Víkurfréttir - 09.06.1994, Blaðsíða 10

10
9. JÚNÍ 1994
VlfrtlRFRÉTTIR
Hefur hann verið á ijöllum?
- Logi Úlfarsson, framkvæmdastjóri íslensks Markaðar hf., svarar flugvallarstjóra
Pétur Guðmundsson flug-
vallurstjóri geysist enn fram á
ritvöllinn í Víkurfréttum 2. júní
s.l., eins og í hvert sinn sem ein-
hver segir sannleikann um flug-
völlinn hans. Friðrik Georgsson
velti upp nokkrum steinum í
grein sem hann skrifaði í Vík-
urfréttir fyrir mánuði síðan.
Vegna greinar Péturs langar mig
til þess að leggja orð í belg, þar
sem málið er mér skylt og ég hef
áður séð mig knúðan til þess að
svara rangfærslum flugvall-
arstjórans.
Við sem stöndum að Is-
lenskum Markaði hf höfum í
mjög langan tíma gagnrýnt flug-
vallaryfirvöld fyrir að gera ekki
neitt í því að markaðsselja flug-
völlinn. Nú hefur flugvall-
arstjórinn loksins viðurkennt að
við höfum haft rétt fyrir okkur.
að hann hafi ekkert gert til þess
að selja flugvöllinn. Nú snýst
málið unt að aðilar í ferða-
þjónustu eins og Flugleiðir eyði
miklum fjármunum í þetta verk-
efni. Það er öllum Ijóst að Flug-
leiðir hafa unnið þrekvirki í því
að kynna lsland á erlendum
veltvangi. En ég velti því fyrir
mér hvort markaðsstarf Flug-
leiða snúist um að laða erlend
flugfélög til þess að koma við á
Keflavíkurflugvelli.
Flugvallarstjórinn birtir í
greininni einu sinni enn leikn-
inguna yfir lendingargjöld á
flugvöllum um alla Evrópu og
sýnir svart á hvítu að lend-
ingargjöld á Keflavíkurflugvelli
eru ótrúlega lág. Það er hins
vegar staðreynd að á þessum
lista eru ekki þeir flugveilir sem
hægt er að segja að séu í beinni
samkeppni við Keflavíkurflugvöll
sem millilendingarflugvellir. Þá
minnist hann ekki á það grund-
vallaratriði að þegar menn verð-
leggja söluvörur sínar skiptir máli
hver eftirspurnin er. Eg velti því
fyrir mér hvort fleiri flugfélög vilji
lenda í Frankfurt en á Ketla-
víkurflugvelli. Fyrir utan að á
mörgum þessarra fiugvalla er heil-
mikið svigrúm til sveigjanleika í
innheimtu lendingargjalda.
Flugvallarstjórinn viðurkennir í
grein sinni að húsaleiga í flug-
stöðinni sé í hærri kantinum. Sann-
leikurinn er hins vegar sá að húsa-
leigan í flugstöðinni er sú hæsta sem
þekkist hér á landi og þó víðar væri
leitað. Flugvallarstjóri spyr hvort
Friðrik Georgsson telji ástæðu til að
lækka húsaleigu á Fríhöfninni eða
Islenskum Markaði, og segir þessi
fyrirtæki skila miklum hagnaði. Það
skal upplýst hér að það er ekki
Flugvallarstjóra að þakka að þessi
fyrirtæki ganga þolanlega í dag. Það
er árangur mikillar vinnu og afburða
starfsfólks sem leggur á sig ómælt
erfiði til þess að skila betri afkomu.
Islenskur markaður var rekinn með
miklu tapi fyrstu árin í nýju flug-
stöðinni og þrátt fyrir að farþegum
hafi fækkað uintalsvert, hefur fé-
lagið skilað eigendum sínum ágæt-
um arði síðustu tvö ár. Þá er það
beinlínis rangt hjá flugvallarstjóra
að fyrirtæki liafi ekki hrökklast burt
vegna hárrar húsaleigu. Póstur og
sími sagði upp húsnæði sínu í inn-
ritunarsal vegna hennar.
Fyrst kastar þó tólfunum þegar
flugvallarstjóri fer að ræða um ok-
urbúlluna Islenskan Markað í grein
sinni. Mér er það hulin ráðgáta af
hvaða hvötum hann sér sig knúðan
til þess að ráðast á fyrirtækið með
Varnarliðið:
LAUST
STARF
Varnarliðið á Keflavíkurflugvelli óskar
að ráða yfirverkstjóra á bifreiðaverk-
stæði Flotastöðvar Varnarliðsins.
