Vestfirska fréttablaðið - 03.01.1992, Blaðsíða 3
Vestfirðingar auka notkun
á endurunnum pappír
— gæðin aukast stöðugt
„Það er mikið spurt eftir
endurunnum pappír,“ sagði
Frosti Gunnarsson verslunar-
stjóri hjá Kaupfélagi ísfirð-
inga. „Þar hefur orðið mikil
breyting á.“
Að sögn heildsala og versl-
unarmanna sem Vestfirska
hafði samband við eykst eftir-
spurn eftir endurunnum og
óbleiktum pappír stöðugt. Þó
virðist sem notkunin takmark-
ist að mestu við klósettpappír
og eldhúsrúllur. Hafsteinn
Vilhjálmsson heildsali sagðist
hafa reynt að selja endurunn-
inn pappír til frystihúsa og
rækjuverksmiðja, en mönnum
hefði ekki líkað hann, fundist
hann þerra verr og koma
mikið kusk úr honum. Þá
sagði Hafsteinn að neytendur
settu lit pappírsins nokkuð
fyrir sig, einkanlega þegar um
eldhúsrúllur væri að ræða.
Frosti Gunnarsson sagði að
mönnum þætti endurunni
pappírinn ekki alltaf nógu
mjúkur en margir keyptu hann
engu að síður. Hafsteinn benti
hins vegar á að gæði pappírs-
ins hefðu stöðugt aukist. Þá er
hann orðinn samkeppnisfær
hvað verðið varðar.
Bæði Sandfell og umboðs-
verslun Hafsteins Vilhjálms-
sonar hafa endurunninn papp-
ír á boðstólum, en þó er sala
á honum ekki nema lítið hlut-
fall af pappírssölu. Hafsteinn
efaðist um að salan næði 10%
hjá sér. Þess má einnig geta að
prentsmiðjurnar hafa á boð-
stólum endurunninn pappír til
skrifstofunota og að sögn
Harðar Kristjánssonar hjá fs-
prent hefur verið töluverð
eftirspurn eftir honum, enda
verðið sambærilegt við venju-
legan pappír.
Gjöf frá Sighvati
Daginn fyrir gamlársdag af-
henti Karvel Pálmason for-
manni Félags hjartasjúklinga
á Vestfjörðum gjafabréf fyrir
hönd heilbrigðis- og trygging-
amálaráðherra, Sighvatar
Björgvinssonar. Um er að
ræða 700 þúsund kr. sem nota
skal til kaupa á hjartalínurits-
tæki.
Tilkoma þessa tækis munu
auðvelda mjög álagsprófanir
fyrir hjartasjúklinga, en að-
stæður til þeirra eru sem
stendur fremur frumbýlings-
legar á Fjórðungssjúkrahús-
inu.
Jóhann Kárason. formaður
Félags hjartasjúklinga, tók við
gjafabréfinu og notaði tæki-
færið til að færa Rauða kross-
inum 30 þúsund kr. til að að-
stoða við kaupin á nýja sjúkra-
hílnum Johann Karason tekur við gjafabrefínu úr hendi Karvels.
FJÓRÐUNGSSJÚKRAHÚSIÐ
Á ÍSAFIRÐI
íbúð óskast
Leitum að 3ja - 4ra herbergja íbúð
til leigu fyrir starfsmann,
á Eyrinni eða nágrenni.
Óskum að ráða nú þegar
eða eftir nánara samkomulagi:
Læknaritara
eða starfsmann með góða
vélritunarkunnáttu
Aðstoðarmatráðskonu
Starfsfólk í eldhús
100% störf - vaktavinna
Upplýsingar um starf læknaritara og
leiguíbúð veitir framkvæmdastjóri en
um starf aðstoðarmatráðskonu ogstörf
í eldhúsi matreiðslumeistari alla virka
daga í síma 4500.
Bylgjan aflar sér
verkfallsheimildar
Félagsfundur var haldinn í Skipstjóra og stýrimannafé-
laginu Bylgju á Þorláksmessu. Félagsmenn lýstu mjög ein-
dregið þeirri skoðun að taka bæri til baka þá kjaraskerðingu
sem varð með lagabreytingu um sjómannaafslátt. Fundur-
inn samþykkti að veita stjórn og trúnaðarmannaráði heimild
til verkfallsboðunar.
