Feykir - 07.09.1981, Side 8
Ritstjóri Feykis til viðtals á þriðjudögum og
fimmtudögum í síma 95-5259 á Bárustíg 9,
Sauðárkróki.
Dýralæknar á Sauðárkróki
Dagana 21. og 22. ágúst var haldið
dýralæknaþing á Sauðárkróki.
Tuttugu og tveir dýralæknar sóttu
þingið (af rúmlega 30 starfandi
dýralæknum í landinu), en samtals
komu um 50 manns á staðinn vegna
þessa þings. Fólkið dvaldi í hinni
veglegu heimavist Fjölbrauta-
skólans, en þinghaldið sjálft var í
skólahúsinu við Skagfirðingabraut.
Steinn Steinsson dýralæknir á
Sauðárkróki skipulagði mótið og
stjórnaði ráðstefnunni.
í stuttu samtali við blaðið sagði
Steinn að dýralæknar héldu slík
þing árlega og væru þau haldin úti
á landsbyggðinni. Þetta væri í
fyrsta sinn sem þingað væri á
Sauðárkróki. Annars vegar væri
þetta aðalfundur þar sem málefni
dýralæknastéttarinnar væru rædd,
bæði kjaramál og annað, og stjórn
kosin. Hins vegar væri þetta
Siglufjörður:
Steinn Stcinsson.
fræðslufundur: erlendur sérfræð-
ingur væri fenginn til að flytja fyr-
irlestra um það nýjasta í sérgrein
sinni. í þetta sinn kom danskur
prófessor frá dýralæknaskólanum í
Kaupmannahöfn og talaði um helti
í hestum og sjúkdómsgreindi hesta
sem.fluttir höfðu verið til Sauðár-
króks vegna komu prófessorsins.
Þótti dýralæknum margt fróðlegt
koma fram hjá hinum danska vís-
indamanni, sérstaklega kannski I
kvikmyndum sem hann sýndi frá
aðgerðum í fullkomnum tilrauna-
stofum. Steinn bætti því við að vísu,
að það gæti verið nokkuð langt á
milli tilraunastofunnar með
fullkomnum búnaði og hversdags-
legra aðstæðna dýralæknis úti í
héraði.
Að lokum lét Steinn þess getið að
hann hefði í sambandi við þetta
mót rhætt góðri fyrirgreiðslu og
velvilja heimamanna, og dýra-
læknar og fylgilið þeirra hefði farið
ánægt úr Skagafirði.
Rauðka gamla brotin
Við hittum Pétur Garðarsson yfir-
kennara sem snöggvast í vikunni og
spurðum hann hvað væri helst að
gerast á Siglufirði. Pétur kvað
gatnagerðina vera ofarlega í hug-
um manna. Síðan í fyrra hefði verið
unnið að því að skipta um jarðveg í
götum, aðallega við Laugarveg og
við nýju íbúðarhúsin syðst í bæn-
um. Svo þegar allt var tilbúið undir
malbikun á dögunum fór að rigna,
og tafir urðu á framkvæmdum.
Gatnagerðin hefur sóst seint af
ýmsum ástæðum. Það hefur t.d.
þurft að reisa tvo veggi við Laug-
arveginn til að halda honum uppi
svo hann skriði ekki niður i
blómagarða fólksins.
Þá sagði Pétur að verið væri að
brjóta niður „Rauðku" síldarverk-
smiðjuna gömlu, og þætti mörgum
sjónarsviptir að henni. En hún
hefði staðið opin í mörg ár og hefði
reynst börnum að leik þar slysa-
gildra.
„Uppi í hlíðinni, suður af heita-
vatnstanknum, er nú verið að
smíða heljarmikinn vatnstank.
Hann á að vera um 6 metra hár, en
að miklu leyti neðanjarðar.“ Pétur
sagði menn vonast til að tankurinn
ætti eftir að auka þrýsting á kalda
vatninu í efstu húsum í bænum, en
þar hefði stundum verið vand-
ræðaástand í vatnsmálum. Þá stæði
einnig til að reisa nýja bensínstöð
og leggja bílaþvottaplan undir
bökkunum upp af smábátahöfn-
inni. Til bílaþvotta hefur verið léleg
aðstaða. Annars sagði Pétur að
gárungarnir héldu því fram að það
þýddi ekkert að þvo bílana nema
þegar maður ætlaði út úr bænum.
Þannig væru göturnar á Siglufirði.
Við spurðum Pétur að lokum um
skólahaldið. Pétur kvað starfið vera
í þann veginn að hefjast. Um 340
nemendur yrðu í skólanum, allt frá
forskóla upp í framhaldsdeildir. í
neðra húsinu væri forskólinn og sex
fyrstu bekkirnir að mestu leyti, en
þeir eldri í efri byggingunni. Þetta
væri þó ein stofnun undir sömu
stjórn, og kvað Pétur hagræði að
því. Stundatöflijgerð væri t.d. mun
einfaldari og skriffinnska minni. Þó
væri eðlilegt að hafa aldurshópana
aðskilda eins og gert væri. Barna-
skólahúsið væri að vísu gamalt, að
stofni til frá 1913, og þyrfti endur-
nýjunar við.
Áður en við komumst lengra var
Pétur Garðarsson þotinn á grænum
rússajeppa áleiðis til Siglufjarðar.
Rætt við Stefán á Kagaðarhóli
Fóðurbirgðanefnd að
störfum
Við náðum tali af Stefáni Jóns-
syni bónda og hreppstjóra á
Kagaðarhóli nú í vikunni og
báðum hann að segja okkur frá
störfum fóðurbirgðanefndar
sem hann er formaður fyrir.
