Feykir - 06.06.1990, Blaðsíða 2

2 FEYKIR 21/1990
■ RITSTJÓRI OG ÁBYRGÐARMAÐUR:
Þórhallur Ásmundsson ■ ÚTGEFANDI:
Feykir hf. ■ SKRIFSTOFA: Aðalgötu 2,
Sauðárkróki ■ PÓSTFANG: Pósthólf 4.
550 Sauðárkróki ■ SÍMI: 95-35757 95-
36703 ■ STJÓRN FEYKIS HF.: Jón F
Hjartarson, Sr. Hjálmar Jónsson, Sæmundur
Hermannsson, Sigurður Ágústsson, og
Stefán Árnason ■ BLAÐAMENN:
Magnús Ólafsson A-Hún., Hólmfríður
Bjarnadóttir V-Hún. ■ AUGLÝSINGASTJÓRI:
Sólmundur Friðriksson ■ ÁSKRIFTARVERÐ:
90 krónur hvert tölublað; í lausasölu
100 ■ ÚTGÁFUDAGUR: Miðvikudagur ■
SETNING, UMBROT OG PRENTUN: SÁST
sf.. Sauðárkróki. ■ Feykir á aðild að
Samtökum bæja- og héraðsfréttablaða.
Fréttir frá SSK
Körfubolti:
Aðalfundur Sambands skag-
firskra kvenna var haldinn í
Héðinsminni 5. maí 1990.
Pálína Skarphéðinsdóttir
Gili, formaður SSK setti
fundinn. Kom fram í máli
hennar að eitt af fyrstu
verkefnum stjórnarinnar eftir
síðasta aðalfund hafi verið að
afhenda peninga sem söfn-
uðust í vinnuvöku 1989. Var
þeim skipt jafnt milli sam-
býlanna á Sauðárkróki og
skólaheimilisins á Egilsá, kr.
70000 til hvors. Þá veitti SSK
bókaverðlaun til þeirra nem-
enda í 9. bekk grunnskólans
á Hofsósi, í Varmahlíð og á
Sauðárkróki, sem þóttu
skara framúr í handavinnu
og eða í heimilisfræðum.
Skemmtun fyrir aldraða
var haldin í félagsheimilinu
Höfðaborg á Hofsósi í júní
sl. og tókst hún í alla staði
mjög vel. Fjögur kvenfélög
áttu stórafmæli á árinu;
Kvenfélag Rípurhrepps, sem
jafnframt er elsta kvenfélagi í
heimi, varð 120 ára, kven-
félagið í Lýtingsstaðahreppi
varð 50 ára, einnig kven-
félagið í Fljótunum, og að
síðustu varð kvenfélagið í
Akrahreppi 70 ára.
Haustvaka kvenfélaganna
var að þessu sinni haldin í
félagsheimili Rípurhrepps.
Gestur fundarins var Herdís
Sveinsdóttir lektor við Há-
skóla íslands og flutti hún
erindi um brcytingaskeið
konunnar. Vinnuvaka var
haldin eins og venjulega og
söfnuðust að þessu sinni
rúmar 150 þúsund krónur
sem á fundinum voru
afhentar Glaumbæjarsafninu.
I lok ræðu sinnar sagði
Pálína þetta:
,,Eg tel að kvenfélögin í
landinu standi og falli með
því að hafa hverju sinni
öflugar stjórnir, sem eru
tilbúnar að leggja á sig aukna
vinnu og allt verði gert til að
laða að ungar konur. Eg
fullyrði að margt væri
öðruvísi ef ekki væru til
kvenfélög, sérstaklega í sveitum
landsins. Hugsið ykkur kjarkinn
og dugnaðinn í þeim 19
konum sem stofnuðu Kven-
félag Rípurhrepps fyrir 121
ári. Þegar ekki þekktist
annað en að konur væru
heima yfir eldamennsku og í
barneignum, en ekki á
fundaflandri. Við skulum
minnast þessara kvenna en
ekki gleyma þeim.
