Dagblaðið Vísir - DV - 25.11.2013, Blaðsíða 6

6 Fréttir 25. nóvember 2013 Mánudagur
Kasparov
til Íslands
Gary Kasparov, fyrrverandi
heimsmeistari í skák, mun verða
gestur á skákmótinu Reykjavík
Open sem haldið verður í mars á
næsta ári. Líkur eru á að heim­
sóknin sé liður í kosningaherferð
Kasparov, en hann er í framboði
til embættis formanns Alþjóða
skáksambandsins, FIDE. Búist er
við því að hann verði sýnilegur á
alþjóðlegum skákmótum á næsta
ári. Ekki liggur fyrir hvort hann
ætli að tefla sjálfur þegar hann
kemur, en það mun tíminn leiða í
ljós segja aðstandendur mótsins.
Segja má að Kasparov sé
Íslandsvinur, en hann hef­
ur heimsótt landið nokkrum
sinnum. Hann var hér árið 1988
á heimsmeistaramótinu í skák
og árið 2004 var hann hér á landi
og hitti Magnus Carlsen, en á
föstudag varð sá síðarnefndi
heimsmeistari í skák.
Íhuga framboð
í Reykjavík
Píratar ákváðu á félagsfundi á
fimmtudag að stofna sérstakt
aðildarfélag í Reykjavík og var kos­
inn hópur sem mun fá 30 daga til
að undirbúa stofnfund aðildar­
félags í Reykjavík. Þegar stofn­
fundur verður haldinn verður tek­
in ákvörðun um framboð flokksins
í Reykjavík. Samkvæmt könnun
sem birt var á föstudag nýtur
flokkurinn um 10 prósenta fylgis í
Reykjavík, en Morgunblaðið kann­
aði hug kjósenda í Reykjavík til
flokka í borginni.
Vill ennþá
fá ísbjörn
Jón Gnarr borgarstjóri segir að
eitt umtalaðasta stefnumál Besta
flokksins – ísbjörn í Húsdýra­
garðinn – sé enn á dagskránni.
„Ég vildi það í alvöru og ég vil
það í alvöru ennþá,“ sagði Jón
Gnarr í viðtali við Gísla Martein
Baldursson í þættinum Sunnu­
dagsmorgun. „En það er bara
ekki alveg í mínu valdi. Ríkið
heldur áfram að drepa þessi dýr
sem koma hérna til landsins, og
hefur ekkert verið til umræðu um
að skoða neinar aðrar lausnir, og
ég get haldið langar ræður um
þetta,“ sagði Jón. „En ég myndi
vilja sjá aðstöðu í Húsdýragarðin­
um þar sem að hægt væri að vera
með ísbjörn.“
SkattaafSlættir
fyrir Skuldara
n „Hrægammasjóðirnir“ standi ekki einir undir niðurfellingum
H
rægammasjóðir“, kröfuhafar
íslensku bankanna sem
hrundu, koma ekki til með
að borga niður skuldaniður­
fellingu sem ríkisstjórnin
ætlar að ráðast í nema að hluta ef
marka má ræðu Sigmundar Davíðs
Gunnlaugssonar, forsætisráðherra,
frá því um helgina. Þar boðaði hann
blandaða leið niðurfellinga þar sem
skattkerfið yrði notað, líkt og Sjálf­
stæðismenn vildu gera fyrir kosn­
ingar. Þær hugmyndir ganga út á að
veita afslátt frá skattgreiðslum til að
borga inn á fasteignalán. Hugmynd­
ir Sjálfstæðismanna gerðu líka ráð
fyrir að mótframlag launagreiðenda
í séreignarsparnað geti farið í niður­
greiðslu fasteignalána gegn því að það
yrði skattfrjálst. Ekki liggur fyrir hversu
miklum tekjum ríkið yrði af ef þessi
leið yrði farin.
Hugmyndirnar liggja ekki fyrir
Framsóknarmenn hafa frá kosningum
alltaf gert ráð fyrir að sérstök sér­
fræðinganefnd finni út hvaða leiðir
séu færar til að fella niður verðtryggð­
ar skuldir íslenskra heimila. Sú nefnd
var skipuð í haust undir forystu Sig­
urðar Hannessonar stærðfræðings og
er að vænta tillagna hópsins í næstu
viku. Auk þess var Hagstofu Íslands
veitt heimild til að gera ítarlega úttekt
á skuldastöðu þjóðarinnar miðað við
upplýsingar úr fjármálafyrirtækjum
og lánasjóðum, að þeim sem eru í
slitameðferð meðtöldum, til að kanna
hverjir það eru sem raunverulega
þurfa á slíkri aðgerð að halda. Þrátt
fyrir að þessi vinna klárist ekki fyrr en
á næsta ári og tillögur sérfræðinganna
séu ekki ljósar fyrr en í næstu viku
er vinna þegar hafin í forsætisráðu­
neytinu að lagafrumvarpi um skulda­
niðurfellingarnar. Ekki liggur fyrir á
hverju slík vinna byggir en ljóstrað var
upp um hana í skýrslu sem forsætis­
ráðherra flutti á Alþingi nýverið.
DV hefur áður greint frá því að
titrings gæti á meðal sjálfstæðismanna
vegna mikilla og stórra loforða fram­
sóknarmanna um skuldaniðurfell­
ingar í aðdraganda kosninganna.
