Feykir - 28.10.1987, Side 2

2 FEYKIR 35/1987
ÆEYKIlW
Óháð fréttablað
fyrir Noröurland vestra
■ RITSTJÓRI OG ÁBYRGÐARMAÐUR: Ari Jóhann
Sigurðsson ■ ÚTGEFANDI: Feykir hf. ■ SKRIFSTOFA:
Aðalgötu 2, Sauðárkróki ■ PÓSTFANG: Pósthólf 4,
550 Sauðárkrókur ■ SÍMI: 95-5757 ■ STJÓRN FEYKIS
HF.: Hilmir Jóhannesson, Sr. Hjálmar Jónsson, Jón F.
Hjartarson, Sigurður Ágústsson, Sæmundur Hermannsson
■ BLAÐAMENN: Björn Jóhann Björnsson sími 95-
5253, Haukur Hafstað sími 95-5959, Magnús Ólafsson
sími 95-4495, Þorgrímur Daníelsson sími 95-1018, örn
Þórarinsson sími 96-73254 ■ ÁSKRIFTARVERÐ: 55
krónur hvert tölublað; í lausasölu 60 kr. ■ GRUNNVERÐ
AUGLÝSINGA: 200 krónur hver dálksentimetri
■ ÚTGÁFUDAGUR: Miðvikudagur ■ SETNING, UMBROT
OG PRENTUN: SÁST sf„ Sauðárkróki.
leiöari —,
Skólinn er byrjaður og sennilega hefur það ekki
farið framhjá fólki frekar en berjaspretta og
sláturtíð. Fjölmiðlar eru vanir að gera haustinu
góð skil og skýra, oft skemmtilega, frá algengum
haustverkum manna.
En hvað gerist að liðnu hausti? Jú, berin frjósa
og börn og búpeningur eru tekin á hús og fóðruð
þar til snjóa leysir á ný. En er þctta svona cinfalt?
Undanfarin ár hafa viðhorf til skólans og þeirrar
starfsemi sem þar fer fram tekið breytingum. Á
síðustu árum hefur skólanum verið ætlað að taka
að sér sífellt stærra hlutverk varðandi uppeldi
barna. Allt of oft heyrist: ,,Já, þessu þyrfti að
koma inn í námsefni grunnskólans”. Að
sjálfsögðu þarf námsefni nemenda að vera í
sífelldri endurskoðun svo hægt sé að bæta við og
laga en einhvers staðar þarf að setja mörk. í dag
eiga börn m.a. að læra í skólanum að smyrja
brauð, bursta skó og tennur, læra að hirða sig og
klæða, hvernig haga á sér í umferðinni og forðast
vímuefni og yfirleitt flest það sem tengist
mannlegum samskiptum. Margt fleira mætti tína
til sem ekki fyrirfannst í skólanámskrám áður fyrr
því sjálfsagt og eðlilegt var talið að hluta af uppeldi
barnanna væri sinnt heima fyrir. Elvort þessi
breytta hlutverkaskipan sé góð eða slæm skal
ósagt látið en hitt er öllu mikilvægara að foreldrar
átti sig á þeim breytingum sem orðið hafa á
skólastarfsemi og séu tilbúnir til að taka höndum
saman með kennurum við uppeldi barnanna.
Foreldrar verða að gera sér grein fyrir mikilvægi
góðrar undirstöðumenntunar á þeim kröfuhörðu
tímum sem við lifum. Gagnvart þessu hafa
foreldrar og aðrir verið að vakna, hægt og sígandi
að vísu, og er það vel. Börnin eru framtíðin og lengi
býr að fyrstu gerð. Látum ekki demba
uppeldishlutverkinu alfarið á skólann svo að við
fáum nú „vinnufrið”, týnum ekki börnunum
okkar í villtu lífsgæðakapphlaupi. Heimilið á að
vera hornsteinn fjölskyldunnar og með samvinnu
heimila og skóla búum við betur að börnum okkar
fyrir framtíðina.
Körfubolti 1. deild:
Tveir sigrar Tindastóls fyrir
sunnan
Tindastóll gerði góða ferð
suður á land um síðustu
helgi, lék tvo leiki og vann þá
báða með góðum mun.
Fyrri leikurinn var á
föstudagskvöld í Borgarnesi
við Skallagrím. Heimamenn
héldu forystunni til að byrja
með, en eftir því sem leið á
leikinn náði Tindastóll yfir-
höndinni og hélst svo til
leiksloka. Lokastaðan varð
74 stig Tindastóls gegn 59
stigum Borgnesinga. Bestur
leikmanna Tindastóls í þessum
leik var Björn Sigtryggsson,
en hann fór á kostum í vörn
og sókn, skoraði 28 stig og
hirti 20 fráköst. Aðrir
stigaskorarar fyrir Tindastól
voru Eyjólfur Sverrisson
með 20 stig, Sverrir Sverrisson
11 stig, Karl Jónsson 6,
Ágúst Kárason 3, og Jóhann
Már Guðmundsson, Kristinn
Baldvinsson og Birgir Valgarðs-
son 2 stig hvor.
