Feykir - 29.05.1991, Page 8

ÍFEYKIR
> JBL Óháö frettablaö á Noröuriandi vestra
29. maí 1991, 20. tölublað 11. árgangur
Auglýsingar þurfa að berast eigi síðar
en um hádegi á föstudögum
BILALEIGA SAUÐARKROKS
FYRIRTÆKI - STOFNANIR - EINSTAKLINGAR
TOYOTA Hl - LUX DOUBLE CAB 1991
LEYSIR FLUTNINGSVANDAMÁLIN
GÓÐIR BÍLAR Á GÓÐUM KJÖRUM
SÍMAR 36050 - 35011 H.S ( Stefán )
Besta vor á Skaga í langan tíma
„Jú, gróður er óvenjusnemma
á ferðinni núna. Meira að
segja melatúnin hérna sem oft
eru hvít fram eftir öllu eru
orðin græn fyrir nokkru. Þetta
er albesta vorið sem komið
hefur á seinni árum, en ætli
vorin upp úr ‘60 hafi ekki verið
svona svipuð”, sagði Valgeir
Árnason bóndi í Víkum á
Skaga.
Að sögn Valgeirs hefur
sauðburðurinn gengið áfalla-
laust. I snjóþungum sveitum
eins og á Skaga er látið bera
seint og munar miklu nú að
hægt er aðsleppa lambám úr
húsi fljótlega og sumstaðar
ber orðið úti. Menn eru þegar
farnir að bera á tún og ætti
sláttur að geta hafist með
allra fyrsta móti, svo framar-
lega sem gróðrartíðin helst.
Grásleppuveiði hefur aftur á
móti gengið treglega hjá
Skagabændum sem fleirum.
Er veiði ekki nema rétt um
helmingur af því sem hún er í
þokkalegu veiðiári.
Tvö bílslys
Tvö umferðarslys urðu á svæði
Sauðárkrókslögreglu umhelgina.
Það fyrra var árekstur við
Melbreið í Fljótum um kvöld-
matarbil á laugardag og siðdegis
á sunnudag valt bill við Marbæli í
Óslandshlíð.
Áreksturinn í Fljótunum var
harður, en á þessum sama stað
varð banaslys ekki fyrir alls
löngu. Tvennt, ökumaður og
farþegi úr sitthvorum bílnum
voru fluttir undir læknishendur
á Siglufirði og farþeginn áfram
til Akureyrar. Þrír ungir piltar
voru í bílnum sem lenti í
lausamöl og hafnaði á hvolfi
utan vegar í Óslandshlíð. Einn
þeirra slasaðist og var fluttur
suður þar sem óttast var alvarleg
meiðsl.
Grunnskólinn á Hólum.
Fjöldi barna á hesta-
námskeiði á Hofsósi
Fjörutíu og tvö börn tóku þátt
í reiðnámskeiði sem Hesta-
mannafélagið Svaði stóð fyrir
á Hofsósi um síðustu helgi.
Kolbrún Kristjánsdóttir æsku-
lýðsfulltrúi Landssambands
hestamanna leiðbeindi á nám-
skeiðimi sem stóð frá föstu-
dagskvöldi til laugardagskvölds.
Sunnudaginn 9. júní nk.
verður á sama stað námskeið
fyrir unglinga og fullorðna
byrjendur. Leiðbeinendur á
því námskeiði verða Þórir
Jónsson og Karólína Linder.
Seinna í vor verður síðan
námskeið fyrir lengra komna
í hestaíþróttinni. Eyjólfur
ísólfsson leiðbeinir. Félags-
mót Svaða verður 15. júní.
Veitingasala á Hólum
Á sunnudaginn var opnuð í
grunnskólanum á Hólum
veitingasala sem boðið verður
upp á alla daga í sumar. Langt
er síðan greiðasala hefur verið
á Hólum.
Það var atvinnumálanefnd
Hólahrepps sem hafði frum-
kvæði af því að koma
veitingasölunni á og nefndin
hefur ýmislegt annað á
prjónunum til að gera Hóla að
enn betri viðkomustað fyrir
ferðamenn.
Margt manna mætti í
kaffihlaðborðið sem boðið
var upp á við opnunina á
sunnudaginn en hlaðborðið
verður á dagskrá á sunnu-
dögum í sumar. Það er
Hafdís Gunnarsdóttir(Dísa í
Dalakofanum) sem hefur
tekið veitingaaðstöðuna á
leigu í sumar og er meiningin
að opið verði í það minnsta til
20. ágúst, alla daga frá 10-22.
