Morgunblaðið - 02.12.2015, Síða 28

28 DÆGRADVÖL
MORGUNBLAÐIÐ MIÐVIKUDAGUR 2. DESEMBER 2015
Í S L E N S K H Ö N N U N O G S M Í Ð I
LAUGAVEGI 61 KRINGLUNNI SMÁRALIND
Stjörnuspá
21. mars - 19. apríl 
Hrútur Þér finnst eins og þú náir ekki til
fólks og ættir því að endurskoða með hvaða
hætti þú talar til þess. Mundu þá að lífið er
ekki svart og hvítt og því síður fólkið.
20. apríl - 20. maí 
Naut Í dag væri ráð að afmarka verksvið
handa einhverjum eða fyrir ótilgreint verk-
efni. Láttu ekki bjartsýni þína telja þér trú
um eitthvað sem á ekki við rök að styðjast.
21. maí - 20. júní 
Tvíburar Mundu að aðgát skal höfð í nær-
veru sálar og fæst orð hafa minnsta ábyrgð.
Mundu að þú þarft ekki að borga brúsann
fyrir alla í kring um þig þótt þú sért ákveð-
in/n í að skemmta þér.
21. júní - 22. júlí 
Krabbi Ekki hika við að verja fé í fasteignir
eða annað sem tengist fjölskyldunni. Kann-
aðu hvort einhver úr vinahópnum eða fjöl-
skyldunni vill slá til.
23. júlí - 22. ágúst 
Ljón Allt hefur sinn stað og stund og nú
þarftu ekki annað en grípa tækifærið þegar
það gefst. En þegar þú finnur þá loks viltu
halda í þá og lærir að meta þá enn betur
með tímanum.
23. ágúst - 22. sept. 
Meyja Þótt þér finnist þú hafa lausnina
skaltu ekki blanda þér í annarra vandamál.
Leyfðu þeim að horfast í augu við mistök
sín.
23. sept. - 22. okt. 
Vog Oft er skammt á milli hláturs og gráts.
Að öðrum kosti skaltu fara sérlega vel yfir
allar ferðaáætlanir þínar.
23. okt. - 21. nóv.
Sporðdreki Þótt aðstæður á vinnustað séu
ekki alveg eftir þínu höfði skaltu ekki láta
þær ergja þig. Hann ætti að reyna á líkam-
ann til þess að bæta heilsufar sitt.
22. nóv. - 21. des.

Bogmaður Þú ert alltaf til í að endurskapa
sjálfan þig. Löngun þín til að eignast hlutina
er ekki í neinu samræmi við þarfir þínar.
22. des. - 19. janúar 
Steingeit Það getur eitt og anað komið upp
á þegar menn rökræða málin af fullum
þunga. Ekki síst ef um er að ræða hugboð
sem breyta heimsmynd þinni eða viðhorfi.
20. jan. - 18. febr. 
Vatnsberi Það er auðvelt að finna eitthvað
athugavert við mannkynið. Hugsaðu þig vel
og vandlega um áður en þú tekur ákvörðun
um að fjárfesta.
19. feb. - 20. mars

