Dagblaðið Vísir - DV - 06.11.2013, Qupperneq 14

14 Neytendur 6. nóvember 2013 Miðvikudagur
Þvottaefni í
duftformi betra
Neytendablaðið segir frá danskri
könnun þarlenda neytenda­
blaðsins Tænk á gæðum fljótandi
þvottaefnis. Niðurstaðan er sú að
fljótandi þvottaefni þvoi ekki jafn
vel og þvottaefni í duftformi. Þær
gerðir fljótandi þvottaefna sem
komu skást út úr þessari könnun
reyndust innihalda mörg um­
deild efni, þar á meðal hormóna­
raskandi efni. Þá varð hvítur
þvottur í sumum tilvikum gráleitur.
Rannsakaðar voru átta
tegundir af fljótandi þvottaefni og
fékk ekkert þeirra góða einkunn.
Sjö fengu miðlungseinkunn en
ein var undir meðaleinkunn.
Nýtir allan
grænmetis-
afskurð
„Allan afskurð af grænmeti og
kryddi, sætum kartöflum, kart­
öflum, enda af lauk og hvít­
lauk, engiferafskurð og allt
slíkt, fullnýti ég. Ég geymi af­
skurðinn, skola vel og trekki
soð í súpur. Um leið og ég er
kominn með gott soð þarf ekk­
ert mikið til viðbótar svo að
súpan verði djúp og fín.“
Notaðu
minna sjampó
Snyrtivörur eins og sjampó eru
oft dýrar en margir hafa enga
löngun til að skipta yfir í ódýrari
tegundir þegar þeir hafa fund­
ið það sem þeim líkar. En það er
samt hægt að spara því margir
nota allt of mikið sjampó í hverj­
um þvotti en það er alveg nóg að
sjampóið myndi svolitla froðu
en hún þarf ekki að flæða út um
allt. Það er algjör óþarfi að þvo á
sér hárið daglega með sjampói,
flestir sérfræðingar segja nóg að
nota sjampó við hárþvott einu
sinni til tvisvar í viku þó það sé
þvegið með vatni og hársvörð­
urinn nuddaður daglega.
Sveinn Kjartansson
Matreiðslumaður í Borð-
stofunni, Hannesarholti.
Sparnaðarráð:
Verri þjónusta
hjá borginni
n Hagstæðara að velja einkafyrirtækin n Þriggja tunnu kerfið best
Á
síðustu árum hefur aukin
meðvitund um náttúruvernd
orðið til þess að fólk hefur far­
ið að flokka sorp frá heimil­
um sínum í auknum mæli.
Ýmis fyrirtæki hafa boðið upp á að
sækja flokkað sorp að heimilum fólks
en nýlega tók Reykjavíkurborg í gagn­
ið bláa sorptunnu, ætlaða fyrir papp­
ír og pappa. DV tók saman ýmsa val­
möguleika við sorpflokkun heima við
hús og bar saman verð og þjónustu.
Þriggja tunnu kerfi víða
Lögum samkvæmt ber sveitarfé­
lögum skylda til að sjá um almenna
sorphirðu og skulu þau sjá um að
starfræktar séu móttöku og söfnunar­
stöðvar fyrir úrgang. Þó getur sveitar­
stjórn sett sérstakar reglur um nánari
flokkun í sveitarfélaginu líkt og Blá
tunna Reykjavíkurborgar er dæmi um.
Önnur sveitarfélög hafa þó verið fyrri
til í flokkunarmálum og til að mynda
sinnir Íslenska gámafélagið sorphirðu
með svokölluðu þriggja tunnu kerfi í
Stykkishólmi, Hveragerði, Flóahreppi,
Skeiða­ og Gnúpverjahreppi, Skaftár­
hreppi, Fljótsdalshéraði, Fljótsdals­
hreppi og Fjallabyggð. Þriggja tunnu
kerfið byggist á hefðbundinni tunnu
undir heimilissorp, Brúnni tunnu
undir lífrænt sorp og Grænni tunnu
sem tekur við öllum pappír heimilis­
ins og pappa, plasti og minni málm­
hlutum. Ekki má setja rafhlöður í
Grænu tunnuna. Brúna tunnan er ein­
göngu í boði fyrir íbúa þeirra sveitar­
félaga sem hafa gert samning við Ís­
lenska gámafélagið og stærri fyrirtæki
á höfuðborgarsvæðinu, en Grænu
tunnuna geta allir pantað og kostar
hún 11.880 krónur á ári. Þriggja tunnu
kerfi er líka við lýði í Vestmannaeyjum
og sér Kubbur ehf. um sorphirðu þar.
