Hagskýrslur um utanríkisverslun - 1924, Page 10

6
Verslunarsktfrslur 1921
þannig að skýrslurnar koma síðar til hagstofunnar en ráð er fyrir gert.
Hitt er þó lakara, að á samanburði við farmskrárnar sjest, að allvíða
vantar töluvert í skýrslurnar og sumstaðar jafnvel mjög mikið, sem þá
verður að krefja inn eftir á, og veldur það æfinlega miklum drætti, enda
miklu erfiðara að ná í skýrslurnar hjá skýrslugefendum, þegar þær eru
ekki teknar strax. Þar sem mestur dráttur hefur orðið á sendingu við-
bótarskýrslna, hefur hagstofan ekki getað beðið eftir þeim, heldur bætt
þeim við sjálf eftir farmskránum með áætluðu verði. Mest brögð hafa
orðið að þessum innheimtuörðugleikum fyrsta árið. Síðan hefur innheimtan
batnað nokkuð, þótt enn vanti allmikið á að vel sje.
Verslunarskýrslurnar birtast hjer í líku sniði eins og að undan-
förnu, en þó með nokkrum breytingum. Sundurliðun vörutegundanna
hefur verið endurskoðuð. Flokkaskiftingunni hefur verið haldið óbreyttri,
en flokkunum skift í fleiri undirflokka og vörutegundum fjölgað. I stað
þess að innfluttar vörur voru áður greindar í hjerumbil 400 tegundir eru
þær nú greindar í rúmlega 800 tegundir. Þá hefur og verið bætt við
einni nýrri töflu, (töflu V). Er þar við hvert land tilgreint magn og verð
þeirra vörutegunda, sem mestu nema í viðskiftunum við það land. Þrátt
fyrir þessa viðbót og fjölgun vörutegundanna er skýrsluheftið af líkri
stærð eins og að undanförnu. Stafar það af því, að slept hefur verið
töflu um aðfluttar og útfluttar vörur til og frá Reykjavík sjerstaklega og
að tafla IV hefur verið dregin saman, bæði þannig að slept hefur verið
úr henni þeim vörutegundum, sem ekki ná 1000 kr., og að fyrirkomu-
lagi hennar hefur verið breytt þannig, að hún rúmast töluvert betur
en áður.
Að skýrslur þessar eru svo síðbúnar stafar að miklu leyti af ástæð-
um þeim, sem áður voru nefndar, viðvíkjandi innheimtu þeirra, en auk
þess hefur breytingin á formi þeirra valdið nokkrum töfum að þessu
sinni. Skýrslurnar fyrir næsta ár á eftir eru nú fullbúnar til prentunar
og koma því bráðlega út.
Bráðabirgðayfirlit um verslunarskýrslurnar 1921 hafa áður verið
gefin út fyrir hvern ársfjórðung sjerstaklega.
Hagstofa íslands í desember 1924.
Þorsteinn Þorsteinsson.