Formaður er tilnefndur af
landbúnaðarráðherra, en aðrir
nefndarmenn eru Jónas Jóns-
son búnaðarmálastjóri, til-
nefndur af Búnaóarfélagi fs-
lands, og Gisli Hjörleifsson
bóndi í Unnarsholti, til-
nefndur af Stéttarsambandi
bænda.
Stefán sagði að nefndin hefði
komið saman hinn 20. ágúst s.l.
og þá hefði verið ákveðið að
semja bréf og senda sveitar-
stjórnum um land allt, þar sem
spurst væri fyrir um útlit í hey-
skaparmálum og grennslast um
hvort ákveðin svæði eða
einstaklingar hefðu orðið illa
úti vegna kals og grasleysis.
Nefndin kæmi aftur saman í
stéttarsambandsþingi á Laug-
um í Reykjadal nú í vikulokin.
Ennþá kvað Stefán ekki gott
að segja um ástandið, heyskap
væri ekki lokið. Víst væri þó að
ákveðin svæði, svo sem Suður-
Þingeyjarsýsla og Austurland,
hefðu sloppið ve!, én annars
Staðar væri útlit verra og jafnvel
fyrirsjáanlegur skortur á fóður-
birgðum. Næsta skrefið sagði
Stefán vera að oddvitar létu frá
sér heyra og sendu fóður-
birgðanefnd skýrslu frá um-
dæmum sínum. Upp úr þeim
skýrslum mundi nefndin svo
vinna tillögur sínar, og stefndi
hún að því að geta lagt þær fyrir
ráðherra undir lok sláturtiðar.
Stefán á Kagaðarhóli gat þess
í lokin að æskilegt væri að menn
létu sveitarstjórnir sínar vita um
þá sem illa væru settir og sæju
fram á fóðurskort við heyskap-
arlok.
Bragi Halldórsson
Bragi Halldórsson er nýfluttur á
Sauðárkrók. Hann tekur við
starfi yfirkennara við Fjöl-
brautaskólann og mun kenna
þar íslensku. Bragi er einn af
sterkustu skákmönnum þessa
lands. Hann hefur oft teflt í
landsliðsflokki, og náði þar 4.
sæti 1979. Sama ár varð hann
þriðji á Norðurlandamóti sem
haldið var í Svíþjóð. Hraðskák-
meistari Norðurlanda varð
hann í Reykjavík árið 1971.
Efalítið munu skákmenn hér á
svæðinu fagna komu Braga
norður.
Aðspurður kvaðst Bragi von-
ast til að geta sinnt skákinni
eitthvað. Það mætti eflaust
blása einhverju lífi í skákina
hér, „gera eitthvað með strák-
ana“. Það kæmi til greina að
senda lið í deildakeppni Skák-
sambands íslands eða slá upp
móti hér. Ýmsir sterkir skák-
menn syðra væru tilbúnir að
skjótast einhverntíma norður í
fjöltefli eða annað. Bragi gat
þess einnig að ætlunin væri að
halda á næstunni helgarskák-
mót á Blönduósi með svipuðu
fyrirkomulagi og gert var á
Sauðárkróki s.l. vor.
Eiga ekki Húnvetningar góða
skákmenn?
„Jón Torfason á Torfalæk var
mjög framarlega meðan hann
bjó í Reykjavík. Við Jón vorum
saman í Háskólanum og tefld-
um þá oft mikið. Einu sinni
tefldum við samfleytt í heilan
sólarhring."
Nú eru læplega jafningjar
þínir í skákinni hér í Skagafirði.
Er ekki leiðigjarnt að tefla mik-
ið við þá sem veita litla keppni?
Bragi hló við og sagði: „Þá er
bara að koma þeim til nokkurs
þroskal".
Kennimenn ganga frá kirkju.
Hólahátíðin fjölmenn
Hin árlega Hólahátíð varhaldin 16.
ágúst síðast liðinn, en hún er að
jafnaði haldin í 17. viku sumars.
Hátíðin var fjölmenn og greinilegt,
að fjöldi gesta fer vaxandi með
hverju ári. Svo sem venja er hófst
hátíðin með guðsþjónustu í dóm-
kirkjunni. Prestar úr Hólastipti
þjónuðu fyrir altari, Kirkjukór
Sauðárkróks söng undir stjórn Jóns
Björnssonar. Biskupinn yfir ís-
landi, herra Sigurbjörn Einarsson,
predikaði. Hann vitnaði til sögu og
helgi Hólastaðar. Kirkjan hefði
unnið mörg stórvirki fyrr á öldum,
þegar mikið hefði legið við. f því
sambandi væri ástæða til að nefna
nafn Hóla. Þá sagði hann, að I nútíð
væri að mörgu að hyggja. Með sér-
stökum hætti væru næstu kristni-
boðsár. Hann lagði áherslu á
ábyrgð kristinna manna gagnvart
Guði sínum og samtíðinni. Verk
þyrfti að vinna, orð skyldi flytja, —
Guðs orð. Framundan væri hátíð
1000 ára kristni þjóðarinnar. Hann
hvatti menn til þess að starfa að því,
sem öllu framar horfir til heilla í
samfélagi manna, útbreiðslu Guðs
orðs.
Síðar um daginn var önnur
hátíðarsamkoma í dómkirkjunni.
Þar flutti sr. Árni Sigurðsson ávarp,
Jóhann Már Jóhannsson söng
einsöng og ræðu flutti Jónas Þóris-
son, kristniboði. Óskar Magnússon,
Tungunesi flutti frumort ljóð.
Kirkjukór Sauðárkróks söng nokk-
ur lög. Samkomunni lauk með
ávarpi sr. Péturs Sigurgeirssonar
vígslubiskups. Hj. J.