Sjálfstæðismenn hafa ekki viljað fella
niður þessar skuldir heldur frekar búa
til einhvers konar hvata fyrir fólk til
að greiða niður skuldirnar sjálft, eins
og skattaafslættirnir ganga út á. Sjálf­
stæðismenn hafa einnig lagt upp úr
því að nota svigrúm sem getur mynd­
ast við uppgjör gömlu bankanna til að
slá á gríðarháar skuldir ríkissjóðs en
ekki til að greiða niður skuldir þeirra
sem tóku fasteignalán fyrir hrun. Nýj­
ar hugmyndir Sigmundar Davíðs eru
til þess fallnar að róa sjálfstæðismenn.
Lofuðu 20 prósentum
Framsóknarmenn hafa síðan 2009
alltaf lofað 20 prósenta flatri skulda­
niðurfellingu. Frá því að flokkurinn
náði sögulegum árangri í síðustu Al­
þingiskosningum hafa leiðtogar hans
hins vegar reynt að draga í land og
jafnvel neitað að 20 prósenta lof­
orðið hafi enn verið til staðar. Flokk­
urinn hefur frá hruni talað um 20 pró­
senta skuldaniðurfellingu. Málið var
aðalkosningamál Framsóknar fyrir
kosningarnar 2009 og hefur loforðið
aldrei breyst. Á flokksþingi bæði 2013
og 2011 er alltaf vísað í fyrri tillögur
flokksins um lausnir á skuldavand­
anum. „Framsóknarflokkurinn hefur
lagt fram ítarlegar tillögur til lausnar
skuldavanda heimila,“ sagði í ályktun­
um flokksþinganna.
Frá kosningunum 2009 hefur
flokkurinn tvisvar lagt fram aðgerð­
aráætlun; Þjóðarsátt 2010 og Plan B.
Í hvorugri áætluninni er gefið nokk­
uð annað til kynna en að stefna flokks­
ins frá 2009 um 20 prósenta almenna
skuldaniðurfellingu sé enn það sem
flokkurinn vilji þó að opnað sé á að
skoða tillögur annarra flokka í Plani
B. Strax að loknum kosningum var þó
byrjað að tala um að flokkurinn hefði
ekki lofað 20 prósenta niðurfellingu
fyrir þessar kosningar og farið að tala
um aðrar leiðir.
Þriðja leiðin nefnd
Stjórnarsáttmálinn fjallar sérstaklega
um aðgerðir til aðstoðar skuldugum
heimilum og er það talið eitt af
grundvallarmarkmiðum ríkisstjórn­
arinnar. Þar eru, líkt og Sigmundur
Davíð nefndi í ræðu sinni á laugar­
dag, talað bæði um beina höfuð­
stólslækkun og skattalegar aðgerðir.
„Grunnviðmiðið er að ná fram leið­
réttingu vegna verðbólguskots ár­
anna 2007–2010 en í því augnamiði
má beita bæði beinni niðurfærslu
höfuðstóls og skattalegum aðgerð­
um,“ segir í stjórnarsáttmála Fram­
sóknarflokks og Sjálfstæðisflokks frá
því í sumar.
Athygli vakti þegar stjórnarsátt­
málinn var birtur að búið var að taka
upp eitt helsta kosningamál Hægri
grænna, sem ekki náði nægu fylgi
til að ná manni á þing. Í kaflanum
um skuldamál heimilanna var opn­
að á að setja á fót sérstakan leið­
réttingarsjóð til að hreinlega gleypa
verðtryggðar skuldir heimilanna og
gefa út ný lán í staðinn með leið­
réttingu. „Ríkisstjórnin heldur þeim
möguleika opnum að stofna sérstak­
an leiðréttingarsjóð til að ná mark­
miðum sínum,“ segir í sáttmálanum.
Spenna í loftinu
Ljóst er að margir bíða spenntir eftir
að sjá hvaða aðgerðir ríkisstjórnin
mun ráðast í til aðstoðar skuldugum
heimilum. Stjórnin – sérstaklega
Framsóknarflokkurinn – hefur þurft
að takast á við mikla gagnrýni vegna
óefndra loforða um skuldaleið­
réttingu. Stuðningur við Fram­
sóknarflokkinn hefur hrunið í skoð­
anakönnunum, sem og stuðningur
við ríkisstjórnina. Flestir stjórnmála­
spekingar hafa tengt fylgishrunið og
loforð um miklar skuldaniðurfell­
ingar saman. Sjálfur hefur Sigmund­
ur Davíð gagnrýnt gagnrýnend­
ur sína fyrir neikvæðni og fullyrt að
staðið verði við kosningaloforðin.
„Munum uppfylla öll þau fyrirheit
sem við höfum gefið. Við ætlum að
leiðrétta fyrir sérstökum verðbólgu­
áhrifum sem bankarnir bjuggu til,“
sagði hann í ræðunni um helgina. n
Aðalsteinn Kjartansson
blaðamaður skrifar adalsteinn@dv.is
Fá málið Vinna við lagafrumvarp um skuldaniðurfellinguna er byrjuð í forsætisráðu-
neytinu. Þingið mun fá frumvarpið til afgreiðslu þegar það er tilbúið. Mynd Sigtryggur Ari
„Fram sóknar­
flokkurinn hefur
lagt fram ítarlegar
tillögur til lausnar
skuldavanda heimila
Skattaafslættir Bjarni Benediktsson,
formaður Sjálfstæðisflokksins, talaði fyrir
skattaafslætti fyrir skuldug heimili í stað
niðurfellinga. Nú virðist ríkisstjórnin stefna
í þá átt. Mynd Sigtryggur Ari