Lögmannablaðið - 01.06.2004, Blaðsíða 6

6
Úrskurðarnefnd lögmanna hefur starfað
frá árinu 1999 en fyrir þann tíma var
það verkefni stjórnar LMFÍ að afgreiða
ágreiningsmál um þóknun lögmanna og
erindi sem fólu í sér kvörtun á hendur
lögmönnum.
Hlutverk úrskurðarnefndarinnar er að
fjalla um ágreining sem verður milli
lögmanns og umbjóðanda hans um
þóknun og um kvartanir á hendur
lögmönnum frá aðilum vegna háttsemi,
sem kann að stríða gegn lögum eða
siðareglum LMFÍ. Þá fjallar nefndin um
erindi sem stjórn LMFÍ sendir henni skv.
3.mgr. 43.gr. siðareglna lögmanna.
Nefndin heldur reglulega fundi einu sinni
í mánuði yfir vetrartímann og að jafnaði
hafa rúmlega 40 mál borist nefndinni á
ári. Formaður nefndarinnar frá upphafi
hefur verið Gestur Jónsson hrl., en hann
er skipaður af Hæstarétti Íslands.
Lögmannablaðið lagði nokkrar
spurningar fyrir Gest Jónsson um starf
nefndarinnar.
Ekki eru allir lögmenn á eitt sáttir um að þörf sé
á sérstakri nefnd til þess að fjalla um ágreinings-
efni þeirra við skjólstæðinga sína. Hvaða rök
telur þú að séu fyrir tilvist úrskurðarnefndar
lögmanna?
Þetta er auðvitað álitamál og þær raddir heyrast
að nefndin sé óþörf. Tilvist hennar er hins vegar
nátengd hugmyndinni um sjálfstæði lögmanna-
stéttarinnar og eftirlitshlutverki lögmannafélags-
ins með störfum lögmanna. Úrskurðarvaldið var
áður hjá félaginu sjálfu eða stjórn þess en með
lögmannalögunum frá 1998 var það flutt til þess-
arar sjálfstæðu nefndar þar sem lögmenn tilnefna
tvo af fimm nefndarmönnum.
LMFÍ skipar tvo nefndarmenn af fimm en auk
þess skipa dómsmálaráðherra, Dómarafélag
Íslands og Hæstiréttur Íslands hvert einn full-
trúa. Kemur fyrir að nefndarmenn séu ekki sam-
mála um niðurstöðu mála eftir því hvernig þeir
koma að nefndinni?
Það er algengt að mismunandi sjónarmið komi
fram á fundum nefndarinnar. Vissulega má
stundum greina ólíka nálgun nefndarmanna eftir
því hvaðan þeir koma, ef svo má segja. Reynslan
sýnir hins vegar að nánast undantekningarlaust
næst samhljóða niðurstaða innan nefndarinnar og
ég held að ég hafi aldrei setið í máli þar sem
nefndin hefur klofnað.
Nú afgreiddi nefndin 38 mál árið 2003 en af
þeim voru 19 sem lauk með sýknu, þ.e. ekki var
talið að kvörtun væri réttmæt, telur þú að „kvört-
unarleiðin“ sé of opin?
Það er viss hætta á því að svo opið úrræði sem
þessi kvörtunarleið er leiði til þess að það verði
2 / 2 0 0 4
„Kröfur
viðskiptamanna lögmanna
til fagmennsku hafa vaxið“
Viðtal við Gest Jónsson hrl., formann
úrskurðarnefndar lögmanna