Elínborg Hilmarsdóttir
ritari.
Sovétmaður og
Tékki til Tindastóls
Körfuknattleiksdeild Tindastóls
hefur nánast gengið frá
ráðningu tckknesks þjálfara
og sovésks leikmanns fyrir
næsta keppnistímabil. Aðeins
á eftir að framkvæma smá-
breytingar á samningi og
undirrita hann. Þá mun Einar
Einarsson hakvörður frá
Keflavík leika með Tindastóli
næsta vetur.
Sovétmaðurinn er 26 ára
og hefur leikið bæði með A
og B-Iandsliði Sovétríkjanna.
Hann er 2,11 á hæð. eða stór
eftir aldri eins og þeir segja
hjá körfuboltadeildinni. Tékk-
neski þjálfarinn hefurstarfað
17 ár í úrvalsdeildinni þar í
landi og hafa lið sem hann
hefur þjálfað náð ágætis
árangri.
Þá er ákveðið að Valur
Ingimundarson verði áfram
á Króknum næsta vetur. Eins
og kunnugt er skipti Sturla
nýlega yfir til Þórs á
Akureyri, en að öðru leyti er
ekki breytinga að vænta í
röðum Tindastólsmanna, þó
enn ekki ákveðið hvort Björn
Sigtryggsson fer suður til
náms eður ei.
Bikarkeppni KSÍ
Hofsósvöllur
föstudagskvöld kl. 20.00
Neisti - Tindastóll
Komið og sjáið spennandi Derbyviðureign
Endurtekur sig sagan um Davíð og Golíat
enn einu sinm
Skagfirðingar, nágrannar
Fjölmennið
Neisti
Bikarkeppni KSÍ:
Fjórðu
deildarliðin
heppin
Neistamenn á Hofsósi duttu í
lukkupottinn þegar dregið var
til annarar umferðar Bikar-
kcppni KSÍ sl. fimmtudag. Þú
voru Hvatarmenn á Blönduósi
einnig lánsamir, fá Siglfirðinga
í heimsókn.
„Þetta var óskadrátturinn
og við erum rnjög ánægðir.
Það er sjálfsagt að velgja
Króksurum undir uggum og
ættum við að eiga möguleika
ef baráttuandinn í liðinu
verður á sínum stað. Að
sjálfsögðu ætlum við okkur
sigur í leiknum”, sagði Gísli
Einarsson formaður Neista.
Búast má við mikilli
stemmningu fyrir leiknum,
því leggja má það að jöfnu
fyrir Neista að fá annarrar-
deildarlið Tindastóls í heim-
sókn, eins og að Islands-
meistar KA dræjust á móti
stórliði Napolís í Evrópu-
bikarnum.
Leikirnirí Bikarkeppninni
voru settir á laugardaginn 9.
júní, en vegna setningar HM
verða þeir líklega flestir
færðir fram á föstudagskvöld,
enda vonlaust að láta svona
mikilvæga leiki fara fram á
sama tíma.
Ókeypis smáar
Hross
Til sölu hross á ýmsum aldri.
Uppl. í síma 95-12688.
Tvö dekk til sölu
10,0/75 - 15. Einnig fjórar
felgur ”17,5 (6 gata) undan
Mercedes Bens. Passa undir
flest þýsk landbúnaðartæki.
Upplýsingar í símum 37472.
Hvolpar
Til sölu Collie hvolpar. Upp-
lýsingar í síma 97-11733.
Tjaldvagn til sölu
Árgerð'85, með nýju fortjaldi.
Verð 150 þúsund. Á sama
stað til sölu 4 felgur undan
BMW. Upplýsingar í síma 35013.
Hestasveit
Börn og unglingar athugið!
12 daga dvöl að Glæsibæ í
Skagafirði i sumar. Farið á
hestbak einu sinni á dag.
Sund, skoðunarferðir og fleira
til gamans gert. Enn eru
nokkur pláss laus 18.-29. júní
15.-26. júlí. Upplýsingar í
sima 95-35530.