Dagblaðið Vísir - DV - 01.10.2008, Side 8

InnlendarfréttIr
ritstjorn@dv.is
miðvikudagur 1. október 20088 fréttir
Tekinn með fjög-
ur kíló af kókaíni
Tuttugu og fjögurra ára Ís-
lendingur er í haldi lögreglunnar
í Barcelona á Spáni eftir tilraun
til að smygla eiturlyfjum inn í
landið. Alþjóðadeild ríkislög-
reglustjóra staðfesti þetta við DV.
Samkvæmt upplýsingum DV
var maðurinn með fjögur kíló af
kókaíni í fórum sínum en efnin
faldi hann í fölskum botni ferða-
tösku. Tollverðir á flugvellinum
í Barcelona veittu botninum eft-
irtekt og fundu efnin við nánari
leit. Lögreglan á Spáni vill ekkert
tjá sig um málið en staðfesti þó
að Íslendingur væri í haldi.
Ólafur kemur í
stað Jóhanns
Ólafur K. Ólafsson, lög-
reglustjóri og sýslumaður
Snæfellinga, hefur verið sett-
ur lögreglustjóri á Suðurnesj-
um frá 1. október til ára-
móta. Jafnframt hefur Jón F.
Bjartmarz, yfirlögregluþjónn
hjá ríkislögreglustjóra, verið
settur aðstoðarlögreglustjóri
embættisins og Halldóri
Halldórssyni, fjármálastjóra
lögreglunnar á höfuðborgar-
svæðinu, verið falið að taka
að sér fjármálastjórn þess til
sama tíma.
Embætti lögreglustjórans
á Suðurnesjum verður aug-
lýst til umsóknar og veitt frá
og með næstu áramótum.
Sigurður fær ekki
að verja Jón
Hæstiréttur hefur staðfest
úrskurð Héraðsdóms Reykja-
víkur þess efnis að Sigurður G.
Guðjónsson fái ekki að vera verj-
andi Jóns Ólafssonar. Jón hefur
sem kunnugt verið ákærður fyrir
stórfelld skattsvik en honum er
gefið að sök að hafa stungið um
360 milljónum króna undan
skatti.
Ástæða þess að Sigurður fékk
að ekki verja Jón er sú
að taldar voru líkur á
því að Sigurður yrði
kallaður fyrir sem
vitni. Sigurður er
fyrrverandi stjórn-
armaður Norður-
ljósa samskiptafélags
hf., Skífunnar hf. og
Íslenska útvarpsfé-
lagsins hf. en fé-
lögin voru í eigu
Jóns Ólafssonar.
HélT að allT væri dauTT
„Miðað við hvernig ástandið er
í dag á fjármálamörkuðum er ég
ekkert gríðarlega spenntur að fara
í fjárfestingar í búfénaði,“ segir
Ágúst Rúnarsson, bóndi á Vestra-
Fíflholti í Landeyjum. Hann
missti hundrað og fjörutíu naut-
gripi í eldsvoða í fyrrinótt. Tjón-
ið er gríðarlegt fyrir bóndann,
bæði vegna fallinna nautgripa og
skemmda á fjósinu.
Tilkynnt var um eldinn klukk-
an 7.10 í gærmorgun. Vegfarandi
sem sá reyk frá útihúsinu frá veg-
inum hringdi í Neyðarlínuna.
Slökkviliðið var komið á vettvang
um tíu mínútum síðar og gekk
slökkvistarf ágætlega.
Tjónið er gríðarlega mikið
„Ég var sofandi og vaknaði um
sjöleytið og sá reyk frá útihúsinu,
ég hringdi í Neyðarlínuna sem var
þegar búin að ræsa út bílana eft-
ir að vegfarandi hafði séð reyk. Ég
hljóp að húsinu sem var alelda. Ég
gat ekki ímyndað mér annað en
allt væri dautt því eldurinn var úti
um allt,“ segir Ágúst. Fljótlega eftir
að hann varð eldsins var sá hann
þó að einhver dýr voru lifandi og
hófust þá björgunaraðgerðir.
