Lögmannablaðið - 01.06.2004, Qupperneq 31

31L Ö G M A N N A B L A Ð I Ð
Norræna málflutningskeppnin:
Málflutningsklúbburinn Lög-
berg með hæstu stig fyrir
greinargerð varnar
Norræna málflutningskeppnin er nú haldin í
20. sinn og fer hún fram í Reykjavík dagana 11. til
13. júní. Væntanlegir eru 70 laganemar, lögmenn
og aðrir lögfræðingar úr málflutningsklúbbum,
sem keppa munu í dómhúsi héraðsdóms Reykja-
víkur við Lækjartorg 12. júní og í dómhúsi
Hæstaréttar 13. júní. Dómendur eru dómarar við
Mannréttindadómstól Evrópu og hæstaréttardóm-
arar frá öllum Norðurlöndunum. Málflutnings-
liðin hafa skilað greinargerðum og gefnar hafa
verið einkunnir fyrir þær. Að þessu sinni voru
íslenski málflutningklúbburinn, Club Lögberg, og
klúbburinn frá Bergen með hæstu samanlögðu
stigin og Club Lögberg með hæstu einkunn fyrir
greinargerð varnar. Málflutningurinn í Héraðs-
dómi Reykjavíkur laugardaginn 12. júní er öllum
opinn.
Námsferð
til Rómar
6.-10. október 2004
Félagsdeild LMFÍ efnir til námsferðar til
Rómar dagana 6.-10. október 2004.
Að þessu sinni verður námsferðin með
sögulegu ívafi á slóðum Rómverja og
Rómarréttarins. Stórkostleg byggingar-
list, myndlist og árþúsunda saga Róm-
ar heillar alla sem þangað koma.
Nánari dagskrá verður kynnt síðar en
stefnt er að því að kynnast réttarkerfi lands-
ins, sögu Rómar, hitta kollega og fleira.
Á meðfylgjandi verðskrá er einungis gert ráð
fyrir flugi og gistingu með morgunverði.
Hvorki flugvallarskattur né ferðir til og frá flug-
velli eru innifaldar. Vegna dagskrár LMFÍ
verða þátttakendur síðar rukkaðir um sérstakt
aukagjald, m.a. vegna rútuferða, sameigin-
legrar kvöldmáltíðar o.fl. Ferðin er farin á
vegum Heimsferða. Staðfestingargjald er kr.
10.000,- og greiðist fyrir 15.júní.
Stgr.verð:
m.v. 1 í herbergi
m/morgunmat . . . . . . . . . . . kr. 77.600
m.v. 2 í herbergi
m/morgunmat . . . . . . . . . . . kr. 66.800
m.v. 3 í herbergi
m/morgunmat . . . . . . . . . . . kr. 66.800
Vinsamlegast sendið upplýsingar um
nafn, heimili, kennitölu, síma og hverjir
verða saman í herbergi til Eyrúnar Inga-
dóttur, eyrun@lmfi.is.
Athugið að LMFÍ hefur takmarkaðan
sætafjölda, svo fyrstir koma, fyrstir fá.
Skráning stendur til 8.júní.
f.h. félagsdeildar LMFÍ
Eyrún Ingadóttir
Sif Konráðsdóttir hrl., formaður málflutningsklúbbs-
ins Club Lögberg, er að vonum stolt af sínu fólki og
segir það verða spennandi að fylgjast með málflutn-
ingnum í dómhúsinu laugardaginn 12. júní. Hér sést
hún með Héraðsdóm Reykjavíkur í baksýn. Ljós-
myndari: Alda Sverrisdóttir.