ÓKEYPIS
smá-
auglýsingar
TIL SÖLU
Artic Cat Panther með raf-
starti og hita í höldum, 66
hestöfl 440 cu.
S. 3421.
LEIKJATÖLVA
Breytt Nintendo leikjatölva
ásamt 2 stýripinnum,
byssu, leikjum og milli-
stykki til söiu.
S. 3935, Jóhannes.
TAPAST HEFUR
bátur úr neglu, flaska af
tappa, kirkja af krossi. Finn-
andi hafi samband við Ekki
auglýsingar, s. 0011. Sá á
fund sem finnur.
50%
lækkun
á grunnverði
auglýsinga
í næstu viku
ÍSPRENTHF.
Bolungarvík:
"V estfirska
í vetrarfrí
— ísprent hf. sér um þjónustu við auglýsendur
Nú rétt fyrir jólin þökkuöu
fulltrúar Sjúkrahússins í Bol-
ungarvík Sjálfsbjargarfé-
lögum á staðnum fyrir góðar
gjafír þeirra undanfarið. Hér
var um að ræða tæki til sjúkra-
þjálfunar, togbekk, þrekhjól,
handhjól, vaxbakstrapott, raf-
örvunaræki, nuddtæki, lóð og
bolta.
Við þetta tækifæri kom fram
að Sjálfsbjörg í Bolungarvík
hefur gefið öll tæki til sjúkra-
þjálfunar frá upphafi eða al-
veg frá árinu 1983. Margvísleg
fjáröflun er í gangi hjá félag-
inu og þar liggur mikil vinna
að baki.
í fréttatilkynningu frá
Sjúkrahúsi Bolungarvíkur er
ítrekað hve mikilsvert er að
eiga svona góða bakhjarla sem
sinna þessu starfi af óeigin-
girni og alhug. „An þeirra væri
þessi þjónusta ekki fyrir hendi
í Bolungarvík."
Næstu vikur tekur Vest-
firska fréttablaðið sér vetrar-
frí. Er blaðið í dag því það
síðasta að sinni. Ljóst þótti að
ekki var hægt að leggja alla
útgáfustarfsemi af þó Vest-
firska tæki sér frí og því hefur
verið ákveðið að Isprent hf.
annist þjónustu við auglýsend-
ur á helsta markaðssvæði
blaðsins.
fsprent hf. hóf reyndar á
síðasta ári útgáfu á Forsíðunni
sem ætlað var að sinna sér-
stökum tímabundnum þörfum
auglýsenda. Komu samtals út
þrj ú tölublöð af þessu blaði og
mun útgáfa Forsíðunnar nú
aftur verða tekin upp til að
sinna áðurnefndum þörfum.
Bónusverð
á auglýsingum
Til að mæta enn frekar
óskum auglýsenda á þessum
samdráttartímum, þá verður
grunnverð auglýsinga lækkað
um helming. Forsendur þess
eru að ýtrustu hagkvæmni
verði gætt við útgáfuna og
verður í þeim efnum fetað í
fótspor þeirra aðila sem gefið
hafa út svipuð rit vítt og breitt
um landið og víðast nefnd
,,Dagskrá“. Þótt ótrúlegt
megi virðast, þá hafa slík aug-
lýsingablöð notið mikilla
vinsælda og víða orðið helsti
vettvangur fyrir auglýsingar
þrátt fyrir annars líflega
útgáfustarfsemi á þeim
svæðum.
Auglýsingasími Forsíðunn-
ar er 3223, en einnig er mögu-
legt að ná sambandi í síma
Vestfirska 4011 og faxnúmer
4423.
Stjórn Sjálfsbjargar í Bolungarvík ásamt yfírlækni, hjúkrunar-
forstjóra og sjúkraþjálfara Sjúkrahússins.
Óskum viðskiptavinum okkar gleðilegs árs
og þökkum viðskiptin á nýliðnu ári.
Blómabúð ísafjarðar
S 3223