Vestfirska fréttablaðið - 25.06.1984, Síða 1
28. tbl. 10. árg.25.júní 1984. Vestfirskafréttablaðiðkemurútámánudögumogfimmtudögum kl. 17:30.
Ritstjórnarskrifstofa og auglýsingamóttaka að Hafnarstræti 14 er opin virka daga kl. 10:00 til 12:00 og
13:00 til 17:00 og sunnudaga kl. 13:00 til 17:00. Síminn er 4011. Blaðamaður Rúnar Helgi Vignisson,
sími 3325. Fjármál og dreifing: Guðrún Halldórsdóttir. Auglýsingar o.fl. Rúnar Þórisson. Utgefandi og
ábyrgðarmaður: Árni Sigurðsson, Fagraholti 12, ísafirði, sími 3100. Prentun: Prentstofan ísrún hf.
(safirði. Verð í lausasölu kr. 15,00. Auglýsingaverð 130,00 dcm. Áskriftarverð er lausasöluverð reiknað
eftirá, gjalddagar hálfsársleqa.
Fyrsta strætóferðin á morgun
Á þriðjudagínn 26. júní hefst
tilraunaakstur strærisvagns milli
byggðarkjarna á Isafírði. Áætlun
vagnsins verður á klukkutíma
fresti milli Holtahverfís og
Hnífsdals. Vagninnn fer korter
fyrir heila tímann innan úr Holta-
hverfí og korter yfír heila tímann
utan úr Hnífsdal. Fyrsta ferð er
kl. 6:45 en sú síðasta verður um
20:00 leytið. Á álagstímum eins
og á morgnana og í hádeginu
verður bætt við aukavagni. Þessi
áætlun er til reynslu og verður
endurskoðuð í Ijósi þess.
Eins og kunnugt er var stefnt
að því að ferðir strætisvagns byrj-
uðu 16. júní. Ástæða þessarar
seinkunar er, að ekki tókust
samningar um leigu á vagni frá
SVR eins og búist var við, né frá
SVK, sem einnig var reynt. En í
síðustu viku var gengið frá samn-
ingum um leiguvagn frá einkaað-
ila úr Mosfellsveit, Matthíasi
Sveinssyni ( sem ku vera bróðir
hins góðkunna Elíasar Sveins-
sonar). Samningarnir voru gerðir
til 3ja mánaða. Tilraunaakstur
þessi stendur fram í byrjun sept-
ember. Framhald strætóferða
ræðst svo af þessari tilraun.
Akstur strætisvagnsins hefst
kl. 15:00 á morgun, þriðjudag,
og verður öllum sem vilja boðið
að aka frítt með vagninum þann
dag, til þess að kynna sér aksturs-
leiðir.
Þessi bfll á eftir að verða algeng sjón á götum ísafjarðar næstu vikurnar. Þetta er Ikarus vagn sem
kaupstaðurinn hefur tekið á leigu af Matthíasi Sveinssyni og mun hann halda uppi strætóferðum milli
byggðakjarnanna, mörgum sjálfsagt til óblandinnar ánægju. Sá sem þarna ekur niður Hafnarstrætið er
Sigtryggur Matthíasson. Myndin var tekin, við komu vagnsins til bæjarins.
Veitingasala í Faktorshúsi?
— endurbótum á húsinu að Ijúka — Turnhúsið næst
Tálknafjörður:
Félags-
heimili og
íþrótta-
hús í
smíðum
Nú er í smíðum á Tálknafirði
stórt og mikið félagsheimili og
íþróttahús. Þetta er stærsta
verkefnið hjá Tálknafjarðar-
hrepp í ár og verður það líkleg-
ast áfram næstu ár. Að sögn
Höskuldar Davíðssonar sveitar-
stjóra mun þessi framkvæmd
taka allt framkvæmdafé sveitar-
félagsins á næstu árum a.m.k.
megnið af því. Kostnaðaráætlun
á fyrri hluta síðasta árs stóð í
u.þ.b. 30 milljónum króna en
ekki lágu fyrir framreiknaðar
kostnaðartölur.
Útboð í verkið hafa miðast
við ákveðna framkvæmdaá-
fanga við byggingu hússins. Á
þessu sumri er stefnt að því að
ljúka við að steypa upp húsið og
vona menn að það verði komið
undir þak í haust.
