Morgunblaðið - 12.03.2016, Page 4

4 ÍÞRÓTTIR
MORGUNBLAÐIÐ LAUGARDAGUR 12. MARS 2016
Loksins fékk bakvörður
dagsins á baukinn. Kannski
vegna þess að markvarðar-
staðan féll honum betur á árum
áður. Eftir pistil sem birtist á
þessum stað fyrir viku bárust
tvö bréf frá formanni dómara-
nefndar HSÍ. Sá var því miður
ekki ánægður.
Í pistlinum fyrir viku var m.a.
gagnrýnd sú ákvörðun dómara-
nefndar að flytja inn einn dóm-
ara til þess að dæma einn af sex
úrslitaleikjum í meistaraflokki
karla og kvenna á bikarhelgi
HSÍ. Hann var spyrtur saman við
íslenskan félaga. Ranghermt var
að þeir hefðu dæmt einn til tvo
leiki í Evrópukeppni á ári. Hið
rétta er að þeir hafa dæmt fjóra
leiki í Evrópukeppni auk leikja í
Færeyjum. Beðist er velvirðingar
á röngum staðhæfingum. Eins
munu þeir hafa dæmt tvo leiki á
bikarhelginni, en ekki einn.
Þeir félagar eru sagðir hafa
fengið mjög góða umsögn fyrir
framgöngu sína í Evrópuleikjum,
eftir því sem fram kemur í öðru
bréfinu frá dómaranefnd. Meira
að segja svo góða að þeir eru
með hæstu einkunn íslenskra
dómara hjá Handknattleiks-
sambandi Evrópu í vetur.
Bakvörðurinn, sem frekar
vildi vera markvörður, fer ekki
ofan af því að óþarfi var að flytja
inn dómara til þess að dæma
leiki. Þetta var bruðl þegar dóm-
arar eru fyrir hendi hér á landi.
Nú er liðið á annan mánuð síð-
an Aron Kristjánsson sagði
starfi sínu lausu sem landsliðs-
þjálfari karla í handknattleik.
Ekkert bólar á eftirmanni hans.
Hvað ætlar HSÍ að draga lengi
að ráða þjálfara? Næstu lands-
leikir verða eftir þrjár vikur í
Noregi. Kannski verður formað-
ur HSÍ á hliðarlínunni eða for-
maður landsliðsnefndar. Hver
veit?
BAKVÖRÐUR
Ívar Benediktsson
iben@mbl.is
22. UMFERÐ
Sindri Sverrisson
sindris@mbl.is
„Eins og hann á kyn til þá er bara
einn gír hjá honum, og það er
„áfram“. Það er þannig hvort sem þú
skoðar hann, pabba hans eða afa
hans. Þetta eru menn sem láta ekk-
ert stoppa sig,“ sagði Helgi Freyr
Margeirsson, körfuknatleiksmaður
úr Tindastóli, um nafna sinn og sam-
herja, Helga Rafn Viggósson.
Helgi Rafn er leikmaður 22. um-
ferðar Dominos-deildar karla hjá
Morgunblaðinu, þeirrar síðustu áður
en úrslitakeppnin hefst á fimmtu-
daginn þar sem Tindastóll mætir
Keflavík. Hann skoraði 24 stig og
tók 13 fráköst í sigri á FSu í loka-
umferðinni.
Helgi Rafn, sem er 32 ára, er með
risavaxið Tindastólshjarta, fyrirliði
liðsins um árabil og mikilvægur
hlekkur. Hann er alinn upp á Sauð-
árkróki og hefur allan sinn feril
klæðst Tindastólsbúningnum. Í
deildinni í vetur skoraði hann 8,5
stig að meðaltali í leik, tók 6,9 frá-
köst og gaf 1,9 stoðsendingar.