Fiskar Nú togast fjölskyldan og fjár-
málatækifærin á. Heimsóttu gamlan vin,
sem þú hefur ekki talað við lengi. Styrkur
hugsana viðkomandi gæti náð að hafa áhrif
á þínar eigin hugsanir.
Hallmundur Kristinsson er veður-
glöggur, – hann orti á sunnudag:
Himnafeðgar hyggja á plott.
Helst mig fer að gruna;
veðrið núna virðist gott,
en versna kann til muna.
Gylfi Þorkelsson yrkir og verður
naumast betra!
Mjúk nú fellur mjöllin,
myndar birtusindur.
Himinn sortnar, heimi
hverfa rósaljósin.
Fagnar lýður logni
Létt er fönn og glettin.
Ef upp með roki rýkur
ratar enginn um vengi.
Á mánudag birtust hér hugleið-
ingar Ármanns Þorgrímssonar um
það, hvað biði okkar fyrir handan.
Af því tilefni hafa rifjast upp á
Leirnum og víðar vísur eftir Ísleif
Gíslason á Sauðárkróki en aðdrag-
andanum er þannig lýst í Vísnabálki
Íslendings: Maður nokkur veiktist
mjög hastarlega af lungnabólgu, lá
lengi milli heims og helju og var
raunar, dögum saman, talinn af, en
flestum til mikillar furðu hjarnaði
hann þó við að lokum. Margir töldu,
að hér hefði gerst kraftaverk, en Ís-
leifur hafði tiltæka skýringu á því,
hvað varð manninum til lífs:
Sóttu tveir um sálina
sjúklingsins með takið.
Fjandinn þreif í fæturna.
Faðirinn hélt um bakið
Leikurinn þannig lengi stóð,
litlar gáfust náðir.
Hvorugum sýndist sálin góð,
svo þeir slepptu báðir.
Ingólfur Ómar Ármannsson er
matmaður góður, – „Kvöldmaturinn
í gær var þessi,“ segir hann á Boðn-
armiði:
Slíka fæðu mikils met,
má því una kátur.
Hér var saltað hrossaket,
hræringur og slátur.
Borðað á mig gat ég get,
gjarnan legið flatur.
Hræringur og hrossaket
er heimsins besti matur.
Pétri Stefánssyni þykir kaffi gott:
Vetrartíðin úti er
ekki neitt að hopa.
Nú er gott að gæða sér
á góðum kaffisopa.
Friðrik Steingrímsson tekur und-
ir það:
Úti þegar andar kalt
og á mann sækir skita,
blessað kaffið bætir allt,
brjóstverk, kvef og hita.
Halldór Blöndal
halldorblondal@simnet.is
Vísnahorn
Af veðri, lungnabólgu
og góðum mat
Í klípu
HARMLEIKIR SAMEINA FÓLK
– SAMA FÓLKIÐ OG VIRÐIST ALDREI
VITA HVENÆR TÍMABÆRT ER AÐ FARA.
eftir Mike Baldwin eftir Jim Unger
„SJÁÐU HVAÐ HEIMSKI FRÆNDI ÞINN GAF
OKKUR. HVAÐ HELDURÐU AÐ ÞETTA SÉ?“
Hermann
Ferdinand
Hrólfur hræðilegi
Grettir
... að vita að hjartað þitt
er á réttum stað.
MORGUNMATUR!
BRÚMM!
BRÚMM?!
ÉG ER LOKSINS
KOMINN HEIM,
HELGA!
ÉG RÉTT
MISSTI AF
ÞÉR!
EN ÉG MUN HÆFA Í
ÞETTA SINN!
Casablanca nefnist ein þekktastakvikmynd sögunnar. Víkverji
endurnýjaði nýlega kynnin af þess-
ari frábæru mynd og komst að því
að hún stendur fullkomlega fyrir
sínu. Myndin var fyrst sýnd árið
1942 og barst ekki til Þýskalands
fyrr en eftir síðari heimsstyrjöld.
Víkverji rakst í vikunni á grein þar
sem fram kom að ekki hefði verið
talið óhætt að sýna upprunalegu út-
gáfuna. Því voru nokkur atriði
klippt út úr myndinni. Það dugði
ekki til, heldur var söguþræðinum
einnig breytt.
x x x
Í Casablanca segir frá VictoriLaszlo, tékkneskum andspyrnu-
foringja, sem flýr ásamt konu sinni,
Ilse Lund, til Marokkó og hyggst
halda þaðan til Bandaríkjanna. Í
Casablanca er fyrir á fleti nasista-
foringinn Strasser, sem ásamt
frönskum lögregluforingja hyggst
koma í veg fyrir að Laszlo komist
leiðar sinnar. Bandaríkjamaðurinn
Rick Blaine, sem á næturklúbb í
Casablanca, leggur þeim lið.
x x x
Casablanca var ekki tekin til sýn-inga í Þýskalandi fyrr en 1952.
Í þeirri útgáfu höfðu atriði með
Strasser verið klippt út. Það átti
reyndar við um flestar vísanir til
nasista. Eitt atriði í næturklúbbi
Ricks þar sem nasistar byrja að
kyrja lagið „Die Wacht am Rhein“
og aðrir gestir yfirgnæfa þá með
því að syngja Marseillasinn er líka
horfið. Myndin fjallar ekki lengur
um tékkneska andspyrnumanninn
Laszlo, heldur norskan kjarneðlis-
fræðing, sem heitir Victor Larsen.
Hann á að hafa uppgötvað dular-
fullar delta-bylgjur og er hundeltur
af Interpol. Þessi útgáfa var 25 mín-
útum styttri en sú upprunalega.
Það var ekki fyrr en 1975 að Casa-
blanca var sýnd óstytt og talsett
upp á nýtt með upprunalegum
söguþræði í Vestur-Þýskalandi.
x x x
Casablanca er ekki eina myndin,sem mætti viðlíka ritskoðun
eftir stríð í Vestur-Þýskalandi. Þar
þótti greinilega óþarfi að nudda
kvikmyndahúsagestum um of upp
úr fortíðinni. víkverji@mbl.is
Víkverji
Tak þú eigi miskunn þína frá mér,
Drottinn lát náð þína og trúfesti ætíð
vernda mig. Sálm. 40:12