„Það voru um sextíu nautgrip-
ir sem sluppu lifandi úr þessum
bruna, það þurfti síðan að aflífa
einhverja þrjá kálfa sem voru með
reykeitrun,“ segir Ágúst. „Þetta
tjón hleypur á tugum milljóna,
en ég er ekkert farinn að spá í það
neitt núna. Næsta skref hjá mér
er að hreinsa þetta til, þegar leyfi
fæst fyrir því.“
Aðspurður hvort hann hafi ver-
ið tryggður fyrir brunanum seg-
ir Ágúst að hann hafi verið með
brunaskyldutryggingu fyrir hús-
ið og með landbúnaðartryggingu
fyrir dýrin en eigi eftir að skoða
það betur.
Þrjá tíma að slökkva eldinn
500 fermetra fjós brann og
er algjörlega ónýtt en 900 fer-
metra fjárhús við hliðina á fjós-
inu skemmdist lítillega í fyrrinótt.
Gunnar Eyjólfsson, varðstjóri
Brunavarna Rangárvallasýslu,
segir að slökkvistarfið hafi geng-
ið vonum framar. „Eldurinn var
búinn að læsa sig í þakplötur og
milliveggi þegar við komum á
staðinn, hluti af liðinu réðst á eld-
inn en hinn fór í að bjarga naut-
gripum.“
Fimmtán slökkviliðsmenn
börðust við eldinn og tók slökkvi-
starfið tæpa þrjá tíma að sögn
Gunnars. Lögreglumaður sem var
á staðnum þegar blaðmann bar
að sagði að gripirnir sem brunnu
inni væru ekki vanir því að vera úti
og fái hræðslukast þannig að þeir
Boði logason
blaðamaður skrifar bodi@dv.is
„Það tók gríðarlega
vinnu að koma upp
þessum bústofni, það
kostaði gríðarlega
vinnu og mikla pen-
inga.“
verði stjarfir. Hann benti einnig
á að svona dýr kafni yfirleitt við
svona mikinn reyk þannig að þau
hafi ekki kvalist mikið í hitanum
sem myndaðist í fjósinu.
langt ferli sem brann
Ágúst segir að gripirnir sem
brunnu inni væru uppistaðan í
bústofninum. „Það tók gríðar-
lega vinnu að koma upp þess-
um bústofni, það kostaði gríðar-
lega vinnu og mikla peninga og
núna var þetta fyrst farið að rúlla
nautgripirnir þjáðust ekki
Þegar mikill reykur er í litlu rými
kafna nautgripirnir fljótlega.
Þrír kálfar fengu reykeitrun dýralæknir
aflífaði þrjá kálfa sem lifðu brunann af.
Ágúst Rúnarsson, bóndi á Vestra-Fíflholti í
landeyjum Ágúst hringdi í neyðarlínuna um
klukkan sjö en þá hafði vegfarandi
þegar hringt á lögregluna.
MYnDiR gUnnaR gUnnaRsson
Tvíhliða
munstur
Eykur grip-
öryggi og
stuðlar að
betri aksturs-
eiginleikum
við hemlun
og í beygjum
Bylgjótt mynstur
Til að tryggja betra
veggrip
Þrívíðir gripkubbar
Zik-Zak lóðrétt lögun kubbanna
tryggir minni hreyfingu á þeim
og aukna rásfestu
Tennt brún
Eykur
gripöryggi
Stærri snertiflötur - aukið öryggi
30 daga eða 800 km skilaréttur
Svo sannfærðir erum við um kosti TOYO harðskeljadekkjanna að við bjóðum 800 km
eða 30 daga skilarétt ef þið eruð ekki fullkomlega sátt. Andvirðið gengur þá að fullu til
kaupa á öðrum hefðbundnum vetrar- eða nagladekkjum hjá okkur, við umfelgum fyrir
þig hratt og örugglega.