Vestfirska fréttablaðið - 22.06.1994, Page 7

VESTFIRSKA
\ FKFTTABLAOm [ ------
Fagranesiö byrjaö
í Hornstranda-
feröunum
Djúpferjan Fagranes fór í fyrstu ferð sumarsins á
Hornstrandir á mánudaginn. Einungis var farið í Að-
alvík og að sögn skipverja var slæðingur af fólki um
borð. Heldur kalt hefur verið undanfarna daga og
hefur það sennilega latt fólk til þess að fara norður. „í
sumar verða farnar tvær ferðir í viku norður á Horn-
strandir og þá alla leið til Hornvíkur með viðkomu í
Aðalvík og víðar ef þarf, á mánudögum og miðviku-
dögum, og brottfarartími frá ísafirði er klukkan átta að
morgni", sagði Jóhann Magnús Elíasson, fram-
kvæmdastjóri Hf. Djúpbátsins, í samtali við blaðið í
gær. „Á Hesteyri, í Grunnavík og Aðalvík verður farið
einu sinni í viku, á föstudögum klukkan tvö. Til
Reykjafjarðar og Furufjarðar verður farið 15. júlí, 18.
júlí, 25. júlí og 2. ágúst, eða fjórar ferðir. Seinasta ferð
á Hornstrandir verður 10. ágúst.“
- Þið voruð að auglýsa eftir matsveini á Fagranesið.
Eru einhverjar breytingar á döfinni?
„Við erum að fá okkur réttindamann um borð og er
það nauðsynlegt. Þetta var gert í fullu samráði við
kokkinn, Þráin Arthúrsson. Hann fer á dekkið, enda
er hann mjög góður starfsmaður. Einnig ætlum við að
ráða manneskju f kaffiteríuna um borð. Þar verður
boðið upp á léttar veitingar, s.s. kaffi, gos, sælgæti,
samlokur, rétt dagsins og margt fleira góðgæti. Það
þarf enginn að fara svangur frá okkur. Reyndar verður
flest í boði í teríunni nema áfengi. Við vonumst bara
til að fólk verði duglegt að ferðast á Hornstrandir í
sumar eins og áður.“
- Eitthvað að frétta af ferjubryggjum?
„Það er allt komið á fulla ferð í þeim málum.
Nefndin sem Vegagerðin kom á fót er farin að vinna
svo allt er á beinu brautinni núna“, sagði Jóhann.
-GHj.
HF. DJÚPBÁTURINN
Atvinna
Matsveinn
— starfsstúlka
Matsveinn með full réttindi og starfs-
stúlka í kaffiteríu óskast um borð í
m/s Fagranes nú þegar.
Allar upplýsingar eru gefnar í síma
94-3155 milli kl. 14.00 og 17.00 alla
virka daga, eða á kvöldin hjá Reyni í
síma 94- 3016.
Þakkir
Ég sendi hjartanlegar þakkir til allra þeirra sem
glöddu mig með símskeytum, blómum, gjöfum og
heimsóknum á 70 ára afmœli mínu 14. júní sl.
Sérstakar þakkir sendi égformanni Sjómannafé-
lags ísfirðinga fyrir rausnarlega gjöf. Einnigþakka
ég eigendum og starfsfólki veitingastaðarins Frá-
bœjar á Isafirði sérstaklega fyrir einstaka hugulsemi
og greiðasemi.
Jens Markússon.
Miðvikudagur 22. júní 1994
7
Lesendabréf:
Upplýsingamiðstöð ferðamanna
sendir frá sér upplýsingar um
snióalög norðan Djúps
- alger óþarfi að geta fannalaga í fjöllum þar sem hjarn er allt árið
Upplýsingamiðstöð ferða-
mála á Isafirði hefur sent frá sér
upplýsingar um snjó á Horn-
ströndum 19. júní sl. Sagðurer
mikill snjór víða f Jökulfjörð-
um, á Látrum í Aðalvík, og í
Fljótavík. Þetta er nýlunda á
sviði ferðamála hér vestra að
gefa upplýsingar um snjóalög
á slóðum ferðamanna og að
margra dómi algerlega óþarft.
