Feykir - 05.10.1988, Blaðsíða 1

@ raf sjá hf
Sérverslanir með
raftæki
Sæmundargötu 1
Sauðárkróki
„Neyðumst til að láta
skipin sigla”
segir Ágúst Guðmundsson framkvæmdastjóri ÚS
„ Okkur er auðvitað bölvan-
lega \ið að fólk sé atvinnulaust í
landi, en við neyðumst til að
láta skipin sigla. Okurvextimir
undanfarið hafa étið rekstrar-
féð upp, fiskverðið hefur
ekkert hækkað í eitt ár á
meðan allur annar kostnaður
hefur vaðið upp. En það er
mjög hagkvæmt að sigla með
karfann, sérstaklega þegar
verðið er svona gott á erlendu
mörkuðunum. Framlegð úr
vinnslu á honum hér heima er
mjög lítil. Og síðan bíðum við
bara eftir því hvað útgerðin og
fiskvinnslan fær úr „bjargráða-
sjóðum” hans Stefán Valgeirs-
sonar,” sagði Agúst Guðmunds-
son framkvæmdastjóri Utgerðar-
félags Skagfirðinga.
Tveir af togurum US,
Hegranes og Skafti munu að
mestu sigla fram að áramótum.
Drangey sem hefur verið að
heilfrysta karfa kom með 67
tonn að aflaverðmæti 8,5
milljónir úr síðasta karfa-
túrnum um helgina. Mun
Drangeyjan nú fara á þorsk
og afla fyrir frystihúsin, en
væntanlega mun það lítið
segja handa 3 húsum ef ekki
fæst fiskur annars staðar frá.
Drangeyjan á eftir 450 tonna
þorskkvóta en Hegranes og
Skafti eiga eftir 150-200
tonna þorskkvóta, eða einn
góðan túr hvort skip.
Allt útlit er því fyrir að
síðustu mánuðir haustsins
verði rýrir hjá fiskvinnslu-
fólki við Skagafjörð. Síðustu
vikurnar hafa hvorki Skjöldur
né Hraðfrystihúsið á Hofsósi
fengið hráefni til vinnslu.
Hafa Hofsósingar því ekki
enn getað prófað flæðilínuna
nýju sem búið er koma fyrir í
húsinu. I Fiskiðjunni hefur
að mestu tekist að halda uppi
fullri vinnu með því að vinna
Skagafjörður og A-Hún:
Fimm ný riðutilfelli
bátafisk í verðmiklar pakkn-
ingar.
Skafti og Hegranes hafa
selt einu sinni og gerðu góðar
sölur. Skafti seldi 12. fyrra
mánaðar í Bremenhafen fyrir
9,4, milljónir og var meðal-
verð 63 krónur á kíló.
Hegranes seldi síðan í
Cuxhafen 20. sepember fyrir
12,7 milljónir og var meðal-
verð enn betra en hjá
Skaftanum, 66 krónur. Fór
skipið síðan í slipp í
Þýskalandi þar sem það var
málað og einnig var gert við
skrúfubúnaðinn.
Vetur konungur minnti á sig í hretinu sem gekk yfir síðustu
helgi. Börnin fögnuðu fyrsta snjónum og húsdýrin sömuleiðis
eins og mvndin ber með sér.
4 af 5 stærstu þéttbýlisstöðunum:
Telja sig hafa leyst
sorpmálin til frambúðar
Ekki er að sjá annað en mjög
góð samvinna hafi tekist með
þéttbýlisstöðum í kjördæminu
um sorpeyðingu. Víðast hvar
hefur ríkt vandræðaástand í
þessum málum á undanförnum
árum, vegna landþrengsla og
annars, en nú telja forráða-
menn 4ra af 5 stærstu
þéttbýlisstöðunum í kjördæm-
inu sig vera á góðri leið með
að leysa sorpeyðingarmálin til
frambúðar. Af þeirri ástæðu
sé þátttaka í byggðasamlaginu
sem stofnað verður á næstunni
vel verjandi, en kostnaður við
sorphirðingu og eyðinguna
mun líklega aukast verulega
með tiikomu þess.