„Hann er leikmaður sem er alltaf
gíraður í leiki. Þetta er maður sem
gefur allt í leikina, hvernig sem hann
getur, hvort sem það er með fráköst-
um, varnarleik eða í sókninni. Svo er
hann frábær fyrirliði og mikil fyrir-
mynd. Það er ómetanlegt að hafa
svona mann í vörninni, sem heldur
„talandanum“ í liðinu gangandi og
keyrir menn áfram allan tímann.
Hann lætur menn alveg heyra það
þegar honum finnst þeir ekki vera að
leggja sig fram eins og hann er að
gera,“ sagði Helgi Freyr, og tekur
undir að nafni sinn eigi innilega skil-
ið að taka þátt í að landa fyrsta stóra
titli Tindastóls.
„Mikilvægi hans er alltaf mikið og
hann sér til þess að menn gíra sig
alltaf upp, hvort sem það er gegn
KR og Keflavík eða, með fullri virð-
ingu, FSu sem er fallið niður um
deild. Hann sér til þess að við lend-
um ekki í leik þar sem menn leggja
sig ekki alla fram. Hann setur
„standardinn“ og aðrir reyna að
jafna hann í því, og hann svipar okk-
ur áfram til þess,“ bætti hann við.
Helgi Rafn er af þriðju kynslóð
„Drangeyjarjarla“, sonur Viggós
Jónssonar og sonarsonur Jóns Ei-
ríkssonar, en fjölskyldan rekur
ferðaþjónustufyrirtækið Drang-
eyjarferðir. Helgi Freyr segir margt
líkt með þeim þremur:
„Þetta eru engin lömb að leika sér
við. Þeir eru ómannlega sterkir en
samt léttbyggðir. Afinn fór einn fyr-
ir áratugum síðan og steypti bryggju
úti í Drangey og lagði upp göngu-
stíg, sem er ekkert grín þegar við er-
um að tala um nánast þverhnípi upp
170 metra. Hrammarnir á þessum
mönnum eru þannig að þeir gleypa
venjulegan handlegg,“ sagði Helgi
Freyr, og rifjaði upp sögu af föður
Helga sem eitt sinn sveiflaði sér á
annarri hendi upp á aðra körfuna í
íþróttahúsinu á Króknum, hékk þar
og lagaði vír sem tengdur var í hana,
eins og ekkert væri sjálfsagðara!
„Helgi Rafn setur markið“
 Fyrirliðinn er Tindastólsmaður í húð og hár  Alltaf í rétta gírnum og sér til
þess að liðsfélagar sínir fylgi því fordæmi  Af þriðju kynslóð Drangeyjarjarla
Morgunblaðið/Styrmir Kári
Reyndur Helgi Rafn Viggósson reynir skot í leik Tindastóls gegn KR. Hann
hefur spilað hvern einasta deildaleik Tindastóls frá árinu 2009.
Körfubolti karla: Leikmaður umferðarinnar
23. UMFERÐ
Sindri Sverrisson
sindris@mbl.is
„Mér hefur alltaf fundist búa mun
meira í Elvari en hann gerir sér
grein fyrir sjálfur. Hann hefur allan
pakkann,“ sagði Óskar Bjarni Ósk-
arsson, þjálfari karlaliðs Vals í hand-
bolta, um Elvar Friðriksson læri-
svein sinn sem er leikmaður 23.
umferðar Olís-deildarinnar hjá
Morgunblaðinu.
Elvar er 29 ára gamall, Valsmaður
í húð og hár. Hann varð Íslands-
meistari með Val árið 2007 og hefur
þrívegis orðið bikarmeistari með lið-
inu; árin 2008 og 2009 og svo í síð-
asta mánuði. Árið 2010 hélt hann ut-
an í atvinnumennsku og samdi við
danska úrvalsdeildarfélagið Lemvig.
Þar byrjaði hann vel en varð svo að
fara í uppskurð vegna axlarmeiðsla í
nóvember. Elvar spilaði ekki meira
fyrir Lemvig og fór til Hammarby í
Svíþjóð sumarið 2011, þar sem hann
lék í tvö ár áður en hann sneri aftur í
Val.
