Feykir - 12.12.2001, Blaðsíða 4

4 FEYKIR 43/2001
„Vantar í samfélagið í dag að ungt fólk
hafi skoðanir á málunum“
Spjallað við Garðar Víði Gunnarsson forseta Nemendafélags fjölbrautaskólans
„Þetta er búið að vera ágætt í vetur. Það er gott gengi í klúbbastarfinu
en böllin hafa orðið færri en við ætluðum. Menningarkvöldið tókst
mjög vel og aðsóknin mjög mikil og síðan eru eftir stórir viðburðir
hjá okkur í vetur, eins og söngkeppnin, opnu dagamir og árshátíðin?,
segir Garðar Víðir Gunnarsson sem gegnir í vetur því virðulega
„embætti” forseti Nemendafélags FNV Það er karlaveldi í stjórn fé-
lagsins í vetur, en tvær stúlkur sem buðu sig fram á liðnum vetri náðu
ekki kjöri. „Það hafa oft verið vandræði að fá stelpur í stjóm félags-
ins, en í þetta skiptið vildu nemendur frekar kjósa strákana í stjórn-
ina. Það er náttúrlega miður að hafa ekki einhverjar stelpur í stjóm-
inni, þótt þetta séu allt saman öðlingspiltar sem eru í stjóminni”, seg-
ir Garðar Víðir.
Garðar Víðir Gunnarsson forseti Nemendafélags FNV.
Það var líflegt í Fjölbrautaskólanum
á síðasta kennsludegi haustannar, næst-
síðasta fóstudag, en prófin standa nú
yfir í skólanum. Nemendafélagið efndi
til uppákomu í skólanum, fékk jóla-
sveina til að koma í heimsókn og
gleðja kennara og nemendur fyrir próf-
in, og boðið var upp á piparkökur og
heitt kakó.
„Þetta tókst mjög vel og fólk var
ánægt að við skyldum skapa þennan
dagamun í skólanum. Það er búið að
vera ágætt félagslíf í skólanum í haust.
Klúbbastarfið er i góðum málum. Það
er starfandi leiklistarklúbbur, tölvu-
klúbbur og hestaklúbburinn er kominn
af stað aftur eftir svolítið hlé. Áður hét
hann Fás-fákar, en nú vilja þeir kalla
sig „aftarlega á merinni”.
Gátu ekki heldið „Peruballið“
En Garðar Víðir segir að það hafi
ekki gengið eins vel með dansleikja-
haldið í skólanum í haust, aðeins busa-
ballið hafi verið haldið, en húsnæðis-
vandi hafi sett strik í reikninginn. Það
sé hreinlega eins og húsráðendur hafi
einhverja fordóma gagnvart fjölbrauta-
skólanemum, sem þó hafi staðið fyrir
áfengislausum samkomum undanfarin
ár og þær heppnast mjög vel.
í byrjun nóvember ætluðum við að
ná stærsta balli sem haldið hefur verið
Norðanlands á hverju ári hingað i
Skagaijörðinn. Það var svokallað
„Peruball” sem samnefnt skólablað á
Akureyri stóð fyrir og hélt í KA-höll-
inni á Akureyri. Þetta voru 3000
manna skemmtanir, en þar sem að
skólablaðið Peran fór á hausinn og
samkoman var því á lausu ætluðum við
að ná henni hingað svo þessi stærsta
norlenska samkoma félli ekki niður.
Við sáum að eini möguleikinn til að
halda svo fjölmenna samkomu hér var
að halda hana í reiðhöllinni Svaðastöð-
um. Það var búið að tala við alla aðila
sem að málinu komu, sýslumann,
skólayfirvöld húsvörð reiðhallarinnar
og hljómsveitina „Ný dönsk” sem ætl-
aði að spila. En þegar málið fór fyrir
stjórn Flugu sem á Svaðastaði, þá var
svarið frá þeim að þeir myndu ekki
gera húsið út fyrir svona samkomur.
Það verður því gaman að fylgjast með
því hvort þetta verður stefnan og hvað
þeir gera t.d. með stóðréttarböllin í
framtíðinni. Það er eins og við komum
víða að lokuðum dyrum”, segir Garðar
Víðir og er ekki ánægður með haustið
hvað ballmálin varðar.
Það hefur alltaf verið ball á vegum
útskriftarhópsins í byrjun desember,
nema að þessu sinni. Ekki var talið ráð-
legt að halda ball vegna þess að „Á
móti sól” ætlaði að vera með ball í
Miðgarði. Þannig að útskriftarhópurinn
ætlaði að reyna að komast inn í félags-
heimili í nágrenni bæjarins, til þess að
halda smá skemmtun áður en haldið
væri á ballið skemmtiatriði o.fl., en það
tókst ekki af óskýranlegum ástæðum,
en okkur grunar að það sé vegna gam-
als máls þegar þar voru unnar einhveij-
ar skemmdir á diskóteki á vegum skól-
ans. Það var áður en farið var að fram-
fylgja áfengisbanni á böllurn. Þess má
einnig geta að skemmtanir á vegum
skólans hafa ekki fengið inn í þessu
ákveðna húsi síðan.