Starfið felur í sér yfirverkstjórn, umsjón og
almennt eftirlit með viðgerðum og við-
haldi á bifreiðum Flotastöðvarinnar.
Umsækjandi sé bifvélavirki með full rétt-
indi og hafi yfirgripsmikla reynslu á sviði
viðgerða og verkstjórnar.
Krafist er mjög góðrar enskukunnáttu
ásamt góðri framkomu og lipurð í sam-
skiptum.
Umsóknir berist til Varnarmálaskrifstofu,
ráðningardeild, Brekkustíg 39, 260 Njarð-
vík, eigi síðar en 16. júní 1994.
Umsóknareyðublöð ásamt starfslýsingu
liggja frammi á sama stað.
þeitn hætti sem hann gerir enda
verður ekki séð að grein Friðriks gefi
tilefni til þess, en Friðrik fór mjög
lofsamlegum orðum um það starf
sem fram fer hjá fyrirtækinu.
Hjá Islenskum Markaði starfa 20
manns við það dag og nótt að selja
og kynna innlendar vörur og hefur
náð ágætum árangri í viðleitni sinni.
Auk þess má fullyrða að a.m.k. 100
manns lifi á því að framleiða sölu-
vörur verslunarinnar. Við erum á
móti einokun og það einkaleyfi sem
við höfum, var okkur úthlutað af
manninum sem í dag ásakar okkur
fyrir að okra á viðskiptavinum okkar
í skjóli þess sama leyfis. I húsa-
leigusamningi þeim sem við störfum
eftir er það greinilega tekið fram að
við megum aðeins selja íslenskar
vörur en sannleikurinn er sá að við
höfum ekki beðið um það. Við gæt-
um vel hugsað okkur að selja frægar
snyrtivörur, tóbak. og erlendar
áfengistegundir. Ef flugvallar-
stjórinn væri ekki á fjöllum hvern
einasta dag ársins gæti hann komist
að því að Islenskur markaður væri
ekki það sem hann er í dag ef við-
skiplavinir verslunarinnar væru ekki
ánægðir með það sem við reynum að
bjóða þeim. 1 stað þess að grípa á
lofti verðkönnun í dagblöðunum þar
sern við erum bornir saman við lág-
vöruverðsverslanir í Reykjavík sem
oft selja vörur sínar á undirverði, þá
hefði hann getað komist að því að
við seljum í mörgum tilfellum vörur
sem eru lægri en aðrir bjóða. Við
höfum opið þegar viðskiptavinirnir
þurfa á okkur að halda, hvort sem er
að nóttu eða degi. Við greiðum
hæstu húsaleigu norðan Alpa-
Ijalla. Við leggjum metnað okk-
ar í að kynna land og þjóð fyrir
erlendum ferðamönnum með
öllum tiltækum ráðum og til-
heyrandi kostnaði. Þá erum við
vel meðvituð um grund-
vallaratriði markaðslögmálanna
og högum verðlagningu okkar
eftir eftirspurn hverju sinni, það
er meira en sumir aðrir gera.
Hugsunarháttur sá sem birtist
í grein Péturs Guðtnundssonar
er mjög varhugaverður og sýnir
betur en oft áður að hann skilur
ekki það hlutverk sitt að hlúa að
þeim fyrirtækjum sem þurfa að
treysta á það sem liann er að
gera. Hann skilur ekki að fyr-
irtæki verða að skila hagnaði til
þess að einhver vilji eiga þau, og
þá skiptir ekki máli hvort um er
að ræða ríkisfyrirtæki eða
hlutafélög.
Grein Friðriks Georgssonar í
Víkurfréttum II. maí s.l. var
þörf áminning um þá möguleika
sem flugstöðin hefur upp á að
bjóða. Það geta flestir verið
sammála um að full ástæða er til
að vinna úr þeim möguleikum.
en á meðan yfirtnaður flug-
stöðvarinnar tekur á móti góð-
um ábendingum með þeim hætli
sem við sáum í grein hans er
maður svo sem ekkert fullur
bjartsýni.
Logi Ulfarsson
framkvæmdarstjóri
lslensks Markaðar Itf
Heimsókn kórs
Trollhattankirkju
til Keflavíkur-
sóknar á 50 ára
lýðveldisafmæli
Á miðvikudaginn munu koma
góðir gestir hingað á Suðurnes.
En það er Kór kirkjunnar í Troll-
hattan , sem verið hefur vinabær
Keflavíkur í Svíþjóð. Munu þau
taka þált í fagnaði okkar á 50 ára
lýðveldisafmæli íslensku þjóð-
arinnar. Kórinnmun taka þátt í
þjóðhátíðartónleikum Kórs
Keflavíkurkirkju miðvikudags-
kvöldið 15. júní kl. 20.30. Einnig
munu þau halda sérstaka tónleika
í Keflavíkurkirkju fimmtu-
dagskvöldið 16. júní kl. 20.30.
