Skólavarðan - 01.10.2002, Side 9

Mót samtakanna munu einnig hafa verið
fjölsótt fyrr á árum, með allt að 6000 gesti,
en í Bergen var hópurinn mun fámennari.
Að sögn þeirra sem til þekkja hófst hnign-
un samtakanna með hruni Austur-Evrópu
en mikið munaði um þátttöku þeirra landa.
Einnig hefur verið nefnt sem orsök fyrir fá-
menni að þátttaka sé of kostnaðarsöm en
það gerir þeim erfitt fyrir sem minni efni
hafa. Sem dæmi má nefna að farmiði eins
af Afríkufulltrúunum mun hafa kostað
hann fjögurra mánaða laun og má nærri
geta að þar er að finna skýringu á því
hversu fámennir Afríkubúar voru á mótinu.
Þessi þróun er óneitanlega áhyggjuefni.
Það eykur þó bjartsýni að Spánverjar eru
komnir vel af stað með að skipuleggja
næsta mót. Í kynningarbás þeirra mátti fá
veggspjöld og upplýsingar um mótið sem
verður á Kanaríeyjum í júlí eftir tvö ár.
Umræðan um milljarðana og túrista-
vætt bæjarfjall
Á ISME móti verður til suðupottur alls
sem viðkemur tónlistarkennslu. Þar geta
kennarar nestað sig fyrir starf sitt, fengið
hugmyndir, komið á framfæri rannsóknum
sínum og athugunum og komist í tengsl við
starfsbræður sína víða að úr heiminum.
Þegar upp er staðið er ég ekki í vafa um að
þeir sem starfa að tónlistarkennslu eiga
þangað fullt erindi. Gefa verður Norð-
mönnum prik fyrir gott skipulag og frábært
framlag til mótsins. Ekki er hægt annað en
að viðurkenna að aðstaða í Bergen er ákjós-
anleg, fullkomið tónlistarhús með ótal
funda- og æfingasölum og Tónlistarháskól-
inn í túnfætinum. Þessa aðstöðu nýttu
skipuleggjendur sér með góðum árangri.
Okkur verður ósjálfrátt hugsað hingað
heim þar sem þessa dagana ríkir þögn um
öll byggingaráform. Í umræðunni um
milljarðana sem skipta um hendur vegna
kaupa og sölu fyrirtækja úti í heimi fer lítið
fyrir blessuðu tónlistarhúsinu fyrirheitna,
kannski er það svo lítið í samanburði við
loftkastala hinna nýríku að það tekur því
ekki einu sinni að nefna það.
Bergen er að mörgu leyti ákaflega heill-
andi staður. Gaman er að rölta um hafnar-
svæðið þar sem gömul timburpakkhús
Hansakaupmanna vitna enn um fornt
verslunarveldi. Í þröngum húsasundum er
hægt að hlýða á nið aldanna og snæða dýr-
indis máltíðir. Á Fiskitorginu er iðandi líf
þar sem bragða má á ljúffengum réttum, fá
sér í soðið eða verða um stund hluti af
þessu rótgróna mannlífi. Allt lokkar þetta
til sín ferðamenn í leit að rómantískri
stemningu, einhverju sem frábrugðið er
hraðbrautarmenningu nútímans. Bergen-
búar hafa einnig túristavætt bæjarfjallið
með góðum árangri. Þar gefst mönnum
kostur á að taka sér ferð með kláfi, eftir átta
mínútur er stigið út og við blasir stóra
Bergensvæðið úr 330 m hæð. Hvernig væri
nú að stíga skrefið til fulls og skapa öllum,
ungum og öldnum, tækifæri til að upplifa
útsýnið af Þverfellshorninu yfir kaffibolla
eða góðum kvöldverði?
Sigursveinn Magnússon
Spornar gegn nesja-
mennsku
Þórir Þórisson tónlistarkennari og fræði-
maður hvetur íslenska tónlistarkennara
til að sækja þing og ráðstefnur ISME
Hvað fá tónlistarkennarar út úr því að
sækja ISME ráðstefnur?
