Feykir - 11.01.1995, Blaðsíða 6

6 FEYKIR 2/1995
Heildir og sælir lesendur góðir. Þegar
við nú ýtum úr vör á nýju ári er tilvalið að
heyra hér fyrst yfirlýsingu frá hinum
ágæta hagyrðingi Jakopi Jónssyni á
Varmalæk í Borgarfirði.
Oft man ég helst þá heilsar árið nýja
er horfi ég bœði firam og ögn til baka
svo marga synd sem mér láðist að drýgja
og marga sem ég þyrfiti að endurtaka.
Nú mun víst fara í hönd sá tími sem út-
lit er fyrir að talsvert verði tekist á um
launagreiðslur til fólks á hinum almenna
vinnumarkaði, eins og stundum er sagt.
Einhvem tíma við slíkar aðstæður mun
eftirfarandi vísa hafa orðið til hjá Jakopi.
Það gengur afiar illa um þessar mundir,
allar stéttir barlóms sönginn kyrja.
Gjörvöll þjóðin er að verða undir.
Undir hverjum, má ég kannski spyrja?
Limra kemur hér sem einhvemveginn
hefur rekið á fjörur mínar, án þess að ég
viti á henni nokkur deili.
Efandskotinn er orðinn prestur
og asninn veðhlaupahestur
heitt er kalt
og kratinn veit allt.
Jú, þá er hann Blöndal þó bestur.
Affam skal halda með limrumar og er
hinn kunni limrusnillingur Jóhann S.
Hannesson höfundur að þessari.
Hverjum stjórnálafiokki er svofarið
að hannforðast að taka afskarið.
Spurð hvað milljón er stór,
svarar miðstjórn í kór.
Það er misjafiht. Hver biður um svarið?
Á þessum árstíma er vel við hæfi að
rifja upp eftirfarandi vetrarvísu sem ég
held að sé eftir Guðmund Inga frá Kirkju-
bóli.
Víða grátt er veðrafar,
varla dátt er gaman.
Höfuðáttir heyja þar
hríðarsláttinn saman.
Önnur vel gerð vetrarvísa kemur hér
og mun hún vera eftir Hreiðar Geirdal.
Ægir bólginn byltir sér
brims í ólgudýjum.
Himinn fólginn allur er
ofar kólguskýjum.
Trúlega er þessi vísa Hjartar Gíslason-
ar ort að vetri til.
Mig þó hrelli fjúk og frost,
farin bestu árin.
I von um birtu og betri kost
brosi ég gegnum tárin.
3. janúar 1993 átti Höskuldur Eyjólfs-
son á Hofsstöðum 100 ára afmæli. Áf því
tilefhi sendu þau hjón, Ester og Þorkell á
Laugarvatni, honum eftirfarandi vísu.
Á lífsins vöðum létt hann fer,
leiðir öðrum faldar.
Hœðst á söðli Höskuld ber,
hestaöðling aldar.
Næst langar mig að spyrja lesendur
hver ort hafi eftirfarandi vísu.
Hjá veslingnum Kemp er nú kólnandi
blóð
og kyrking í andlegum stálma.
Hœttur að yrkja nema œttjarðarljóð
og einstaka vakningarsálnm.
Gott er nú að heyra aðeins frá Halla
Hjálmars.
Lollafinnst mérfögur mœr
ogfrjálslynd eins og vera ber.
Vœna stund ég var í gœr
að velta henni fiyrir mér.
Kært var á stundum með Haraldi og
athafhamanninum frá Komsá Birgi Run-
ólfssyni á Siglufirði. Nokkuð ströng hef-
ur lífsbaráttan verið þegar Halli yrkir svo.
Birgir hljóðar hástöfum,
hefur slœnm líðan.
Hann erfarinn forgörðum
fyrir löngu síðan.
Glaðari bragur hcfur verið á þegar
Haraldur yrkir svo:
Á knjánum skriðu kapparnir
krókóttan veg.
Báðir voru blindjullir,
Birgirogég.
Einhvem tíma mun Haraldur hafa tek-
ið svo til orða.
Á Sauðárkróki erfátt ífréttum,
flestra heilsa er góð.
Mér er ennþá afar létt um
að yrkja bjöguð Ijóð.
Svo yrkir Haraldur um æskustöðvar
sínar í Deildardalnum.
Fagrifjallahringurinn
fríðan myndar dalinn.
Hér er œskueldur minn
í örmum þínumfalinn.
Bið ykkur lesendur góðir að vera nú
duglega að senda mér efni fyrir þáttinn og
leita svo til Ólafs Sigfússonar frá Forsælu-
dal með lokavísuna.
Gefst þeim ríku gœfan flest,
gull og nmrgir vinir,
en þegar ég er þreyttur mest
þá er ég sœlli en hinir.
Veriði þar með sæl að sinni.
Guðmundur Valtýsson, Eiríksstöðum,
sími 27154,541 Blönduósi
Gamli þjálfarinn reyndist
Tindastólsmönnum erfiður
Það var svo sannarlega stuð á Tindastólsmönn-
um fyrstu mínúturnar í leiknum gegn Njarðvík-
ingum í Síkinu sl. sunnudagskvöld. Tindastóls-
menn spiluðu gestina sundur og saman og léku
á als oddi. En gamla Njarðvíkurseiglan er söm
við sig og smátt og smátt mölluðu Suðurnesja-
mennirnir sig inn í leikinn. I>egar upp var staðið
var um öruggan Njarðvíkursigur að ræða og
Valur Ingimundarson þjálfari Njarðvíkinga var
að vonum ánægður að leik loknum, en hann fór
fyrir sínum mönnum og átti einn af sínum
glimrandi leikjum.
