lahm (39.), 1–1 Samaras (55.). 2–1
Khedira (61.), 3–1 Klose (68.), 4–1 Reus
(74.), 4–2 Salpingidis (89. víti)
Tékkland–Portúgal 0–1
Ronaldo (79.)
Undanúrslit
Ítalía - Þýskaland
Spánn - Portúgal
Marklínutækni
engu breytt á EM
Albert Eyþórsson
albert@dv.is
Inni eða úti? Marklínutæknin mun verða reynd í Englandi næsta vetur en óljóst hvort það næst að setja slíkan
búnað alls staðar upp áður en vertíðin hefst í ágúst.
Boltinn var inni Enginn veit sína ævina og sömuleiðis er ómögulegt að geta sér til um hvernig landsleikur Eng-
lands og Úkraínu hefði endað hefði gott og gilt mark þeirra síðarnefndu fengið að standa. n Hermann Gunnarsson veðjar á að Þýskaland vinni Evrópumeistaratitilinn 2012
Hallar á
Spánverja
Vicente del Bosque, þjálf­
ari Spánverja, segir klárt
að lið sitt muni tapa ein­
hverju á að fá færri frídaga
milli leikja en Portúgalar en
landsliðin mætast í undan­
úrslitum Evrópukeppninn­
ar í knattspyrnu á miðviku­
daginn kemur. Telur karlinn,
sem sopið hefur margar
fjörurnar í bransanum, að frí­
dagur til eða frá skipti orðið
verulegu máli í keppni sem
þessari. Segir Bosque leik­
menn sína þreytta og kenn­
ir meðal annars um mikl­
um hitum í Úkraínu. Eru þó
Spánverjar sennilega vanari
að spila í töluverðum hitum
en mörg önnur landsliðin.
Blanc orðaður
við Tottenham
Landsliðsþjálfari Frakklands,
Laurent Blanc, er talinn eiga
helmings möguleika að fá
áframhaldandi ráðningu
sem þjálfari landsliðsins nú
þegar Frakkarnir eru úr leik
á EM. Þó boltaspekingar
séu almennt á því að Frakk­
ar hafi spilað mun betur en
þeir gerðu á Heimsmeistara­
mótinu í Suður Afríku fyrir
tveimur árum eru það vart
merkileg meðmæli enda
liðið gjörsamlega úti á þekju
þar. Óánægja var með leik
liðsins í aðdraganda EM og
Blanc fékk aldeilis á baukinn
í fjölmiðlum fyrir nauman og
tæpan sigur á Íslendingum í
æfingaleik fyrir mótið. Hvort
gengi liðsins dugar til að
Blanc fái nýjan samning skal
ósagt látið en ef ekki, ganga
sögusagnir um að forráða­
menn Tottenham hafi áhuga
að fá Frakkann til sín í stað
Harry Redknapp sem sagt
var upp störfum fyrir nokkru.
Alonso sigrar
á heimavelli
Ökuþórinn spænski Fern­
ando Alonso gerði sér lítið
fyrir og sigraði í Valencíu
kappakstrinum í Formúlu
1. Var keppnin stórmerki­
leg, en ekki síst kom öll­
um á óvart að Alonso,
sem hóf keppni á ellefta
ráspól, skyldi standa uppi
sem sigurvegari. Er þetta
fyrsti sigur Alonso á Spáni
í heil sex ár og heima­
menn trylltust þegar ljóst
var að hetjan þeirra hafði
sigurinn.
n Gylfi Þór segir dómgæsluna á Evrópumótinu almennt mjög góða
Lögðu Englendinga Ítalir fögnuðu að von gríðarlega í leikslok.