Gerð hafa verið drög að
samningi um byggðasamlagið
milli Sauðárkróks, Blönduóss,
Skagastrandar og Hvamms-
tanga. Hefur samningurinn
hlotið samþykki á öllum
stöðunum og verður boðað
til formlegs stofnfundar á
næstunni.
Að sögn Guðmundar
Sigvaldasonar sveitarstjóra á
Skagaströnd hefur verið
ákveðið að einn aðili frá
hverjum stað skipi stjórn
byggðasamlagsins. Það verður
síðan rekið fyrir þjónustugjöld
sem lögð verða á sveitarfélögin
eftir ákveðnum reglum. Ekki
hefur enn verið ákveðið með
staðsetningu sorpeyðingar,
eða á hvern hátt sorpinu
verður eytt. Tveir staðir hafa
aðallega verið nefndir, í
nágrenni Sauðárkróks og
Blönduóss og standa yfir
samningaviðræður við land-
eigendur.
Sveinn H. Guðmundsson
heilbrigðisfulltrúi sagði að sú
aðferð sem líklega yrði ofan á
við eyðinguna, væri urðun og
þar með mundu 4 opnar
brennslur á sorpi verða
lagðar niður. Hefði komið til
tals að festa kaup á
sorpbifreið sem bæði getur
pressað inn á sig heimilissorp
og losað gáma á staðnum.
Sveinn segir samvinnu
sveitarfélaga viðsorpeyðingu
færst í vöxt. Þá séu
endurnýtingarmálin mjög til
umræðu og alltaf séu að
koma fram nýjar aðferðir við
endurvinnsluna. Nýlega hafi
Þjóðverjum tekist að vinna
olíu úr plasti og náð 800
kílóum af olíu úr einu tonni
af plasti, en aðferðin við það
sé enn of dýr.
Riðutilfelli voru nýlega stað-
fest á 2 bæjum til viðbótar í
Austur-Húnavatnssýslu, hæði
í Sveinsstaðahreppi og er talið
að það 3ja sé til staðar á bæ í
Vatnsdal. Þá hafa fundist 2 ný
tilfelli í Skagafirði, eitt í
Staðarhreppi og annað í
Seyluhreppi. Annar bærinn í
Sveinsstaðahreppi var á skrá
sauðfjárveikivama og á bænum
í Seyluhreppi var skorið niður
vegna riðu 1975.
Að sögn Sigurðar Sigurðar-
sonar dýralæknis á Keldum
var ákveðið á fundi í síðasta
mánuði að allt fé á bæjum þar
sem riða hefur fundist 1983
eða síðar verði skorið í haust
eða næsta haust. Er fastlega
gert ráð fyrir að um 28
þúsund fjár verði skorið í
haust vegna samninga um
riðuniðurskurð eða svipað og
á síðasta hausti. Þar af er
stórt svæði á Austurlandi þar
sem 22 þúsund fjár var
haustið 1985, en aðeins
verður um 5000 fjár eftir
þegar niðurskurðarsamningum
hefur verið framfylgt. Er
stefnt að fjárskiptum á
svæðinu öllu. Þá verður allt
fé í Svarfaðardal skorið. Fé
verður fargað á nokkrum
bæjum í Skagafirði og
Húnavatnssýslum í haust
vegna riðutilfella sem upp
komu í fyrrahaust og á
síðasta vori. Ljóst er að í
einstaka tilfellum gefst bændum
kostur á að bíða til næsta
hausts með förgun. Ekki
hefur verið gengið til samn-
inga við þá bændur sem riða
var staðfest hjá á dögunum.
Sigurður vill brýna fyrir
bændum á riðuveikisvæðum
að selja ekki fé á milli bæja og
eins að hýsa ekki fé frá
öðrum. Þá sé mikilvægt að
bændur láti dýralækni vita
sjái þeir eitthvað grunsam-
legt og mun hann þá skoða
kindurnar þeim að kostnaðar-
lausu. Ef slátrað er heima sé
líka nauðsynlegt að kalla á
dýralækni til heilasýnatöku í
svipuðum tilfellum. Skal
bændum bent á að frysta
hausana ekki og náist ekki
fljótlega í dýralækni geymist
hausar betur ef sett er í þá
formalín.