Dagblaðið Vísir - DV - 20.07.2011, Síða 10

10 | Fréttir 20. júlí 2011 Miðvikudagur
Allt á einum stað!
Bílaverkstæði | Dekkjaverkstæði | Smurstöð | Varahlutir
Þú færð fría olíusíu ef þú lætur
smyrja bílinn hjá okkur
Komdu með bílinn til okkar og
þú færð fría ástandsskoðun
Sigurbjörn Hjaltason, fyrrverandi
oddviti Kjósahrepps, hefur lagt fram
kæru til umhverfisráðuneytisins fyr­
ir meinta ólöglega förgun úrgangs
í flæðigryfju við álverið á Grundar­
tanga. Í bréfi sem hann sendi á ráðu­
neytið kvartar hann vegna viðbragða
Umhverfisstofnunar við umkvört­
unum hans. Hjá ráðuneytinu feng­
ust þær upplýsingar að málið væri til
skoðunar.
Kristján Geirsson, deildarstjóri
hjá Umhverfisstofnun, segir umrætt
svæði ekki vera á ábyrgð stofnunar­
innar og kveðst hafa sent erindi til
heilbrigðiseftirlitsins vegna málsins.
Hjá Heilbrigðiseftirliti Vesturlands
fengust þær upplýsingar að búið væri
að hreinsa til á svæðinu og því myndi
eftirlitið ekki aðhafast neitt frekar.
Ráðuneyti fylgi lögum
Sigurbjörn var í siglingu ásamt
tveimur öðrum í Hvalfirði í síðasta
mánuði þegar þeir urðu vitni að
urðun bíldekkja og annars úrgangs
í fjöru við flæðigryfju nálægt álveri
Norðuráls við Grundartanga. Þeir
tóku mynd af svæðinu og sendu
kvörtun á Umhverfisstofnun. Þaðan
fengust þær upplýsingar að svæð­
ið væri ekki á ábyrgð stofnunarinn­
ar þar sem það tilheyrði Faxaflóa­
höfnum. Sigurbjörn brást við með
því að senda kæru á umhverfisráðu­
neytið og kvarta vegna viðbragða
Umhverfis stofnunar sem honum
þótti ekki til eftirbreytni.
„Þetta er inni á starfssvæði álvers­
ins sem starfar undir leyfi frá Um­
hverfisstofnun,“ segir Sigurbjörn í
samtali við DV.
Eins og kemur fram í bréfinu sem
sent var til ráðuneytisins, hefur álver
Norðuráls við Grundartanga heimild
til að urða ákveðinn úrgang í flæði­
gryfju, en ekki endurvinnanlegan úr­
gang. Þá segir meðal annars þetta í
bréfinu:
„Jafnframt er ekki vitað að flæði­
gryfjan hafi sérstakt starfsleyfi sem
inniheldur heimild til urðunar á
sorpi, heldur er rekstur hennar inni
í starfsleyfi Norðuráls.“
Þá er vakin athygli á því að flæði­
gryfjan sem á að vera undir eftir­
liti Umhverfisstofnunar sé ekki sér­
staklega á skipulaginu. Í niðurlagi
bréfsins er þess krafist að ráðuneytið
sjái til þess að meðhöndlun úrgangs
og spilliefna á Grundartanga verði í
samræmi við þau lagaákvæði sem
um það gilda.
Á starfssvæði álvers
Kristján Geirsson, deildarstjóri hjá
Umhverfisstofnun, segir í sam­
tali við DV að svæðið á myndinni
sé ekki flæðigryfja og falli því ekki
undir starfsleyfi Umhverfisstofnun­
ar. Hann segir ennfremur að Um­
hverfisstofnun hafi áframsent erindi
Sigurbjörns til Heilbrigðiseftirlits
Vesturlands sem hefur málið á sinni
könnu. Aðspurður um hvort hann
hafi kynnt sér kæruna sem send
hefur verið á umhverfisráðuneytið
segist hann hafa séð hana og lagt
fram ákveðna punkta þar sem hann
svari gagnrýni Sigurbjörns.
„Það getur vel verið að flæði­
gryfjan sé á athafnasvæði Faxaflóa­
hafna en það breytir því ekki að hún
er á starfssvæði álversins og Um­
hverfisstofnun ber að hafa eftirlit
með henni,“ segir Sigurbjörn. Í fyrr­
greindu bréfi benti hann meðal ann­
ars á að skipulagsfulltrúi Hvalfjarðar­
sveitar hafi staðfest að umrædd
flæðigryfja sé notuð af Norðuráli.
Sigurbjörn kveðst ekki hafa heyrt frá
ráðuneytinu síðan hann sendi kær­
una frá sér en DV hefur fengið þær
upplýsingar að málið sé til skoðunar
hjá ráðuneytinu.
Ekki aðhafst frekar
Helgi Helgason, framkvæmdastjóri
Heilbrigðiseftirlits Vesturlands, segir
í samtali við DV að starfsmenn eftir­
litsins hafi farið í málið þegar það
kom inn á borð til þeirra. Þegar þeir
skoðuðu svæðið hafi verið búið að
hreinsa þar til. Hann staðfestir að úr­
gangurinn hafi verið við nýja flæði­
gryfju álversins.