Frambærileg ljóðskáld
En það tókst stórkostlega vel með
menningarkvöldið hjá okkur. Þessi
skemmtun hefúr verið að skapa sér
sess í skólalífinu og aðsóknin líka ver-
ið að aukast. Að þessu sinni komu hátt
í 400 manns. Þar var ýmislegt til
skemmtunar og nemendur sýndu hæfi-
leika sína. Fluttur var leikþáttur, tónlist-
aratriði, efnt var til ljóðakeppni og
keppni í líkamsmálun, sem Landbank-
inn veitti verðlaun til. Þátttakan var
mjög góð og t.d. bárust milli 30 og 40
ljóð í ljóðakeppnina, voru mörg þeirra
mjög frambærilegur kveðskapur að
mati Geirlaugs Magnússonar kennara
sem var dómari.
Það hefúr líka ýmislegt annað ver-
ið að gerast hjá okkur. Við opnuðum
vefsiðu nemendafélagsins í byijun ann-
arinnar, með pompi og pragt. Síðan
erum við búin að fara í tvær bíóferðir
til Akureyrar. Það hefúr skapast nokk-
ur hefð í kringum þær. Útvarpsmálin
hafa ekki gengið vel hjá okkur núna i
haust. Sendirinn var búinn að vera í
lagi í talsverðan tírna, bilaði fyrir
nokkrum misserum og þá tók nokkuð
langan tima að gera við hann. Fljótlega
í haust bilaði hann svo aftur, en við-
gerðin tók reyndar styttri tíma núna en
í fyrra skiptið. Þessi töf varð samt til
þess að dagskrárgerð hefúr legið niðri,
en við erum ákveðin í að fara af stað
með krafti eftir áramótin, í dagskrár-
gerðinni og síðan er stefiit að því að út-
varpa beint frá öllum leikjum Tinda-
stóls í körfuboltanum og frá sveita-
stjómarfundum. Það hefúr verið nokk-
uð líflegt hjá okkur í íþróttunum og við
erum búin að taka þátt í þremur íþrótta-
mótum. Framhaldsskólamóið í fijáls-
um íþróttum var haldið á Laugarvatni.
Þar áttum við titil að veija en tókst ekki
að þessu sinni þrátt fyrir góða ffainm-
stöðu. Knattspynuliðið komst í undan-
úrslit á mótinu sem haldið var í Flafn-
arfirði. Var það góð ffammistaða. Best
stóðu þó körfúboltamenn sig á ffam-
haldsskólamótinu sem einnig var hald-
ið á Laugarvatni. FNV vann það mót,
en við höfúm unnið þrisvar sinnum í
körfúboltanum á síðustu 5-6 árum.“
Þátttakan mætti vera almennari
- En hvernig er þátttaka hins al-
menna nemenda í félagslífi skólans?
„Það verður nú að segjast eins og er
að hún mætti vera meiri. Það er of lít-
ið um að myndist hópar um áhugamál-
in og klúbbastarfið mætti nýta betur.
Nemendafélagið er tilbúið að veita lið-
sinni, ef t.d. kæmu upp hópur sem
vildu spila brids, pijóna eða eitthvað.
Við tækjum þátt í að útvega aðstöðu
o.fl. Við t.d. keyptum leikrit að sunnan
fyrir leiklistarhópinn, svo dæmi sé tek-
ið. Það vantar svolítið meira frum-
kvæði hjá stórum hóp nemenda, þetta
er rnikið sami kjaminn sem stendur
fyrir því að eitthvað sé að gerast í skól-
anum.”
- En hvað með pólitikina, ber ekk-
ert á henni í skólanum?
„Nei því miður”, segirGarðarVíðir
sem einnig er formaður Víkings félags
ungra sjálfstæðismanna í Skagfirði.
„Eg vildi gjarnan að væri málfúndafé-
lag í skólanum, ekkert endilega af póli-
tískum toga, bara að fólk kærni saman
og viðraði skoðanir sínar á ýmsum
þeim málurn sem mest eru í umræð-
unni í samfélaginu hverju sinni, eða
bara einhverju sem að það vill tjá sig
um. Það sem vantar í samfélagið í dag
er það að ungt fólk hafi skoðanir á
málunum. í fyrra var starfandi í skólan-
um málfúndarfélagið Lenín, en það
hefur ekki verið við líði í vetur. Það er
alltaf gaman þegar fólk kemur saman
og skiptist á skoðununr, hefúr uppi
svolitlar rökræður”, sagði Garðar
Víðir að endingu.