Boðið er upp á kaffi, hádegis-
og kvöldverð.
Aðstaðaá Hólum ergóðtil
að taka á móti gestum og er
útlit fyrir að bæði minni og
stærri hópar ætli að sækja
þangað með samkvæmi,
ættarmót o.fl. Þegar er búið
að bóka þannig 700 manns
sem dreifast á níu daga. Að
vísu eru tjaldstæðin í skóginum
alveg í knappasta lagi þegar
um fjölmennari samkomur
er að ræða, en núna í vor
verður aukið við þau.
Að sögn Jóns Garðarssonar
formanns atvinnumálanefndar
er ýmislegt hægt að gera sér
til dundurs á Hólum.
Sundlaug er þar og heitur
pottur, gönguleiðirskemmti-
legar, s.s. Söguslóðin. Jón
sagði að til stæði að merkja
og auglýsa fleiri gönguleiðir,
enda biði staðurinn upp á
stuttar gönguleiðir til fallegra
staða, fjöllin brött í nágrenn-
inu og mikið að sjá. Þá hefði
kirkjan aldrei verið fallegri
en núna.
Pílagrímsferöir til
Glaumbæjar
Þeir sem þekkja söguna,
vita að fyrsti innfæddi
Ameríkumaðurinn var jarð-
settur hér á landi, í Glaumbæ
í Skagfirði. Það er Snorri
Þorfinnsson sonur Þorfinns
Karslefnis, er var í för með
Leifi heppna þegar hann
fann Vínland hið góða og
nam þar land. Eiríks saga
segir frá þessum atburðum
öllum, einnig frá greftrun
Snorra í Glaumbæ.
I umræðum um ferðamál
hefur því verið slegið fram að
vel komi til greina að vekja
athygli bandarísku þjóðar-
innar á þessari staðreynd, og
efnt verði til ferða hingað til
lands, svo hin vestræna þjóð
geti vitjað grafar frumburðar
síns. Líklegir til að sinna
þessari köllun þykja einna
helst sá hópur er dýrkar hvað
mest hvíta manninn í
Bandaríkjunum. Þetta gætu
því orðið einhvers konar
pílagrímsferðir fyrir Cucuxclan-
söfnuðinn.
Ráðagóöur prestur
Prófasturinn í Skagafjarðar-
sýslu var kominn í eftirlits-
ferð að Knappstöðum í Stíflu
og skyldi séra Páll Tómasson
messa í viðurvist hans.
Séra Páll var hinn mesti
drykkjumaður og fór ekki að
jafnaði þurrbrjósta í stólinn.
Að þessu sinni hafði prófast-
ur gætur á honum, svo
honum gæfist ekki færi á að
hressa sig til heillar prédik-
unar, áður en gengið var til
kirkju. En pelaglas var í
hempuvasa hans og var nú
vandinn sá hvernig við yrði
komið að dreypa á því.
Þegar prestur hóf prédikun
sína var hann orðinn ansi
þurfandi. Ekki hafði hann
lengi talað þegar hann kom
að þessum orðum í prédikun-
inni. „Jesús sagði við
lærisveinana: „innan skamms
munuð þér ekki sjá mig””.
I sama bili beygði prestur
sig í hnjáliðunum og seig
niður í pontuna, brá glasinu
á vör sér og saup duglega á.
Spratt síðan upp sem fjöður
og mælti um leið og höfuðið
birtist söfnuðinum. ,,En
innan skamms munuð þið sjá
mig aftur”. (Austri)
Kálfur í vígahug
Grasspretta er orðin það
góð að geldneytum og
stálpuðum kálfum hefur
verið sleppt á beit víðast
hvar, Það em ærsl í skepnunum
þegar þeim er hleypt út í
fyrsta sinn og bóndi einn í
Oslandshlíðinni varð óþyrmi-
lega var við það. Einn
bolakálfa hans varð svo
villtur er út var komið, að
hann gerði árás á húsbónda
sinn með þeim afleiðingum
að hann rifbrotnaði. Voru
bónda þá nærtækust spak-
mælin góðu, sjaldan launar
kálfur ofeldið.
GÆÐAFRAMKOLLUN
GÆOAFRAMKOLLUN
BÓKABÚÐ
BRYNJARS