Endurvinnslutunnan
tekur við rafhlöðum
Gámaþjónustan hf. hefur boðið upp
á Endurvinnslutunnuna í nokkur ár
en í hana má setja, auk pappírs og
pappa, plastumbúðir, málma og raf­
hlöður, en þær þurfa að vera í sér­
stökum poka. Endurvinnslutunnan
kostar 15.060 krónur á ári fyrir tunnu
sem tæmd er á fjögurra vikna fresti
en 9.792 krónur ef hún er tæmd á átta
vikna fresti.
Á Akureyri sér Gámaþjónusta
Norðurlands um sorphirðu en þar er
lífrænum úrgangi safnað frá heim­
ilum og fer hann í sérstakt innra ílát
sem hengt er inn í venjulegu sorp­
tunnuna. Sorphirðugjöld eru 25.400
á ári. Á Ísafirði er tveggja tunnu kerfi
þar sem annars vegar er safnað al­
mennu heimilissorpi en hins vegar
pappír og pappa, plasti og málmum.
Sorphirðugjöld eru innifalin í fast­
eignagjöldum.
Stefnt að jarð- og
gasgerðarstöð í Reykjavík
Aðspurð hvers vegna Blá tunna
Reykjavíkurborgar taki ekki við fleiri
flokkum til endurvinnslu segir Ey­
gerður Margrétardóttir, deildarstjóri
umhverfis­ og úrgangsstjórnunar hjá
Reykjavíkurborg, Bláu tunnuna fyrsta
stóra skref borgarinnar í endur­
vinnslumálum og flokkun heima við
hús, þó kallað hafi verið í auknum
mæli eftir fleiri flokkum. „Fólk hef­
ur nú þegar val um að skila flokkuð­
um úrgangi á endurvinnslustöðvar
Sorpu eða 56 grenndarstöðvar, víðs
vegar um borgina. Þar er ekki bara
tekið á móti pappír heldur líka plasti
og það vekur athygli að með auk­
inni meðvitund um flokkun á pappír
hafa skil á plasti aukist í grenndar­
gámana.“ Eygerður segir unnið að að­
gerðaráætlun í úrgangsmálum inn­
an Reykjavíkur fram til ársins 2020
og margir flokkar séu þar til skoðun­
ar, svo sem sér flokkun á plasti og sér
flokkun á lífrænum úrgangi. „Nýlega
var undirritað samkomulag með­
al eigenda Sorpu um byggingu jarð­
og gasgerðarstöðvar í Álfsnesi og gert
ráð fyrir að hún verði komin í gagn­
ið innan þriggja til fimm ára,“ segir
hún og bætir við að ekki sé ljóst hvort
gert verði ráð fyrir flokkun heima við
hús eða hvort leitað verði tæknilegra
lausna við flokkun í móttökustöð. n
Auður Alfífa Ketilsdóttir
blaðamaður skrifar fifa@dv.is
Blá tunna
(Reykjavíkurborg)
Losunartíðni:
Á 20 daga fresti
Verð á ári:
6.500
Endurvinnslu-
tunnan
(Gámaþjónustan)
Losunartíðni:
Á 30 daga fresti
Verð á ári:
15.060
Græna tunnan
(Íslenska gámafélagið)
Losunartíðni:
Á 30 daga fresti
Verð á ári:
11.880
Heimajarð-
gerð lítið mál
n Loftun lykilatriði
Þó fæst sveitarfélög bjóði upp á að sækja
lífrænan úrgang heim í hús er lítill vandi að
hefja jarðgerð heima. Mörg fyrirtæki selja
einangraðar tunnur þar sem niðurbrot er
frekar hratt en líka er hægt að stunda jarð-
gerð í þrískiptum kössum án einangrunar.
Mikilvægt er að tryggja að vel lofti um
úrganginn og hræra í haugnum reglulega.
Mismunandi tunnur
Blá tunna Reykjavíkurborgar
er losuð á 20 daga fresti og
kostar 6.500 krónur á ári.
Maíspokar
fást víða
n Líka hægt að nota dagblöð
Í flestum verslunum er hægt að fá
sér staka poka búna til úr maís undir líf-
rænan úrgang. Pokinn er eins og plast-
poki að öðru leyti en því að í safnhaugn-
um grotnar hann niður mjög hratt.
Þannig er hægt að losna við subbuskap
sem mörgum þykir fylgja jarðgerðinni.
Önnur leið er að fóðra skálina undir
matarleifar með dagblöðum og henda
þeim með í safnhauginn.
Slysahætta
n Ekki setja gler í
endurvinnslutunnur
Gler er endurunnið á Íslandi en vegna
slysahættu við flokkun á endurvinnslu-
stöðvum má hvorki setja gler í Endur-
vinnslutunnu Gámaþjónustunnar né
Græna tunnu Íslenska gámafélagsins.
Gleri má skila á allar endurvinnslu-
stöðvar.