Með hröðum og skemmtilegum leik komust
Tindastólsmenn fljótlega í 10 stiga mun en Njarð-
víkingar náðu að jafha upp úr miðjum hálfleiknum.
Undir lok hálfleiksins náóu síðan gestimir að rífa
sig aðeins burtu og Tindastólsmenn fóm síðan illa
að ráði sínu á síðustu sekúntunum þegar þeir misstu
boltann og Isak Tómasson refsaði þeim með
þriggja stiga körfu, en það voru einu stig þessa
gamalkunna leikmanns.
Njarðvíkingamir hitnuðu strax í byrjun seinni
hálfleiksins og vom funheitir allt til enda, sérstak-
lega þeir Valur og Teitur og reyndar virtist vera
sama hvaða Njarðvíkingur reyndi skot flest fóm
þau ofan í. Tindastólsmenn léku hinsvegar fremur
slakan seinni hálfleik en börðust þó vel allan tím-
ann.
Hjá Tindastóli var Torrey yfirburðamaður og
gladdi sérlega augað ótrúlcg troðsia í upphafi lciks,
þegar hann hirti langa sendingu Ómars undan körf-
unni og með eldingarhraða náði hann sveiflunni
uppfyrir. ,JÉg hef aldrei séð annað eins“, sagði Val-
ur sem var yfirburðamaður í Njarðvíkurliðinu. Am-
ar Kárason lék vel að venju fyrir Tindastól og Atli
Þorbjömsson komst mjög vel frá leiknum. Hinrik
Gunnarsson var drjúgur, skoraði reyndar mjög lítið
Torrey John sýndi að venju snilldartilþrif.
í fyrri hálfleiloium, en fékk meira úr að moða í
þeim seinni. Ómar Sigmarsson lék mjög vel í fyrri
hálfleik en datt út í þeim seinni. Láms Dagur náði
ckki að sýna sitt rétta andliL
Stig Tindastóls: Torrey 39, Hinrik 14, Páll 13,
Ómar 7, Atli 7, Amar 6 og Láms 3. Fyrir Njarð-
vík skoraði Valur 32 stig, Rondey 19 og Teitur 15 stig.
Vegna undanúrslita í Bikarkeppni KKÍ verður
ekki leikið næst í úrvalsdeildinni fyrr en fimmtu-
daginn 19. janúar. Þá fara Tindastólsmenn í Hólm-
inn og mæta Karli Jónssyni og félögum í Snæfelli.
Fararstjóri og leiðsögumaður um Nesið verður
væntanlega Pálmi Sighvatsson, sem gjörþekkir alla
staðháttu eftir ferð á leik með Tindastólsliðinu fyrir
nokkmm ámm.
Fyrsta herrakvöldið
í Kaffi Krók
Fyrsta herrakvöld ársins verður
haldið á Kaffi Krók laugardags-
kvöldiö 21. janúar nk. Kaffi Krók-
ur hefur í vetur boðið upp á þá ný-
breytni að fá fyrirlesara á konu-
kvöld og hafa þrjú slík verið hald-
in við frábærar móttökur. En jafn-
rétti kynjanna er í fyrirrúmi hjá
eigendum Króksins og því var
ákveðið að fá Heiðar Jónsson
snyrti til að halda konukvöld á
fimmtudag og föstudag og herra-
kvöld á laugardag.
Heiðar er þekktur fyrir að
koma fólki í gott skap um leið og
hann gerir létt grín af sjálfum sér
og samskiptum kynjanna. Auk
fyrirlesturs er boðið upp á léttan
mat á þessum kvöldum. Karlar
em eindregió hvattir til aö mæta.
Það skaðar engan að heyra hvað
betur má fara hjá hverjum og ein-
um og milli fólks yfirleitL
Stefnt er að því að fá Valgerði
Bjamadóttur félagsráðgjafa á Ak-
ureyri á næsta konukvöld í febrúar
til aö ræóa um sjálfsstyrkingu
kvenna. En á næsta karlakvöldi
verður væntanlega tekið fyrir
rekstrarskilyrði fyriitækja á Norð-
urlandi og fenginn til þess hæfur
fyrirlesari. Það má vel vera að
Linda Pé mæti norður hver veit?
(fréttatilkynning)
Málverkasýningar
í Gallerí Lundi
Á laugardaginn kemur, 14. jan-
úar, opnar listakonan Hadda
frá Akureyri sýningu sína ,,Hér
áður fyrr“ í ASH galleríi Lundi
í Varmahlíð. Sýningin verður
opin frá kl. 13-18 alla daga
nema fimmtudaga út janúar.
Hadda stundaði nám við Lista-
deUd Lýðháskólans í EskUstuna
íSvíþjóð 1986-1987.
Sú nýbreytni verður tekin upp í
Galleríinu Lundi í Varmahlíð að
bjóða myndlistarmönnum að sýna
verk sín á tveim veggjum og er
Hadda myndlistarmaður mánað-
arins. Jón Laxdal fráfarandi
myndlistamaður Akureyrar sýnir í
febníar.
í fréttatilkynningu frá ASH
segir að þetta verði óhefðbundnar
sýningar, engin boðskort við opn-
un, heldur séu allir hjartanlega vel-
komnir. Heitt veróur á könn-
inni/katlinum á meðan á sýning-
um stendur.