Vitað er að snjólög eru breyti-
leg milli ára eftir veðurfari
undangenginna vetra, hvort
fennt hafi í hinni áttinni eða
þessari. I Jökulfjörðum og á
Hornströndum eru hjarnskaflar
víða í tjöllum sem aldrei leysir
og á sumum stöðum niður undir
sjó. Einnig er svo á Snæfjalla-
strönd. Mismunandi er á milli
ára hvar slíkar fannir eru.
Að sögn heimamanna frá
Hornströndum, sem farið hafa
norður í vor og í surnar, eru
Gísli Hjartarson.
snjólög nú í meðallagi en bera
þó þess merki að hafa sett niður
í vestanáttum. Rétt þykireinnig
að benda á að oftast er betra að
ganga á snjó á fjöllum og í
skörðum Hornstranda heldur
en á beru grjótinu því snjórinn
er yfirleitt góður yfirferðar og
sléttir yfir lautir og holt, á
Vestfjarðafjöllum sem annars
staðar. Upplýsingar um snjóa-
lög eru einungis til þess fallin
að fæla ferðamenn frá þessu
svæði og sérstaklega þá sem
lítið vita um landshætti. Hitt er
það að það kemur engum á ó-
vart að snjór skuli vera á svæð-
inu norðan Djúps. Það eru ekki
ný sannindi. Kannski verður
það næst tilkynnt að mikill
snjór sé á leiðinni upp á Hroll-
leifsborg á Drangajökli en það
þarf að ganga á jökli til þess að
komast þangað. Drangajökull
er stærsta hjarnbreiðan á þess-
um slóðum. Upplýsingamið-
stöðin ætti heldur að benda
ferðamönnum á heppilegan
viðlegubúnað. val á nesti og
hvernig megi komast á um-
ræddar slóðir og f skipulagðar
óbyggðaferðir á Vestfjörðum
frekar en að senda frá sér til-
kynningar um snjóalög.
Slíkt væri frekar við hæfi á
veturna vegna þeirra ferða-
manna sem hyggjast sækja
Vestfjarðakjálkann heim til
þess að ganga og renna sér á
skíðum. Hvers vegna skyldu
annars Jökulfirðir nefnast Jök-
ulfirðir og Snæfjallaströnd
nefnast Snæfjallaströnd?
Einnig má benda á örnefni svo
sem Fannalág, Jökladalir,
Fannadalur, Skjaldfönn og
Kaldalón og mörg fleiri slík
norðan Isafjarðardjúps.
Gísli Hjartarson.
Höfundur er farastjóri til
áratuga í óbyggðum Vest-
fjarðakjálkans.
Kærumál vegna kosninga og sameiningar Nauteyrarhrepps og Hólmavíkur:
Nauteyrarhreppur
og Hólmavík nán-
ast stjórnlaus
- segja Stefán Gíslason, sveitarstjóri á Hólmavík,
og Ástþór í Múla, oddviti Nauteyrarhrepps
í síðasta blaði var fjallað um
kærur vegna sameiningar
Hólmavfkurhrepps á Ströndum
og Nauteyrarhrepps í Djúpi.