„Þarna er leyfilegt að losa kerbrot
og annað sem talist getur spilliefni
en annar úrgangur á að fara á viður­
kenndan urðunarstað,“ segir hann.
Hann segir svæðið ekki sérstaklega
vaktað og því hafi einhverjir getað
laumast þar inn og losað úrgang.
„Við fórum þarna inn og sáum að
það var búið að hreinsa allt upp og
töldum þess vegna að við þyrftum
ekki að aðhafast frekar í málinu,“ seg­
ir Helgi.
„Mér finnst stærsta fréttin í þessu
vera sú hvernig þeir bregðast við,“ seg­
ir Sigurbjörn sem er afar óánægður
með viðbrögð Umhverfisstofnunar.
„Þeir sögðu mér að þetta svæði hefði
ekkert með álverið að gera en það
er bara ekki rétt. Þeir þekkja greini­
lega ekki aðstæður þarna. Og þó svo
að þetta væri ekki á vegum álversins
þá ætti Umhverfisstofnun samt sem
áður að bregðast við. Það hefur eng­
inn starfsleyfi fyrir urðun þarna.“
Sigurbjörn segir það vera lágmark
að Umhverfisstofnun fari eftir þeim
starfsleyfisskilyrðum sem stofnunin
hefur sjálf sett.
Ólögleg urðun Fyrrverandi oddviti Kjósahrepps varð vitni að ólöglegri urðun við flæði-
gryfju álversins á Grundartanga. Hann er óánægður með viðbrögð Umhverfisstofnunar.
n Fyrrverandi oddviti hefur kært ólöglega förgun úrgangs við álver n Óánægður
með vinnubrögð Umhverfisstofnunar n Umhverfisráðuneytið skoðar málið
Kærir ólöglega
förgun úrgangs
Jón Bjarki Magnússon
blaðamaður skrifar jonbjarki@dv.is
„Þetta er inni á
starfssvæði álvers-
ins sem starfar undir leyfi
frá Umhverfisstofnun.
Sæstrengur stór-
eykur gagnaflæði
Fyrirtækin Emerald Atlantis og Te
Subcom skrifuðu í gær undir samn­
ing um lagningu á nýjum sæstreng á
milli Íslands, Norður­Ameríku, Bret­
landseyja og meginlands Evrópu. Til
stendur að leggja strenginn á næsta
ári og mun hann gefa aukna mögu­
leika á hýsingu tölvugagna hér á landi.
Strengurinn verður sá fyrsti sinnar teg­
undar í heiminum og mun geta flutt
allt að 60.000 gígabæt á sekúndu. Um
strenginn mun fara umtalsverður hluti
af öllum gagnaflutningum sem fara
munu um sæstrengi í Atlantshafi. Sjáv­
arbotnsrannsóknir vegna verkefnis­
ins munu fara fram í ágúst á þessu ári
og áætlað er að lagning sæstrengsins
hefjist næsta sumar. Stefnt er að notk­
un hans geti hafist síðla árs 2012.
Mat Moody‘s
óbreytt
Matsfyrirtækið Moody‘s hefur ekki
breytt lánshæfismati sínu á íslenska
ríkinu. Fyrirtækið telur horfur í efna­
hagslífi enn neikvæðar þó að nokkur
árangur hafi náðst
í endurreisn efna­
hags landsins eftir
hrun. Vilji og geta
stjórnvalda til
þess að standa við
skuldbindingar
sínar veldur ekki
áhyggjum en þó
að Icesave­deilan hafi ekki haft jafn­
veigamikil áhrif á afdrif ríkisins eins
og óttast var er hún enn óleyst. Segir
í skýrslu fyrirtækisins að neikvæðar
horfur byggist aðallega á erfiðleikum
við endurskipulagningu skuldsettra
fyrirtækja hér á landi, lítilla fjárfestinga
og gjaldeyrishafta. Þótt nokkuð vel hafi
tekist að bæta fjárlagahalla seinustu
ára þurfi að halda fjárhagslegu aðhaldi
til streitu í allmörg ár til viðbótar ef rík­
ið eigi að ná tökum á skuldum sínum.
Þá er búist við að skuldir ríkisins lækki
eftir 2012. Lánshæfi ríkisins stendur
óbreytt í flokki Baa3.
Ögmundur
safnar gögnum
Ögmundur Jónasson innanríkis­
ráðherra segir ráðuneytið nú vera að
safna gögnum og skýrslum um Geir­
finnsmálið. Síðar verður metið hvort
tilefni sé til að skipa sérstaka nefnd
um málið eða hvort tilefni sé til að taka
málið upp fyrir dómstólum að nýju.
„Það er ríkur vilji til þess að láta kanna
þetta mál – og það hefur alla tíð verið
hjá mér líka,“ segir Ögmundur í sam­
tali við blaðamann um málið. Hann
vill ekki tjá sig sérstaklega um það
hvort sérstök nefnd verði skipuð vegna
málsins, en hann segir að leggja þurfi
mat á gögn í málinu, sem eru mörg,
áður en nánari ákvörðun verður tekin.
„Ég vil ekki tjá mig nánar um þetta mál
fyrr en ég hef fengið tækifæri til þess
að ígrunda það vel í ljósi þeirra gagna
sem við fáum.“