Á laugardaginn hélt Tinda-
stóll til Sandgerðis og lék við
heimamenn, Reyni, en þeir
tilkynntu þátttöku í íslands-
mót á síðustu stundu.
Tindastóll átti að keppa við
Snæfell frá Stykkishólmi
þessa helgi, en þeir hættu
keppni og hafa því tvö lið
hætt við þátttöku í 1. deild
körfuboltans, hitt liðið var
USAH. Tindastóll byrjaði
leikinn við Reyni af krafti og
náði 18 stiga mun í byrjun
Heimamenn söxuðu aðeins á
forskotið og náðu að minnka
muninn í 8 stig í hálfleik. í
seinni hálfleik var Tindastóll
ávallt betri aðilinn, munurinn
var lengst af um 10 stig en
undir lok leiksins jókst
forskot Tindastóls og þegar
flautað var til leiksloka var
staðan orðin 66-46 fyrir
Tindastól. Bestur í liði
Tindastóls var Ágúst Kárason
en hann hirti mikið af
fráköstum og lék vel, einnig
átti Kári Marísson þjálfari
ágætan leik. Flest stig
Tindastóls gerði Eyjólfur,
eða 20, Björn 14, Sverrir 11,
Kári 8, Kristinn 6 og Jóhann
Már og Birgir 2 hvor.
Næsti leikur Tindastóls er
n.k. föstudag en þá kemur lið
HSK á Krókinn. Leikurinn
hefst kl. 20 og verður þetta
mikill baráttuleikur því þessi
lið, ásamt IS og UÍA, eru
talin munu berjast á toppi 1.
deildar í vetur. Feykir hvetur
alla sem vettlingi og hönskum
geta valdið að fjölmenna í
Iþróttahús Sauðárkróks n.k.
föstudagskvöld og hvetja
Tindastól til sigurs.
Norræna skólahlaupið
Fyrir skömmu hlupu nem-
endur Grunnskóla Sauðár-
króks Norræna skólahlaupið
svokallaða, en það er hlaupið
af öllum skólum á Norður-
löndum á svipuðum tima.
Þetta er liður í norrænu
samstarfi um skólaíþróttir,
að frumkvæði norrænu skóla-
íþróttanefndarinnar. Nefnd
þessi hefur einnig staðið að
sumarbúðum fyrir nemendur
frá öllum Norðurlöndunum.
Þetta er í fjórða skiptið sem
hlaupið er og hafa nemendur
frá íslandi oftast hlaupið
mest og best miðað við
höfðatölu, sem fyrr.
Núna hlupu nær allir
nemendur efra stigsins, frá
5.-9. bekk, alls um 230
nemendur. Boðið var upp á
þrjár vegalengdir, 10 km, 5
km, og 2.5 km og hlupu
flestir 10 kílómetrana. Tekinn
var tími á þeim sem hlupu 10
km og besti tími hjá strákum
var 41.42 mín, sem Sigurður
Leví 9. bekk hljóp og hjá
stelpum var Heba Guðmunds-
dóttir 7. bekk með bestan
tíma, 52.34 mín.
Nemendur neðra stigsins,
frá forskóladeild til 4.
bekkjar, hlupu sl. mánudag
og var þátttaka góð, allir
nemendur hlupu, eða um 250
stykki. Krakkarnir í 1.-4.
bekk hlupu 2.5 km en forskóla-
krakkarnir hlupu eitthvað
styttra.
Ekki eru komnar heildar-
tölur um hlaupið nú í ár yfir
landið, en 1986 komu skólar
úr Skagafirði mjög vel út og
voru jafnan í fremstu röð.
T.d. var það hjá 17 skólum
þar sem allir nemendur tóku
þátt, voru 4 úr Skagafirði.
Hjá þeim skólum sem hlupu
að meðaltali lengst yfir allt
landið var Steinsstaðaskóli
efstur með 9.69 km á
nemanda. Grunnskóli Sauðár-
króks efra stig í öðru sæti
með 9.47 km og í þriðja sæti
varð Varmahlíðarskóli með
slétta 9 km að meðaltali á
nemanda. Til gamans má
geta að nemendur í skólum í
Reykjavík hlupu að meðal-
tali 3.31 km.
VEGAGERÐIN
Útboð
Snjómokstur 1987-1988
Vegagerð ríkisins óskar eftir tilboðum í
snjómokstur með vörubifreiðum í Húna-
vatnssýslum veturinn 1987-1988.
Um er að ræða tvö útboð:
1. Blönduós - Skagaströnd - Blönduvirkj-
un, (67 km).
2. Blönduós - Hvammstangi, (52 km).
Útboðsgögn verða afhent hjá Vegagerð ríkis-
ins á Sauðárkróki og í Reykjavík (aðalgjald-
kera) frá og með 26. október nk. Skila skal
tilboðum á sömu stöðum fyrir kl. 14.00 þann
2. nóvember 1987.
Svandís Ingimundar
Vegamálastjóri.