Höskuldur sagði að vonir
væru bundnar við að á næsta ári
yrði hægt að taka búningsklefa
og hreinlætisaðstöðu í notkun
fyrir sundlaugina, sem stendur
við hlið nýbyggingarinnar. Á
næsta ári er svo ætlunin að
vinna að innréttingu á sal í
húsinu.
Húsafriðunarnefnd er nefnd
kölluð. Hún var sett á laggirnar
árið 1978 til að hafa umsjón
með friðlýstu húsunum í
Neðstakaupstað. Um er að ræða
fjögur hús: Tjöruhúsið (byggt
1734), Krambúð (1757 eða
1761), Faktorshús (1765) og
Turnhús (1784 — 85) Þessi hús
þykja einstætt sýnishorn af
húsagerð danskra einokunar-
kaupmanna á 18. öld og þeim
húsakosti sem hér var notaður
allt fram á þessa öld.
í ályktun um notkun friðlýstu
húsanna og framkvæmdir í
Neðstakaupstað segir m.a. að
uppbygging verði miðuð við að
koma fyrir á svæðinu þeim á-
höldum og tækjum sem notuð
voru við útgerð og fiskvinnslu
allt fram til síðari heimsstyrj-
aldarinnar. Þannig verði komið
fyrir vélum og öðrum áhöldum
frá upphafi tæknialdar í Tjöru-
húsi og Turnhúsið verði í fram-
tíðinni notað fyrir safn.
Verði þar komið fyrir öllum
stærri áhöldum og tækjum í
tengslum við atvinnusögu stað-
arins. Miðað er við að Kram-
búðin verði áfram notuð til í-
búðar og að framkvæmdir í
Faktorshúsi verði við það mið-
aðar að húsið verði einnig notað
til íbúðar í framtíðinni.
í samtali við Jón Pál Hall-
dórsson, sem situr í Húsafrið-
unarnefnd, kom fram að
nefndin hefur lagt til að safna-
vörður (fyrir Byggðasafnið,
Listasafnið og friðuðu húsin),
sem meiningin er að ráða, búi í
Faktorshúsi. Þá hefur sú hug-
mynd komið fram að Hótel
ísafjörður sjái um kaffiveitingar
i sumar, enda samþykkti bæj-
arstjóm 9. mars 1978 að hugsað
yrði fyrir veitingaþjónustu og
greiðasölu á umræddu svæði.
í sumar verður lokið við
endurbætur á Faktorshúsi, en
aðalframkvæmdirnar verða við
Turnhúsið. Þá er meiningin að
laga til lóðina og endurbyggja
brautarteina sem notaðir voru
við flutning á saltfiski út á
stakkstæðin. Einnig að búa til
sýnishorn af fiskreitum.
Framhald á bls. 3
Suðureyri:
Eldur í
dæluskúr
hitaveitu
—ekkert heitt vatn í tvo
sólarhringa
Það ætlar ekki úr að aka með
brunavandræði Súgfirðinga. Um
kl. hálf-tíu á fimmtudagskvöld
kom upp eldur í dæluskúr hita-
veitunnar. Eldurinn uppgötvað-
ist fljótlega af vegfaranda og var
slökktur snarlega. Skúrinn
sviðnaði þó allur að innan svo
rafkerfi skemmdist mikið.
Talið er að kviknað hafi í út-
frá kúplingu í dælumótor, splitti
hafi farið með þeim afleiðing-
um að neistaði í allar áttir.
Skúrinn er úr timbri, þannig að
ekki þurfti meira til.
Ekkert heitt vatn var á Suð-
ureyri meðan gert var við bil-
unina, þannig að þeir sem ekki
treystu sér í kalt bað urðu að
vera óhreinir. Þá varð að gera
hlé á sundkennslunni sem stað-
ið hefur yfir í útilaug þeirra
Súgfirðinga að undanförnu, því
vatnið okkar kólnar fljótt á okkar
svala landi.
Unnið var dag og nótt að
viðgerðum svo hægt yrði að
koma dælunni af stað á ný og
tókst það um kl. 19 á laugardag.
Súgfirðingum ætti því að vera
orðið heitt núna.
Úr Neöstakaupstaó. Faktorshúsið lengst til vinstrl.