Lögmannablaðið - 01.12.2004, Blaðsíða 35

Fréttir frá félagsdeild
35
Rómarferð
Hinn síkáti skemmtanastjóri félagsdeildar er
ennþá glaðari en venjulega. Ástæðan er hin vel
heppnaða Rómarför með 60 lög-
mönnum og fylgdarliði í lok haust-
mánaðar. Ferðasagan er sögð á
öðrum stað í blaðinu auk þess sem
slæðusýning er í félagsdeildarhluta á
heimasíðu LMFÍ. Ég vil nota tæki-
færið og þakka samferðamönnum
fyrir skemmtilega ferð og Guðjóni
Rúnarssyni lögmanni fyrir alla
aðstoðina við skipulagningu ferðar-
innar og á vettvangi.
Námskeið
Námskeið haustannar hafa gengið ágætlega.
Tekin var upp sú nýbreytni að bjóða upp á kajak-
námskeið og dönskunámskeið (ath: ekki saman
þannig að töluð væri danska á kajak!) en ekki
var nóg þátttaka til að halda þau. Einnig var hætt
við námskeið í gerð grænmetisrétta og ljós-
myndun en námskeið um Jónsbók og íslenska
réttarsögu, með Má Jónssyni prófessor við sagn-
fræðideild Háskóla Íslands sem kennara, heppn-
aðist afar vel. Það námskeið var haldið í tilefni
af nýrri útgáfu Jónsbókar en hluti hennar, sem er
frá 1281, er enn í gildi og ákvæði úr henni svo til
árlega notuð við dóma.
Þrátt fyrir misgóðar undirtektir við tilrauna-
starfsemi félagsdeildar í framboði námskeiða
verður ekki látið deigan síga. Það er hollt að líta
upp úr amstri hversdagsleikans og gera eitthvað
skemmtilegt! Fagleg námskeið haustannar voru
þrjú að þessu sinni: Útlendingaréttur, ábyrgð sér-
fræðinga og starfsábyrgðartryggingar og Hug-
verkaréttur. Félagsdeildin stóð síðan fyrir nám-
skeiði í framsögn og fjölmiðlum fyrir konur í
samstarfi við Félag kvenna í lögmennsku.
Flestar konur þurfa að huga að raddbeitingu með
öðrum hætti en karlar og það er alþekkt að konur
eru tregari til að koma fram í fjölmiðlum en
karlar. Verið var að reyna að taka á þessu en ágæt
þátttaka var á námskeiðinu. Félags-
deild hefur svo gert samning við
tölvunám.is um afslátt af tölvunám-
skeiðum á netinu en þau eru bráð-
sniðug.
LÖGMANNALISTINN
Félagsdeild hefur nú látið þýða
LÖGMANNALISTANN yfir á
þýsku, frönsku, spænsku, pólsku,
serbnesku og tælensku en fyrir var
listinn á íslensku, ensku og dönsku.
Einnig er búið að útbúa kynningarbækling á
þessum tungumálum til að dreifa í sendiráð, lög-
reglustöðvar, til ræðismanna og á alla þá staði
sem hugsast getur að útlendingar séu staðsettir.
Talning á heimasíðu LMFÍ sýnir að hún er að
mestu notuð til að leita að lögmönnum og þýðing
á þessi tungumál, sem auk dreifingar kynningar-
bæklings, mun væntanlega auka þessa umferð
ennþá meira. Þeir sem ekki eru kunnugir LÖG-
MANNALISTANUM er bent á að fara á heima-
síðu LMFÍ, www.lmfi.is þar sem þeir geta séð
hvernig þetta virkar.
L Ö G M A N N A B L A Ð I Ð
Eyrún Ingadóttir
SKRIFSTOFUHERBERGI TIL LEIGU
Skrifstofuherbergi til leigu hjá Lögmannsstofunni
Skeifunni 11a, Reykjavík.
Áhugasamir hafi samband við Kristínu Briem eða Steinunni Guðbjartsdóttur
í síma 568 8640.