Elvar fór í uppskurð vegna nára-
meiðsla í haust og hefur því lítið get-
að spilað með Val í vetur, en hann
átti frábæran leik í útisigri Vals á
Aftureldingu, 26:24, í fyrrakvöld. Á
lokamínútu leiksins fékk hann þó að
líta rauða spjaldið. Valsmenn eru í 2.
sæti deildarinnar og ætla sér eflaust
alla leið í úrslitakeppninni, og þá
gæti reynt á mikilvægi Elvars sem
Óskar segir leiðtoga í liðinu.
„Hann er góður varnarmaður og í
sókn er hann góður í að velja rétta
kosti, finna samherjana og er með
góð skot. Hann á eftir að komast í
örlítið betra keppnisstand en þetta
er allt að koma,“ sagði Óskar.
Þyrfti kannski að kryfja
sjálfan sig meira
„Núna er hann kominn á góðan
aldur og er orðinn leiðtogi í liðinu.
Ég var mjög ánægður með það í gær
[í fyrradag] að hann tók af skarið á
örlagastundu og það er mikilvægt
fyrir hann að ná nokkrum svoleiðis
leikjum. Það vita allir í deildinni,
bæði leikmenn og þjálfarar, hvað
hann kann og það var mikilvægt að
hann skyldi taka leikinn svona í sín-
ar hendur í þessum leik. Hann vant-
ar kannski aðeins meira áræði í að
gera meira, því hann hefur líkamann
og getuna sem til þarf. Það er ekkert
sem stoppar hann þar,“ sagði Óskar,
sem segir námsleiðina sem Elvar
valdi sér ef til vill geta nýst honum
við að ná enn lengra:
„Hann er leiðtogi en er samt ekki
að trana sér mikið fram. Hann er
mjög rólegur og maður gefur honum
ákveðin verkefni sem hann leysir
mjög vel. Hann er klár og skyn-
samur strákur að taka master í sál-
fræði og góður á þeim vígstöðvum,
en þarf kannski að kryfja sjálfan sig
meira og ég held að hann viti það al-
veg sjálfur.“
Handbolti karla: Leikmaður umferðarinnar
Hann hefur allan pakkann
 Óskar segir að Elvar geri sér ekki grein fyrir því sjálfur hversu góður hann sé
 Er að komast í gang eftir nárameiðsli  Öxlin truflaði atvinnumennskuna
Morgunblaðið/Eva Björk
Valsmaður Elvar Friðriksson hefur leikið á Hlíðarenda að undanskilum þremur árum í Danmörku og Svíþjóð.
Það dró heldur
betur til tíðinda
hjá enska úrvals-
deildarliðinu
Newcastle í gær.
Steve McClaren
var rekinn úr
starfi knatt-
spyrnustjóra og
skömmu síðar
var tilkynnt
ráðning Spán-
verjans Rafaels Benítez. Honum er
ætlað að bjarga liðinu frá falli en
þegar liðið á tíu leiki eftir situr það
í fallsæti, er í næstneðsta sæti, stigi
á eftir grönnum sínum og erki-
fjendum í Sunderland sem eru fyrir
ofan strik.
Benítez gerði þriggja ára samn-
ing en stjóraskipti hafa verið tíð hjá
Newcastle og er hann áttundi stjóri
liðsins á síðustu tólf árum. Hann er
55 ára gamall og þrautreyndur.
Newcastle verður þriðja enska liðið
sem hann stýrir en Benítez var við
stjórnvölinn hjá Liverpool í sex ár
og gerði liðið að Evrópumeisturum
árið 2005 og þá var hann í stuttan
tíma hjá Chelsea. Hann tók við því í
nóvember 2013 þegar Roberto Di
Matteo var sparkað og undir hans
stjórn vann Chelsea sigur í Evrópu-
deildinni. Frá Chelsea fór hann til
Napoli og þaðan til Real Madrid en
var leystur frá störfum þar í janúar
á þessu ári. gummih@mbl.is
Benítez á að
bjarga liði
Newcastle
Rafael
Benítez