„Það er auðvitað dálítið breytilegt eftir
einstaklingum eftir hverju þeir eru að
slægjast, en í meginatriðum bjóða ISME
þingin upp á þrenns konar tækifæri: (1) Að
kynnast nýbreytni og þróun í tónlistar-
fræðslu víðsvegar í heiminum. Slíkar kynn-
ingar fara oft fram í formi stuttra nám-
skeiða. (2) Að fara með kóra og nemenda-
hljómsveitir sem koma fram á röð tónleika
samhliða þinginu. Kynni milli stjórnenda á
ISME þingum hafa oft leitt til samskipta
og heimsókna milli nemendahópa. Egill
Friðleifsson og Öldutúnskórinn eru gott
dæmi um slíkt. (3) Að kynna niðurstöður
eigin rannsókna eða þróunarvinnu.
Ég vil hvetja sem flesta íslenska tónlistar-
kennara til að sækja ráðstefnur og námskeið
erlendis. Það spornar gegn nesjamennsku
sem er alltaf töluvert áberandi í litlum sam-
félögum eins og okkar. Ég á við þá tilhneig-
ingu að telja sig hafa fundið hina einu réttu
lausn á öllum vanda og hafa ekkert af öðr-
um að læra. Að sjálfsögðu er mikið framboð
af endurmenntunarnámskeiðum fyrir tón-
listarkennara erlendis á hverju ári - bæði
góðum og slæmum. ISME þingin hafa þann
kost að þar er valið það besta úr miklum
fjölda verkefna sem boðin eru fram.“
ISME heldur margar ráðstefnur
Að sögn Þóris heldur ISME eina aðal-
ráðstefnu, annað hvert ár, sem nú fór fram
í Bergen. „Vikuna á undan aðalráðstefn-
unni eru hins vegar haldnar sjö minni ráð-
stefnur í nálægum borgum um afmörkuð
viðfangsefni, til dæmis um rannsóknir í
tónlistarfræðslu, tónlist áhugamanna, tón-
listaruppeldi ungbarna, kennaramenntun í
tónlist o.s.frv. Sjálfur sótti ég og kynnti
verkefni á rannsóknaráðstefnunni sem að
þessu sinni fór fram í boði Gautaborgarhá-
skóla. Ég taldi mig læra mikið af öðrum
sem þar kynntu niðurstöður sínar.
Að ganga í ISME
Til að fá hámarksþjónustu frá ISME
þurfa menn að ganga í samtökin sem ein-
staklingar. Það er bæði auðvelt og tiltölu-
lega ódýrt. Fólk borgar þá lægri ráðstefnu-
gjöld, fær fréttabréf, tímarit, afslátt af út-
gefnu efni o.s.frv. Hægt er að nota heima-
síðu samtakanna www.isme.org til að ganga
í þau. Einnig má nálgast sérstök umsóknar-
eyðublöð á skrifstofu FT.“
keg
Tónl istarþ ing
11
Í sól og sumaryl 2004
26. tvíæringur ISME verður haldinn á Tenerife og geta þeir sem vilja farið að láta sig
hlakka til. Viljum við í því sambandi minna á starfsmenntunarsjóð tónlistarkennara.
Á tvíæringnum í Bergen kynnti Þórir Þórisson á veggspjöldum rannsókn sína og Sigurgríms Skúla-
sonar um hljóðfæranám sem hluta af samfelldum skóladegi og í Gautaborg - á einni af tengiráðstef-
nunum sem haldnar voru á undan þinginu - hélt hann erindi um rannsókn sína á læsi á stíl
hljómsveitartónlistar. „ISME þingin hafa þann kost,“ segir Þórir, „að þar er valið það besta úr mik-
lum fjölda verkefna sem boðin eru fram.“