Var talið líklegt að kjósa þyrfti
sveitarstjórnir í báðum sveitar-
félögunum upp á nýtt og síðan
að sameina þau aftur og kjósa
síðan aftur eina sameiginlega
hreppsnefnd. Hjálmar Hall-
dórsson, íbúi á Hólmavík,
kærði kosningarnar og samein-
inguna. Blaðið hafði samband
á mánudaginn við Sesselju
Arnadóttur, lögfræðing félags-
málaráðuneytisins, og spurði
hana um þessi mál. „Þetta mál
er núna í úrskurðarnefnd sem
sýslumaðurinn á Hólmavík
skipaði. Eg hef ekki fengið
neina tilkynningu um hverjir
eru í nefndinni og þú verður að
tala við sýslumanninn á
Hólmavík. Sýslumaður skipar
þessa úrskurðarnefnd og það er
hægt að kæra úrskurð hennar til
ráðuneytisins þannig að við
fáum þetta ekki strax. Við tjá-
um okkur ekkert um þetta mál
vegna þess að við erum kæru-
stig í því.“
Ríkarður Másson, sýslu-
maður Strandamanna, sagði
málið vera statt hjá úrskurðar-
nefndinni sem hann hefði skip-
að samkvæmt 37. grein sveit-
arstjórnarlaga. I nefndinni eiga
sæti þeir Magnús Hannesson,
lektor við Háskóla Islands,
Tryggvi Bjarnason lögfræðing-
ur og Skúli Bjarnason lögfræð-
ingur. „Eg hef verið að vonast
eftir að fá úrskurðinn sem fyrst
og hélt satt að segja að alveg
væri kominn tfmi til þess“,
sagði Ríkarður. „A meðan mál
standa svona hefur líf gömlu
hreppsnefndanna á Hólmavík
og í Nauteyrarhreppi verið
framlengt. Það er ekkert að
frétta af þessu máli annað en
það er í höndum nefndarinnar
ennþá.“
Stefán Gíslason, sveitarstjóri
á Hólmavík, sagði í samtali við
blaðið að afar óþægileg staða
væri komin upp í sveitarfélag-
inu og væri það nánast stjórn-
laust. „Nefndir geta ekki starf-
að og og hreppsnefndin ekki
fús til að starfa áfram vegna
þess að hún er umboðslaus frá
kjósendum", sagði Stefán.
„Sama er með nefndirnar sem
starfa undir umboðslausri
sveitarstjórn. Kæran er í með-
ferð þriggja manna úrskurðar-
nefndarinnar. Mér skilst að það
sé ekki von á úrskurði nefndar-
innar fyrr en eftir um það bil
viku. Ég tel líklegast að ef úr-
skurður nefndarinnar verður á
þann veg að kosningamar verði
ógildar, þá verði kosið í tvennu
lagi. Urskurði nefndarinnar má
skjóta til félagsmálaráðuneyt-
isins. Ég geri svo ráð fyrir því
að hægt sé að höfða mál til þess
að fá úrskurði ráðuneytisins
hnekkt ef menn vilja. Fyrir
dómstólununi getur málið tekið
vikur og mánuði eða jafnvel
upp í tvö ár. Þegar komið er út
í svona mál er útilokað fyrir
leikmann að spá í hugsanlegar
niðurstöður“, sagði Stefán
Gíslason.
Astþór Ágústsson í Múla,
oddviti Nauteyrarhrepps, sagði
í samtali við blaðið að sveit-
arstjónin í Nauteyrarhrepp sæti
alveg óvirk og léti hverjum
degi nægja st'na þjáningu.
„Hreppurinn er nánast stjórn-
laus“, sagði Ástþór. „Ég fékk
þau skilaboð frá félagsmála-
ráðuneytinu að ég ætti að halda
hlutunum gangandi frá degi til
dags. Það á ekki að halda fundi
í hreppsnefndinni og ekki halda
hreppsnefndarfundi. Gamla
hreppsnefndin situr nánast ein-
göngu í þeim tilgangi að undir-
búa nýjar kosningar ef af þeim
verður. Það má færa það til
sanns vegar að ég sé einvaldur
í hreppnum. Það hefur fáum
dottið í hug, og allra síst mér,
að sameiningin myndi leiða til
þess að ég fengi allsherjarráð í
sveitinni eftir að búið væri að
leggja það niður. Það virðist
vera að ég hafi alræðisvald og
það er bara spurningin hvernig
þegnunum líkar við það.“
- Hvernig heldur þú að þetta
kærumál endi?
„Ég þori ekki að segja neitt
um það fyrir fullt og fast. En
mér sýnist staðan vera þannig
að það geti allt eins farið svo að
kosningarnar verði dæmdar ó-
gildar. Ég held að ekki sé inni
í myndinni að sameiningin
verði ógilt. Ég held að hún sé
gild. Ég held að spurningin sé
einungis um að gera upp kosn-
ingarnar í nýju sveitarfélagi.
Sameiningin hlýtur að standa",
sagði oddviti Nauteyrarhrepps.
-GHj.