Skólavarðan - 01.08.2009, Page 3
3
FORMANNSPISTILL
Formaður og varaformaður KÍ og formenn aðildarfélaga KÍ skiptast á um að skrifa
formannspistla í Skólavörðuna. Félögin á bak við formannspistlana eru: Félag
framhaldsskólakennara (FF), Félag grunnskólakennara (FG), Félag leikskólakennara
(FL), Félag stjórnenda í framhaldsskólum (FS), Félag tónlistarskólakennara (FT),
Skólastjórafélag Íslands (SÍ).
Stöðugleikasáttmáli – og hvað svo?
SKÓLAVARÐAN 5.TBL. 9. ÁRG. 2009
Kennarasamtökin tóku þátt í gerð stöðugleikasáttmála fyrr í
sumar ásamt öðrum stéttarfélögum í landinu, viðsemjendum og
stjórnvöldum. Þar eru talin upp ýmis mikilvæg verkefni sem á að
vinna að og sett fram meginmarkmið. Meðal mikilvægra markmiða
er að styrkja stöðu heimila, verja undirstöður velferðarkerfisins,
standa vörð um menntakerfið og verja störf á vinnumarkaði eins og
hægt er. Í sáttmálanum er mikilvæg vörn fyrir opinbera starfsmenn
gegn því að kjör þeirra verði rýrð með lagasetningu eða öðrum
stjórnvaldsaðgerðum.
Íslenskt samfélag glímir við afleiðingar tvöfaldrar efnahagskreppu í
þeim skilningi að við erum bæði að takast á við áhrif efnahagskreppu
á heimsvísu og síðan afleiðingarnar af hruni íslensks fjármálakerfis
sérstaklega. Orsakir hrunsins eru af ýmsum toga en þó tróna þar
hæst græðgi og siðblinda í fjármálalífi og næst í röðinni andvaraleysi
þeirra sem voru við stjórnvölinn í landinu og skortur á opinberu
eftirliti með fjármálastofnunum sem léku lausum hala.
Einstaklingar og fjölskyldur sem stóðu höllum fæti fyrir hrunið eru
enn berskjaldaðri núna og veruleg hætta er á að þeim fjölgi umtalsvert
sem eiga ekki fyrir daglegum nauðþurftum vegna atvinnumissis,
minni atvinnutekna og fjárhagslegra erfiðleika. Nú þegar er sá
hópur sem leitar til hjálparsamtaka um aðstoð orðinn fjölmennari
en áður hefur þekkst hér á síðari tímum. Foreldrar geta ekki staðið
straum af skólagöngu barna sinna eða námsvist ungmenna í
framhaldsskóla. Það gengur ekki upp að hagsmunir lánveitenda hafi
forgang í þeim úrræðum sem eru núna til fyrir skuldsett heimili og
fjölskyldur. Viðurkenna þarf að alger forsendubrestur hefur átt sér
stað í samfélaginu og stokka þarf málin upp út frá því.
Talsverður niðurskurður varð á þjónustu við nemendur í skólum
landsins á síðasta skólaári. Á næstunni kemur fjárlagafrumvarpið
fyrir árið 2010 fram og þá sést hvaða forgang starfið með nemendum
og nauðsynleg þjónusta við þá hefur fengið samkvæmt markmiðum
sáttmálans. Þetta á einnig við um áætlanir og forgangsröðun
sveitarfélaga. Öngþveiti skapaðist á höfuðborgarsvæðinu fyrr í sumar
við innritun inn í framhaldsskóla. Upplýsingar herma að fjölmörg
ungmenni muni ekki komst að í framhaldsskólum á þessu skólaári.
Sá hluti fjarnáms framhaldsskóla sem einkum hefur sinnt fólki
sem ekki er á hefðbundnum framhaldsskólaaldri er skorinn niður.
Það er rík ástæða til að hafa verulegar áhyggjur af því að tímarnir
framundan gætu einkennst af tilviljunarkenndum og skammsýnum
ákvörðunum í skólamálum því yfirsýn vantar og áætlun til lengri
tíma um forgangsröðun í starfsemi skóla.
Fyrir bankahrunið var kaupmáttarrýrnun orðin veruleg vegna
þenslu og verðhækkana. Síðan bætist við, vegna hrunsins, stöðnun
í launum og launaþróun, beinn tekjusamdráttur og niðurskurður
á launum. Í raun má segja að það uppbyggingarstarf sem átt
hefur sér stað á undanförnum árum milli samningsaðila við
kjarasamningsborðið sé orðið að engu.
Dreifstýrð launakerfi og það markmið að nota rekstrarafgang
til að bæta kjör daga uppi við núverandi aðstæður. Miklu heldur
gera aðstæðurnar núna kröfu um bein og milliliðalaus samskipti
samningsaðila um fjölmörg atriði sem skipta meira máli en áður.
Stéttarfélög og viðsemjendur þeirra þurfa að gera áætlanir fram í
tímann um aðferðir og tímasetningar við að ná launum og kjörum
upp þegar eðlilegar aðstæður skapast á ný til kjarasamningsgerðar
með þátttöku stjórnvalda.
Mikilvægur hluti af því að skapa sátt í samfélaginu og þar með
stöðugleika er að endurreisa traust, trúverðugleika og að þeir axli
ábyrgð á hruninu sem hana eiga að bera. Innleiða þarf siðbót og
nauðsynlegar breytingar með lýðræðislegum hætti og í því verkefni
þurfa m.a. kennarasamtökin að taka þátt með öðrum samtökum
launafólks.
Aðalheiður Steingrímsdóttir
Aðalheiður Steingrímsdóttir
formaður Félags framhaldsskólakennara
Lj
ós
m
yn
d
f
rá
h
öf
u
n
d
i
Það er rík ástæða til að hafa verulegar
áhyggjur af því að tímarnir framundan
gætu einkennst af tilviljunarkenndum og
skammsýnum ákvörðunum í skólamálum
því yfirsýn vantar og áætlun til lengri tíma
um forgangsröðun í starfsemi skóla.
SPARAÐU
Í KRÓNUNNI!
í takt við tímann
Lífrænt og hollt ótrúlegt úrval!
Kjöt og fiskur
Kjötvinnsla á staðnum
Ávaxta- og grænmetis
torg
Ferskleiki og hollusta
! Bakað á staðnum!Alltaf nýbakað
INNKAUPALISTA
Gerðu þinn eigin
á www.kronan.is