Kórinn mun syngja með Kór
Keflavíkurkirkju í skrúðgarðinum
að morgni 17. júní. Þau munu
dvelja hér í bæjarfélaginu í viku-
tíma, Fyrirhugað er að báðir kór-
arnir haldi sameiginlega tónleika
í Akraneskirkju 19. júní. Stjórn-
andi Kórs Trollhattankirkju er
Lars Wadell. Að sjálfsögðu eru
allir hjartanlega velkomnir á tón-
leikana, til að taka á móti vinum
okkar frá Svíþjóð.
Góð sýning
i Risinu
Málverkasýning Baðstofunnar
er farin af stað og ekki er annað að
sjá en að nemendur hafi verið
önnum kafnir í vetur. Allir veggir
eru þéttsettnir af myndum hvort
sem það eru vaxlitamyndir, ol-
íumálverk eða vatnslitamyndir.
Aðstaða til sýninga al' þessu tagi
er góð í risinu. lýsingin er næg en
veggirnir fáir þannig að á þessari
sýningu mega sáttir þröngt sitja og
ælti það ekki að vera verra. Sýn-
ingin mun standa til sunnudagsins
18. þessa mánaðar þannig að enn
er nægur tími fyrir þá sem vilja
virða fyrir sér verkin.
Mynd SiP.
Hilmar stórritari
Vel heppnuðu Unglingareglu-
og Stórstúkuþingi I.O.G.l. er lok-
ið. Það fór fram dagana 1 .-3. júní
í Templarahöllinni og Vinabæ í
Reykjavík. Sr. Björn Jónsson
fyrrum sóknarprestur í Kellavík
var endurkjörinn stórtemplari.
Hilmar Jónsson bókavörður í
Keflavík færðist til innan fram-
kvæmdanefndar Stórstúku fs-
lands: Úr sæti fyrrverandi stór-
templara yfir í embætti stórritara.
Flóamarkaður til styrktar Þroskahjálp
Á morgun föstudag verður hald-
ið „karnival" og flóamarkaður við
Iðnsveinahúsið í Keflavík. Tilefnið
er söfnun sem nú hefur verið
hrundið af stað af ýmsum velunn-
urum Þroskahjálpar á Suðurnesjum.
Söfnunin er liður í fjármögnun á
byggingu æfingarpotta þar sem
fötluð börn geta hlotið þjálfun í
vatni. Þjálfun í vatni er fötluðum
börnum mikil nauðsyn og mun
auðveldara er að veita þeim þá æf-
ingu sem þau þarfnast ef aðstaðan
er á þeim stað sem þau eru oftast
vistuð á. Dagvistunin að Ragn-
arsseli verður 10 ára þann 1. sept-
ember næstkomandi og það er
stefna þessara velunnara að þá verði
draumurinn unt aðstöðuna e.t.v.
orðinn að einhverskonar staðreynd.
Þess vegna vonum við að sem
flestir leggi okkur lið, og komi og
líti á okkur á föstudaginn. Það
verður spiluð tónlist daginn út. Selt
verður kaffi, öl og heitar vöfflur
með rjóma, sem hægt er að borða
á staðnum. En aðalatriðið er þó
flóamarkaðurinn þar sem allir finna
væntanlega eitthvað við sitt hæfi.
Allar söluvörur eru notaðar, en
mjög vel farnar og verðið er hreint
ótrúlegt. Þarna verður opið frá kl.
10:00 um morguninn til 17:00.
Kaffiveitingar verða þó aðeins í
boði eftir kí. 13:00.
Þarna mun kenna ýntissa grasa,
t.d. fatnaður frá ungbarnastærðum
til kvenna og karlastærða, skart-
gripir. leikföng, pottablóm, skó-
fatnaður ofl. o.fl. Ef ekki viðrar til
útiveru munum við llytja mark-
aðinn inn í Iðnsveinafélagshúsið.
Allir eru velkomnir og vonandi
sjá sér sem flestir fært að koma og
gera glimrandi góð kaup og styrkja
góðan málstað.
Við viljum einnig koma á fram-
færi þökkum til þeirra fjölmörgu
verslana og einstaklinga sem lögðu
hönd á plóginn með okkur á Fjöl-
skylduhátíðinni í Lyngseli. og
einnig við undirbúning þessa dags.
Látið sjá ykkur og góða
skemmtun!
Skenimtinefnd Galsa og stuðn-
ingshópur um þjáll'un í vatni.