Hagskýrslur um atvinnuveg - 01.02.1991, Blaðsíða 191
Viðauki 1
15) Reiknuð eigin laun (Calculaied owners income
in unincorporated establishments)
Þetta er það reiknaða endurgjald sem maður, er vinnur við eigin atvinnurekstur
eða sjálfstæða starfsemi, skal telja sér til tekna samkvæmt ákvæðum skattalaga, en
samkvæmt ákvæðum skattalaga skal eigandi telja sér til tekna sambærilegt endurgjald
fyrir starf sitt og hann hefði innt það af hendi fyrir óskyldan eða ótengdan aðila.
16) Rekstrartekjur (Revenues)
Rekstrartekjur atvinnugreinar eru heildartekjur af reglulegri starfsemi, og eru þær
á verði frá framleiðanda (producers’ value). Það þýðir, að í verði vðrunnar eða
þjónustunnar eru meðtaldir þeir óbeinu skattar, sem á hana leggjast hjá framleiðanda
að frádregnum sðluskatti. í skýrslunni er tekjum skipt í sölu, birgðabreytingu
fullunninna vara og aðrar tekjur.
17) Tekju- og eignaskattar (Income and net wealth taxes)
Hér er alla jafna átt við reiknaða skatta viðkomandi rekstrarárs, sem lagðir eru á
ári síðar.
18) Veltufjárhlutfall (Current ratio)
Veltufjárhlutfall sýnir hlutfallið milli veltufjármuna og skammvinnra skulda
samkvæmt efnahagsreikningi. Því er ætlað að gefa vísbendingu um greiðsluhæfi
atvinnugreinar.
19) Verðbreytingafœrslur, vextir o.fl.
(Adjustments for inflation, interest etc.)
Þessi liður skiptist í eftirfarandi þætti.
Vaxtatekjur og verðbætur
Vaxtagjðld, verðbætur og gengismun
Verðbreytingafærslu til tekna
Verðbreytingafærslu til gjalda
Fenginn arð af hlutabréfum
20) Verg hlutdeild f jármagns
(Gross operating surplus)
Hagnaður fyrir vexti, verðbreytingafærslu og afskriftir, en að teknu tilliti til
verðleiðréttingar birgða.
21) Vergur rekstrarafgangur (Gross operating surplus)
Hagnaður fyrir vexti, verðbreytingafærslu og afskriftir en að teknu tilliti til
verðleiðréttingar birgða. Reiknuð eigin laun hafa ekki verið dregin frá.
22) Vinnsluvirði (Value added)
Vinnsluvirði er hin eiginlega framleiðsla i skilningi þjóðhagsreikninga, sem
skilgreina má með tvennum hætti. Annars vegar sem mismun rekstrartekna og aðfanga,
* en hins vegar sem summuna af rekstrarafgangi, launum og afskriftum. Summa
vinnsluvirðis fyrir atvinnugreinar i landinu er jöfn vergri landsframleiðslu, sem ýmist
getur verið á markaðsvirði eða tekjuvirði, eftir þvi hvort óbeinir skattar að frádregnum
framleiðslustyrkjum eru meðtaldir eða ekki. Á tekjuvirði samanstendur vinnsluvirðið af
launum, afskriftum og rekstrarafgangi, og er þá nefnt vergar þáttatekjur (gross factor
income).
189